Josué 3:3 - La'qaatqa ñi qota'olec Qota'olec & Qota'olec Novita Na Qomyipi

³ Ca' 'ue da naqataxac qoỹaanem so Israel llaalqaipi: —Ma' huañii'tegue ana laqataxaco lahi' ñi qara'gaxala' qai'xateta quena qaretaxaỹaxanqajanqaipi quena' qaretaxaỹa'pegue' ñi qota'olec, ca' nenoxoñiuec, quiigue, coỹaritauo.

Josué 3:3 Iomraidhean Croise

2 Samuel 6:13

Ca co'na' sauá'maq i'xatete' aso lahi' saua laqataxaco ñi qara'gaxala', co'na' ỹovi' quiyim seis qauahi', ca' so David ỹalauat so tooro chaqai qagreta loua' 'uegaxasaq, ỹa'ue lachitaxanataxanaxat, ca ỹavigaxat.

2 Samuel 6:3

Ca' aso lahi' saua naqataxaco qaillaañigui aso nahoglena dalaxaiỹole, qaỹachigoxochichi'ñi yi la'a' so Abinadab na'ñi aso quemaralec ladocai. Ca' so Uza chaqai so Ahío sauá'maq llaalqa so Abinadab, saua'maxare ỹo'deetalgoto saua lo'ol aso nahoglena hueetañigui aso lahite' saua laqataxaco ñi qota'a. Ca' so Ahío 'aueta caso'maxare.

1 Reyes 8:3

Ca' ỹoviro ná'ogue na qo'xoiquipi quena llaalqaipi so Israel. Ca' so letaxaỹaxanqajanqaipi na qomyipi quena' qaretaxaỹa'pegue' ñi qota'a ỹaconot aso lahite' saua naqataxaco,

Números 10:33

Co'na'le, ca' so qomyipi ca'e aso nquemaralec qa' ladocai ñi qara'gaxala', ca' queeta so qomyipi quesaua tres na'xata'. 'Aueta nqohin aso lahite' saua diez laqataxaco ñi qara'gaxala' idaantaque cá'maq hua'ñi ca nco'matqa'.

Mateo 16:24

Co'na'le, ca' so Jesús 'naaco' quesaua lapaxaguinatqa: —No'm 'ue ca ỹahotaque quegue aỹim, ca' ncouaalta', ca' quegue aỹim, 'eno'm na'laxatañi dá'maq chi nachaalataxac.

Mateo 8:19

Ca' 'ue so napaxaguinataxanaq quena naqataxaquipi nqo'neu'a so Jesús, ca 'naaco': —Qami' napaxaguinataxanaq, aỹim sahotaque shiguegue aqami' quecanchaqai 'itegue.

Josué 3:4

Qaiyi 'yiiñii cá'maq quii'tegue ma'le, ma' qaica ca caqamiri quiyim 'ue quet ca shi'gue que'tegue cajo ñicta. Qam mesqai ỹaatqajam leseequejlec nqai'ñii aso lahi' naua naqataxaco. Qaidaata quiyim chi coỹaritalec aso'maxare 'uo' ca mil metros nqai'ñii ca leseeque'ta'uegue.

Josué 3:6

Ca' quesaua netaxaỹaxanqajanqa 'naaco': —Coñiỹot añi naqataxaco lahi', ca' paguiỹa'ta ana lachiugue, 'avita quena qomyipi. Ca' saua netaxaỹaxanqajanqa ỹacontot aso naqataxaco lahi', ca' 'auesaxasom queso qomyipi.

Josué 3:8

Ca' qami' 'ñirapega na netaxaỹaxanqajanqaipi ná'maq i'xateta añi lahi' naua naqataxaco quiyim ma' ỹoviraxasom quena lahi aso Jordán, ca' nachajñi, hueetañigui yi huaxaỹaq caso lachiugue.

Josué 6:6

Ca' so Josué roỹaxanougui so netaxaỹaxanqajanqaipi, ca 'naaco': —Coñiỹot añi lahi' naua laqataxaco ñi qara'gaxala'. Ca' siete caua 'auete' caqamiri, 'avitauec cañi lahi' naua naqataxaco, pi'chiitapiguilo caua rpi'chii qagreta loua' lasote.

Apocalipsis 14:4

Ca' so'maxare só'maq se iuanapega aca 'aalo, chaqai co'teeta. Chaqai so'maxare só'maq coỹaretegueñi so 'ec qagreta llaalec quecanchaqa taigue so'maxare. Qanca'laxatec, qaỹachigoxotaugui na qomyipi hueetalec ana 'laua, 'ec nqohin aca 'auaxai nachitaxanataxanqate quiyim qoỹaanot ñi qota'a chaqai so 'ec qagreta llaalec.