Josué 3:5 - La'qaatqa ñi qota'olec Qota'olec & Qota'olec Novita Na Qomyipi

⁵ Ca' so Josué 'naaco' queso qomyipi: —Nco'taxachita, ma' ma' nete'e, ca huañiỹa ñi qara'gaxala' ỹo'uet ca se qaiuanapega.

Josué 3:5 Iomraidhean Croise

Job 1:5

Ca quena' ỹomate' da lqui'ỹaxague', ca' so Job roỹaxanouguilo saua llaalqa. Ca co'quena' nete'etam, ca' ne'laxashiguim, ca' ỹavigaxat añi lachitaxanataxanqate, 'onatac nqai'en quiñi 'óna llaalec, qaiyi co'it quena lasauaxaset. Ca' so Job se neme 'neeta'gue dajo, ma' sqoue quiyim 'ue ca llaalec se no'uen ca la'qaatec quiñi qota'olec pa'xantauo quena lauel.

Joel 2:16

lapooñiỹata' na lalamaxareteripi ñi qota'olec, chaqai nco'taxachiñi; lapoỹata' nqai'ñii na qo'xoiquipioqui', na ñaaqaipioqui' chaqai vire'ta ná'maq ñaqai llipetac. ¡Vire'ta nauá'maq ñaqai chita'gue o'nata' nenoxondec queca lauote' 'imec!

Juan 17:19

Naua'maxare sauaxate' quiyim ñañaanot aqami', qaiyi naua'maxare qai'neete' nañaantot aqami', quiichigui nqai'ne' da lliqueta.

Josué 3:13

Chaqai ná'maq netaxaỹaxanqajanqaipi quená'maq i'xateta añi lahite' naua laqataxaco ñí'maq la'gaxala' ná'ogue na qomyipi quena 'laua, ca ma' co'viri'ñigui naua lapiaate' na huaxaỹaq, ca' aso lachiugue shicchigui ma'le na huaxaỹaq, ná'maq chicqashi'mquera qaguiguit, nachajñi, sqai eec.

Josué 3:4

Qaiyi 'yiiñii cá'maq quii'tegue ma'le, ma' qaica ca caqamiri quiyim 'ue quet ca shi'gue que'tegue cajo ñicta. Qam mesqai ỹaatqajam leseequejlec nqai'ñii aso lahi' naua naqataxaco. Qaidaata quiyim chi coỹaritalec aso'maxare 'uo' ca mil metros nqai'ñii ca leseeque'ta'uegue.

Josué 3:6

Ca' quesaua netaxaỹaxanqajanqa 'naaco': —Coñiỹot añi naqataxaco lahi', ca' paguiỹa'ta ana lachiugue, 'avita quena qomyipi. Ca' saua netaxaỹaxanqajanqa ỹacontot aso naqataxaco lahi', ca' 'auesaxasom queso qomyipi.

1 Samuel 16:5

Ca' so Samuel 'naaco': —Ajá'a, chaqaida. Ỹim ñanac, qam saanot aca ỹachitaxanataxanqate ñi qara'gaxala'. Nco'taxachiỹalta', ca' ñauecqatecta', qaiyi lliguitau'a ma' savigaxat ca ỹachitaxanataxanaxat. Ime, ca' nco'taxat nqai'en so Isaí chaqai so llaalqaipi, ca' 'naapega quiyim ỹalequetaho ma' ỹo'uet ca lachitaxanataxanaxat.