Josué 24:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ Qam no'm sqai 'maxariñii quiyim quiilec ñi qara'gaxala', ca' nagui, ca' nca'aiua'a cá'maq viitaque quiilec, na nqolaquipi ná'maq imaqachintac na'le so 'auaxaic qataa'illipi na' neetalec da lahi aso lachiugue Eufrates, loqo'm na lqolaquipi na amorreoipi, ná'maq ñiitañigui qamiri nagui. Qam ỹim chaqai na ỹaalqaipi qolaxalec ñi qara'gaxala' qota'olec.

Josué 24:15 Iomraidhean Croise

Génesis 18:19

Ma' ỹim ica'acsec na'maxare, qaiyi 'naapega ca llaalqaipi chaqai ca lauaripi quiyim huelec da ỹapaxaguinataxanaxac, chaqai quiyim ỹo'uet ná'ogue ná'maq ỹa'maqachiguiñi chaqai da no'uen ñicyaxac, qaiyi sepacqajanchigui ná'ogue ná'maq shinac na'le.

Génesis 35:2

Co'na'le, ca 'naaco' so Jacob queso llaalqaipi chaqai quesá'ogue so liỹaripi: —Naqachiuec ná'ogue na nqolaqaipi hueeto'oto qamiri. Nachillii, chaqai dalaxachii' naua qatoohi.

1 Reyes 18:21

Ca co'na'le, ca' so Elías nqo'neu'a sá'ogue so qomyipi, ca 'naaco': —¿Chi' laquio' 'xañiñi quiyim quiitalgoto naua dos ra'deenataxanaxagohi? No'm ñi qara'gaxala' chaqaiñi ñí'maq ỹaatqajam qota'olec, ca' quiitalec ñi'maxare; chaqai no'm ñi Baal, ca' chaqaiñi oquiitalec. Qam so qomyipi qaica ca ỹa'xat.

Éxodo 23:2

Chaqai sqo quire'uegue ca 'xoic qomyipi ỹahotaque que'uegue cá'maq se no'uen. Ca quiyim ỹovita 'xachi' ca na'qaataxanaxac, ca 'neeto' qoshi'relec cá'maq retañi' quiyim sqai llic, 'eno'm ca 'xoic qomyipi llic nqai'en.

Daniel 3:18

Qam no'm se qarca'laxatec, qam 'yiiñite' quiyim se ñqouagaxainqot na rashiilqui' nqolaquipi chaqai se sa'daqoto naua qare'cootal ñi nadenqatec qom imaañi 'oro.

Hechos 11:23

Ca co'na' ỹovi' so Bernabé, ca' iuana quiyim ñi qota'olec ỹaanem da la'maxa so qomyipi, ca so'maxare qai'neeta 'xoic da netoonaxac. Ca' qata sá'ogue so'maxare quiyim sqai ỹaxanñi ỹa'deentapega ñi qara'gaxala' Jesús.

Deuteronomio 13:7

ma' 'ue na lqolaquipi lashiilec na qomyipi sqoỹoqaque chaqai na qoỹoqo'ta ỹaqaletene' naua lahil na 'laua,

Josué 24:16

Ca co'na'le so qomyipi 'naaco': —¡Qomi' se seshitaq qolqa'e ñi qara'gaxala', qaica ma' qolaxague quet na nqolaquipi!

Jueces 6:10

Ca' shinac na'le caqamiri, ỹim ná'maq ỹim ra'gaxalari qota'olec. Chaqai shinac quiyim se ro'chiỹa na lqolaquipi na amorreoipi, ná'maq na'laua ná'maq ñiitalec nagui, qam qamiri sqai viilec aỹim.