Josué 3:1 - La'qaatqa ñi qota'olec Qota'olec & Qota'olec Novita Na Qomyipi

¹ Ca' queso liỹa nete'e na' nete'etam, ca' so Josué chaqai sá'ogue so Israel llaalqaipi eec ca'e yi Sitim, ca' ỹovita aso lachiugue Jordán. Qam na' saqa' ỹapacta, ca' nco'matec.

Josué 3:1 Iomraidhean Croise

Génesis 21:14

Ca' queso liỹa na'xa'a na' ñaq nete'etam, ca' so Abraham ỹaanem so pan aso Agar chaqai aso liỹoxoso no'qaatagui queso huaxaỹaq. Ca' illaalgoto naua lallaaco chaqai ỹaanem so llaalec Ismael. Ca' ỹo'daauec aso'maxare. Ca' eec aso'maxare, se ỹa'den ca taigue. Ca' chi namaqategueri' quiyi 'laua qaica qom quiyi 'laua Beerseba.

Génesis 22:3

Ca' queso liỹa na'xa'a ñaq nete'etam, ca' so Abraham na' ne'laxashiguim, ca ỹo'ueejlec so lalo 'ashin, iỹoxolec queso nqo'paq ỹauaaque lcopatoxonaxat. Ca' eec quepegue' yí'maq ỹicapi'ño' ñi qota'olec, liỹaatac so llaalec Isaac chaqai saua dos lelaatqa.

Jeremías 26:5

chaqai se na'xaỹaxanalo naua laqataxaco na ilaatqaipi itaxaỹaxaquiripi selaretapego, ná'maq qamiri se na'xaỹaxañiỹa,

Jeremías 7:13

Ma' mashic sopiltalec shintapega quedá'maq ỹo'ueetetac, qam qamiri se na'xaỹaxañiua' chaqai vire'ta sqai saachiguit aỹim. Ỹim na'gaxala', se'taxajñi dajo.

Miqueas 6:5

Qamiri ỹalamaxarete', ñaq no'viñigue nagui dá'maq na'deenaxac na'le so nashi quiyi Moab leenaxat Balac quecá'maq sham 'neeta'guelo qamiri, chaqai dá'maq la'qaatec na'le só'maq llaalec so Beor leenaxat Balaam. No'viñigue na' chigoxoichi'ñi yi Sitim, ca 'iỹa'gue da Gilgal, chaqai 'yiiñira'a quiyim so'ootaxanteguelgoto qamiri na'le.

Marcos 1:35

Ca co'na' ñaq napaltañi, ca' so Jesús ne'laxashiguim. Ca ta'oguiyi quiyi na'a' lodegaxat, ma' ỹahotaque quiyim nodaatec, ca' nqouagaxain.

Josué 2:1

Quiyi Sitim, ca' so Josué ỹa'vii saua ilate' nemootaxanterec dos ỹale', ca 'naapegalo': —'Ajnaxañiỹa yi 'laua yí'maq neetalec yi na'a' lodegaxat Jericó. Ca saua'maxare que', ca ỹovirera'o' yi la'a' aca 'aalo nanatqa lo'o' quiyi Jericó, leenaxat Rahab. Ca huera'ño' lelaxasqote' queca pe.

Josué 6:12

Ca' queso liỹa nete'e na' nete'etam, ca' so Josué ne'laxashiguim, ca' so netaxaỹaxanqajanqaipi ỹaconot aso lahi' saua naqataxaco.

Josué 6:15

Ca na' ỹovire'oga so liỹa na'xa'a na' nalagaxashiguim so na'xa'a, ca qaỹaqaleten yi na'a' dá'maq chi qohinta'co' quen, qam quesojo na'xa'a, ca' siete qanaqaletenlec.

1 Samuel 17:20

Ca' queso liỹa nete'e, ca' so David no'teetashiguim, ca ỹa'ue so neloxoỹaq caso qagreta, ca' eec, i'xat sá'ogue só'maq na'ic qoỹaanem queso leta'a Isaí. Ca co'na' ỹovita so co'matqa', ca' so ỹalliripi mashic ỹa'maxañi, eec, ỹaualqatagui quiyim nalauat.