Josué 24:18 - La'qaatqa ñi qota'olec Qota'olec & Qota'olec Novita Na Qomyipi

¹⁸ Chaqai ñi'maxare peloguec ná'ogue na ỹoreta'oguit qomyipi sauaxate' qomi', chaqai ỹo'daauec na'le na amorreoipi neetalec na'le najo 'laua ná'maq senqatalec nagui. Vichiguiño' qomi' qai'neeta qolaxague ñi qara'gaxala', ma' ñi'maxare chaqaiñi ñí'maq qota'olec coqomi'.

Josué 24:18 Iomraidhean Croise

Éxodo 10:2

chaqai qaiyi qami' 'qaataxañita ma'le ca qachaalaxai'pi chaqai ca qauachi'ipi dá'maq shinta'gue quiyim seualaxaintac na Egipto laseripi, chaqai ná'maq chalego lecaic ỹo'uet da ne'laxa iuanchigui nqaishin na'maxare, qaiyi ya'yiiñii qamiri ma'le quiyim aỹim ná'maq ỹim na'gaxala'.

Éxodo 15:2

Dajo ỹo'ueenec saantacot ñí'maq qara'gaxala', ñi'maxare chi iquesaxanaxa chaqai ica'laxa. Ñi'maxare chaqaiñi ñi qota'olec caỹim, ca' semaqachintac; ñí'maq qota'olec quiyi ita'a, ca' ỹim sapacqajnauec.

Miqueas 4:2

ca 'naac: “Ỹalahi, qolaxashi'megue ada naqa' ladocai ñi qara'gaxala', ñí'maq no'ueenaxanaxaqui quiñi nqota'olec so Jacob, qaiyi ñi'maxare qarapaxaguineguelo caua nayicyaxaco, qaiyi seshitaq qolqata'guelo naua llico.” Ma' chicqochi'ñi ma'le yi Sión ca lapaxaguinataxanaxac ñi qara'gaxala', chaqai quiyi Jerusalén chicqochi'ñi ca la'qaatec.

Hechos 7:45

Ca' sojo nopele' 'au ỹacoñiguit so 'auaxaic qareta'allipi, ca' queetagui sá'ogue chaqai sauá'maq liỹareta'pe so Josué qai'neeta ne'xatete' co'na' nenoxonda'a najo 'laua. Qam najo 'laua neetalec so ỹoqa'a qomyipi ỹoreta'oguit, só'maq ñi qota'olec ỹo'daauec, ỹahotaque quiyim la'a' najo so 'auaxaic qareta'allipi. Ca' chaqaida 'neeta ỹovireta'guit so nashi David.

Josué 24:17

Ma' ñi qara'gaxala' chaqaiñi ñí'maq naqaterec qomi' na'le na' qomi' na'aqa quiyi Egipto. Chaqai ỹaatqajam seuanqachigui ná'ogue ná'maq ỹo'uet chalego lecaic se qaiuanapega, chaqai ñi'maxare ỹaatqajam quepaqataxanteguelgoto qomi' quena ñanaguinqata'gue chaqai quená'ogue na ỹoreta'oguit qomyipi ñanaguinqachigui.

Josué 24:19

Ca' so Josué 'naaco' queso qomyipi: —Qamiri peeta'a sqai shichii quiilec ñi qara'gaxala', ma' ñi'maxare ỹaatqajam qota'olec co'teeta chaqai qaica ca ỹa'maxaren. Chaqai ñi'maxare se ishit quiyim na'ñaxachiguit na se no'uen chaqai na nasauaxaseteripi.