Josué 24:27 - La'qaatqa ñi qota'olec Qota'olec & Qota'olec Novita Na Qomyipi

²⁷ Ca co'na' ime, ca' so Josué 'naapega sá'ogue so qomyipi: —Najo qa' ỹaatqajam ỹa'deenta ná'ogue na la'qaatqaipi ñi qara'gaxala' ỹaanouguilo qomi' ma' ỹaatqajam 'qaachigui ná'ogue na na'qaatqaipi. Ca na'maxare ỹaatqajam ỹa'deente' qamiri, qaiyi qaica ca noqolliguit quiyim 'naac se ỹauanapega ñi qota'olec.

Josué 24:27 Iomraidhean Croise

Isaías 1:2

Piguim chaqai na 'laua, na'xaỹaxañiỹa da la'qaatec ñi qota'olec, 'naac: Siỹaxat na ỹaalqaipi ỹovireta'a quiyim leta'allipi, qam na'maxare npa'guene'e' aỹim.

Isaías 59:13

Ỹaatqajam spa'guenqatac chaqai se qaraqamaq quiñi qara'gaxala' qota'olec, se sahoqotaque qolaxalec, socachaqata'a quiyim sa'xataq na se no'uen, sahoqe ca qana'deenaxac, ca' sayinaq na liỹa qom.

Mateo 10:33

Qam cá'maq se ra'qaataxan quena qomyipi quiyim queeta'pegue' aỹim, ca' ỹim qai'neeta se sa'xat ma'le quiñi ita'a qota'olec neeta'gue da piguim.

Lucas 19:40

Qam so Jesús 'naaco': —Shinapegalo qamiri no'm nauajo i'machiñi, ca na qaripi ỹaualaq.

Deuteronomio 30:19

Quenajo na'xa'a, ca spa'xano'ot na piguim chaqai na 'laua quiyim reloqota'alo qamiri quiyim mashic saanema qamiri quiyim nca'aiguilo daua dos: da nca'laxa loqo'm da nelauaxa, da no'uen loqo'm da se no'uen. Ca' no'uen quiyim nca'aiua'a ca nca'laxa, qaiyi rca'lliiuec chaqai na qachaalaxahipi.

Tito 1:16

Na'maxare 'naac ỹaatqajam ỹa'den ñi qota'a, qam dá'maq lo'ueenataxanaxac re'qoota quiyim se nachiñiguit dá'maq 'neetari'. Ỹaatqajam se qaishitaqchiguit chaqai se na'xaỹaxan, chaqai sqa taiguit cá'maq no'ueenataxanaxac ỹa'maqachiguiñi.

Josué 24:28

Ime, ca' so Josué ila' so qomyipi quiyim quiñi 'óna pila cá'maq chi lalamaxaret la'a'. (24.29-33 Dá'maq 'neeto' da lelauaxa so Josué chaqai so Eleazar, llaalec so Aarón.)

Apocalipsis 3:8

Ỹim sa'den ná'ogue ná'maq 'viichi'sac. Ca' sella'gue dá'maq loqoisa'gue ñi 'ec lasom nauatetagui qaica ca ishit ỹapogui ñi'maxare. 'Eno'm sqai 'xoic ca rquesaxanaxa'e', qam na'xaỹaxañiteta da ỹa'qaatec chaqai mesqai 'xochiriñi aỹim.