Josué 21:45 - La'qaatqa ñi qota'olec Qota'olec & Qota'olec Novita Na Qomyipi

⁴⁵ Ca' qaica quet cá'maq la'qaatec se ipacqajñigui quená'maq no'uen la'qaatqaipi quená'maq ỹachaxantapeguem so Israel llaalqaipi, ỹaatqajam ná'ogue ipacqajanchigui ñi qara'gaxala'. (22.1—23.16 So ni'ic pa'aata'gue da lqodoigue pila yi na'laua. So Josué retaqaugui so qomyipi.)

Josué 21:45 Iomraidhean Croise

1 Reyes 8:15

'Naaco': —Ỹaatqajam qaimaqachin ñi qara'gaxala' ñí'maq qota'olec quena Israel, ma' ipacqajanchigui dá'maq ỹachaxantaco' na'le queso ita'a David, co'na' 'naac:

1 Reyes 8:20

Ca' ñi qara'gaxala' ỹaatqajam ipacqajanchigui nagui dá'maq la'qaatec. Ca' ỹim nagui ñqa'xanlec da lo'ueenataxanaxac so ita'a David, ca' ñqa'xanñi quiyim ỹim lashi na llaalqaipi so Israel. Chaqai ño'xonshiguim ana no'ueenaxanaxaqui, qaiyi qanqouagaxainot ñi qara'gaxala' ñí'maq qota'olec quena Israel.

1 Reyes 8:24

Ma' pacqajñichiriguilo dauá'maq 'ñirapegalo na'le so relaachiqui' David, só'maq ita'a. Ca' quena na'xa'a, ca' ỹovirelec quiyim ipaquichiguilo naua ra'qaataxahi'.

1 Reyes 8:56

—¡Ỹaatqajam qaimaqachin ñi qara'gaxala' ma' ỹaanem da leuagaxa na lalamqateripi llaalqaipi so Israel, ipaquichigui nqai'en dá'ogue dá'maq ỹachaxantac na'le! Ma' sqaica ma' se ipaguigui quet ná'maq no'uen ỹachaxantac na'le queso lelaatec Moisés.

Números 23:19

Ñi qota'olec mesqai 'nejem ca chaqai qom, ma' ca qom 'ue ca lqodoc: ñi'maxare se na'majan chaqai se ỹadalaxat ca la'deenataxanaxac. Ma' ñi'maxare quena' 'ue da 'naac, ca' ỹo'uet. Chaqai quena' 'ue da ỹaanec la'qaatec, ca' ipacqajanchigui.

1 Corintios 1:9

Ca' ñi qota'olec ỹaatqajam ipacqajanchiguilo naua la'qaatqa, ma' chaqaiñi ñí'maq roỹaxanalo qamiri quiyim nouañiỹau'a da nachaalataxac so llaalec Jesucristo só'maq qara'gaxala'.

1 Tesalonicenses 5:24

Ma' ñí'maq qota'a roỹaxanalo qamiri, ỹaatqajam se napacalec ca la'qaatec, ca ipacqajanchigui ma'le dá'ogue dajo.

Tito 1:2

chaqai qai'neeta ỹa'deenta da quitaxac queda chaalataxac sqaica lqodoc. Dá'maq ỹachaxantac na' saqa'leca na 'laua ñí'maq qota'a, ma' ñí se na'majan.

Hebreos 6:18

Ca' chaqaida dá'maq 'neeta quiyim 'vii naua dos quiyim se ishit quiyim 'ue ca qaỹadalaxat, ca quenaua'maxare, ca ñi qota'a se ishit na'majan. Ca' quedaua'maxare, ca' ñi qota'a ỹo'uet quiyim ỹa'maxaguilo qovilli', ca ña'ñaxatqachiguiñi, ma' mashic shi'gue sedaanqataque quiyim quepaqataxanlgoto qomi', ca' seuaqlec quedá'maq qanaquitaxac ỹaanema qomi'.

1 Samuel 3:19

Ca' so Samuel noquiiquetashiguim da ladogaxa, ca' ñi qara'gaxala' ỹaatqajam ỹotauan so'maxare, chaqai ipaquichiguilo nqai'ne' naua la'qaatqa.