Josué 21:43 - La'qaatqa ñi qota'olec Qota'olec & Qota'olec Novita Na Qomyipi

⁴³ Ca' chaqaida dá'maq 'neeta quiyim ñi qara'gaxala' ỹaanem so Israel llaalqaipi sá'ogue so 'laua só'maq ỹachaxantac queso 'auaxaic leta'allipi. Ca' so qomyipi naalec sojo 'laua.

Josué 21:43 Iomraidhean Croise

Génesis 12:7

Ca' quiyi, ca' ñi qara'gaxala' nachaxano' so'maxare. Ca 'naaco': Najo 'laua ná'maq saanem ma'le na qachaalaxai'pi. Co'na'le, ca' so Abram no'xonshiguim aso ncopatoxonaxalate, ca nqouagaxainot ñi qara'gaxala', ma' chaqaiyi hua'ño' co'na' qanachaxana.

Génesis 13:15

Ná'ogue najo 'laua 'ajñisac ỹim saanem aqami', ca chaqa'ma' ralamaxarichi' chaqai ca qachaalaxai'pi.

Génesis 28:4

Chaqai quiyim ỹaanem qami' chaqai ca qachaalaxai'pi qai'neeta ca lqouagaxa ỹachaxanem na'le so Abraham, qaiyi ralamaxarichii na 'laua senqatalec nagui, shinqatari' ca ỹoqa'a ca chicqa'gue, ma' ñi'maxare ỹachaxanapeguem quiyim ỹaanem so Abraham.

Éxodo 3:8

Vichiguiño' ñanac, sahotaque ñaqata'a queda lquesaxanaxa quena Egipto laseripi, ñaqata'a quiyijo 'laua. Ca' sauega yi 'laua lodegaxat chaqai lo'yaxanec, yí'maq hua'ñi quiyim sqoue na huaca lo'i' chaqai na rapic li'i, yí'maq na'ñi na cananeoipi, na hititaipi, na amorreoipi, na ferezeoipi, na heveoipi chaqai na jebuseoipi.

Deuteronomio 17:14

Ca no'ma' ỹovita quiyim noxoñiu'a cá'maq 'laua ỹaanema qamiri ñi qara'gaxala' qota'olec caqamiri, ma' ỹaatqajam qadoxoñiguii, ca' ñiỹalec ca'maxare, ca no'm 'ñiỹac: Sahoqotaque quiyim 'ue ca qarashi, qaiyi qara'gaxala', qaiyi shinqatari' ná'ogue na liỹa qomyipi sqoỹoqaque quena senqa'ñi,

Deuteronomio 34:4

Ca' ñi qara'gaxala' 'naaco' queso'maxare: —Najo ná'maq 'laua ñallitalta' na' sachaxantac queso Abraham, Isaac chaqai so Jacob quiyim saanem ma'le na llaalqaipi. Ca' ỹim sahotaque quiyim huañita quiyim ỹaatqajam 'ajñisac, 'eno'm sqai noxoñira'a ma'le yi'maxare.

Josué 1:6

Qam ỹaatqajam na'ñaxachi', se ileuapigui qavilli', ma' qami' naloqojñirec ma'le yi 'laua, 'ỹaañitem na qomyipi, ma' yi'maxare sachaxantapeguem na'le so 'auaxaic leta'allipi quiyim saanem.