Josué 3:17 - La'qaatqa ñi qota'olec Qota'olec & Qota'olec Novita Na Qomyipi

¹⁷ Sá'ogue so qomyipi pacta aso lachiugue leenaxat Jordán, qam so que'ejta'gue llima. Ca só'maq netaxaỹaxanqajanqaipi só'maq i'xateta aso lahite' saua laqataxaco ñi qara'gaxala' ỹaatqajam nachaachichiriñi quena lavinñi so Jordán quiyi 'laua ra'ñijlec. (4.1—5.15 Qaiconalo saua doce qari quiyi Jordán. Ime, ca' nco'matec quiyi Gilgal.)

Josué 3:17 Iomraidhean Croise

2 Reyes 2:8

Ca co'na'le, ca' so Elías icona so lapo', inanta', ca' ỹouaxanñigui so huaxaỹaq. Ca' so huaxaỹaq shicchigui. Ca saua'maxare paquera'ta aso lachiugue, rashivichigui.

Éxodo 14:21

Ca' so Moisés ỹachaxanshiguim so lqai'laxat nalojlec nqai'en aso huaaxai, ca' ñi qara'gaxala' nela' so quesaxan nonot chicqa'gue da lqodoigue, naquetac quesá'ogue so pe. Ca' shicchigui nqai'en aso huaaxai, ca' chaqaido' da 'neeta na'le, ca' ñi qara'gaxala' ñigui nqai'en aso huaaxai 'laua rashivijlec.

Éxodo 14:22

Ca na' pacta so Israel llaalqaipi 'ec 'laua rashivijlec. Ca 'ec nquepaqataxanaxat so huaxaỹaq quenaua lahil da nemaq chaqai queda loic.

Éxodo 14:29

Qam so Israel llaalqaipi paca'ta aso huaaxai 'ec 'laua rashivijlec. Quenaua lahil, ca 'ec lquepaqataxanqate' so huaxaỹaq queda loic chaqai queda nemaq.

Isaías 25:8

Ca' ñi qara'gaxala' ỹosogui ma'le da nelauaxa, chaqai ná'ogue nquiỹouec na lachiripi, chaqai na'laañi nqai'en quená'ogue na 'laua quiyim se qanqo'chiguit na lalamaxareteripi. Ñi qara'gaxala' 'naac dajo.

Hebreos 11:29

Chaqai queda lpi'ỹaxac so llaalqaipi so Israel, ca' ishit pacta aso huaaxai, leenaxat Huaaxai Toc, 'ec nqai'en ca rashivijlec 'laua. Chaqai co'na' so Egipto laseripi sham pacta qai'neeta, ca' sá'ogue homac.