Josué 24:2 - La'qaatqa ñi qota'olec Qota'olec & Qota'olec Novita Na Qomyipi

² Ca 'naac quesá'ogue so qomyipi: —Da la'qaatec ñi qara'gaxala', ñí'maq qota'olec quena Israel, 'neetasa': Nallaaqo' quesaua 'auaxaqa qata'allii Taré chaqai saua llaalqa Abraham chaqai so Nacor neeso'ot na lahi aso lachiugue Eufrates, nqouagaxainsacoto' quen na nashiilqaipi.

Josué 24:2 Iomraidhean Croise

Génesis 11:22

Ca' so Serug ỹovito'o' saua treinta ñaxari, co'na' ne'qaañi so llaalec Nacor.

Génesis 11:24

Ca' so Nacor ỹovito'o' saua veintinueve ñaxari, co'na' ne'qaañi so llaalec Taré.

Génesis 11:26

Ca' so Taré ỹovito'o' saua setenta ñaxari, co'na' mashic ne'qa'iñi saua llaalqa Abram, Nacor chaqai so Harán.

Génesis 11:27

Ca' 'ena na llaalqaipi so Taré só'maq leta'a so Abram, Nacor chaqai so Harán. Ca' so Harán chaqaiso' so leta'a so Lot.

Génesis 31:19

Ca co'na' so Labán ñaqai ỹoqa'a da hueeta'gue repetegaxantac caso lalo qagreta, ca' aso Raquel rocachalo' saua lqolaqa so leta'a.

Génesis 31:30

Qam quiyim mashic paguelec ca riyaxa'e' quiyim pillita ca la'a' ca qataa'i', ca' vichiguiño' qui', qam ¿chi'negue ma' cuachitalo' caua ỹashiilqa iqolaqa?

Génesis 31:32

Qam no'm 'ue cá'maq lo'qoota'alo caua rqolaxahi', ¡ca' ileu! Ca naua qouo' laseripi 'qaata'pe: 'Ñirapiguiỹa' quiyim 'ue ca qatooỹaqui' llo'qoota'a, ca' coñita, 'xachi'. Qam so Jacob se ỹa'den quiyim aso Raquel rocachalo saua nqolaqa.

Génesis 31:53

Ca' chaqai ỹoiquena'pe qomi' ñí'maq qota'olec quesó'maq qapichi' Abraham chaqai so ỹapi' Nacor. Co'na'le, ca' so Jacob nallitalta' ỹaanot da la'qaatec ñi qota'olec queso leta'a Isaac, ñí'maq nqouagaxaintacot.

Génesis 35:4

Ca' so qomyipi ỹaanem so Jacob sá'ogue so lqolaqaipi chaqai so nishitellipi. Ca' so Jacob ishiñi'ñot aso qo'paq leenaxat encina na'ñi yi sqoỹoqaque quiyi Siquem.

Ezequiel 16:3

'Ñiraco' ma'le quiyi'maxare: Ñi qara'gaxala' 'neetasa' da la'qaatec: Qami' Jerusalén, ỹaatqajam sqai 'chi' dá'maq no'ueenataxac só'maq chicqoiraugui, ma' ne'xaỹoxosqochi' yi 'laua Canaán; so qataa'i' chigoxougui na amorreoipi chaqai aso qachii'i' lauo' laseripi na hititaipi.

Lucas 3:34

ca' so Judá leta'a so Jacob, ca' so Jacob leta'a so Isaac, ca' so Isaac leta'a so Abraham, ca' so Abraham leta'a so Taré, ca' so Taré leta'a so Nacor,

Deuteronomio 26:5

Ca ma'le, ca' qami' taxahi' 'qaachigui qami' ñi qara'gaxala'. Ca 'ñiracsa': Saua 'auaxaqa ita'al sqo vito'olqai' arameo lase' chaqai huoxoiquipi, ca' chi ỹovireta'a na'le yi Egipto. Ca' quiyi, ca na'ñi, chi ỹovireta'a quiyim nqo'neuec, ca' 'xoic, ca 'ue da lquesaxanaxa.

Josué 24:15

Qam no'm sqai 'maxariñii quiyim quiilec ñi qara'gaxala', ca' nagui, ca' nca'aiua'a cá'maq viitaque quiilec, na nqolaquipi ná'maq imaqachintac na'le so 'auaxaic qataa'illipi na' neetalec da lahi aso lachiugue Eufrates, loqo'm na lqolaquipi na amorreoipi, ná'maq ñiitañigui qamiri nagui. Qam ỹim chaqai na ỹaalqaipi qolaxalec ñi qara'gaxala' qota'olec.