Josué 3:4 - La'qaatqa ñi qota'olec Qota'olec & Qota'olec Novita Na Qomyipi

⁴ Qaiyi 'yiiñii cá'maq quii'tegue ma'le, ma' qaica ca caqamiri quiyim 'ue quet ca shi'gue que'tegue cajo ñicta. Qam mesqai ỹaatqajam leseequejlec nqai'ñii aso lahi' naua naqataxaco. Qaidaata quiyim chi coỹaritalec aso'maxare 'uo' ca mil metros nqai'ñii ca leseeque'ta'uegue.

Josué 3:4 Iomraidhean Croise

Génesis 31:2

Ca so Jacob ra'ỹo'ot qai'neeta so Labán, ca' ỹoqa'a na lashic, mesqai 'nejem na' ñaqai 'aueta.

Éxodo 19:12

Ca qaỹa'ue na netanec quenaua lahil añi qa' ladocai, qaiyi na qomyipi se napacalec. Chaqai 'ñirapego' quiyim se napacqachin cañi qa' ladocai, chaqai sqai quishi'megue, chaqai se nqo'neu'alo naua lahil. Ma' cá'maq nqo'neuo cañi'maxare, ca' ileu nqohin.

Éxodo 3:5

Ca' ñi qota'olec 'naaco' queso'maxare: —Totaxan nqo'ñiro. Naqachi' naua qapelachichi', ma' ná'maq 'laua co'viisalec ỹaatqajam 'ue da lichic, ma' ỹalamaxaret.

Éxodo 4:10

Qam so Moisés 'naaco' quiñi qara'gaxala': —Qam naua ỹa'qaatqa se ỹa'machiñi, ma' na'perapeguec. Qam dajo sqai naquita quiyim taxaisa'pegue' najo relaachiqui'. Qam shi'gue quesom. Ma' quena' sham setaqa, ca' sqalanac dá'maq shim sa'xat.

Josué 3:3

Ca' 'ue da naqataxac qoỹaanem so Israel llaalqaipi: —Ma' huañii'tegue ana laqataxaco lahi' ñi qara'gaxala' qai'xateta quena qaretaxaỹaxanqajanqaipi quena' qaretaxaỹa'pegue' ñi qota'olec, ca' nenoxoñiuec, quiigue, coỹaritauo.

Josué 3:5

Ca' so Josué 'naaco' queso qomyipi: —Nco'taxachita, ma' ma' nete'e, ca huañiỹa ñi qara'gaxala' ỹo'uet ca se qaiuanapega.