Josué 2:6 - La'qaatqa ñi qota'olec Qota'olec & Qota'olec Novita Na Qomyipi

⁶ Qam ỹaatqajam llic quiyim aso'maxare ỹaviquishiguim saua ỹale' quena lelaq so lauo' 'imec. Ca' saua'maxare nañoxochiñi, inoxonyigui ca lino napoonecsec qaỹashiviaxatetac.

Josué 2:6 Iomraidhean Croise

2 Samuel 11:2

Ca 'uo' so avit co'na' ne'laxashiguim so David chicqojlec so lomala', ca taashi'megue na lelaq so 'imec lodegaxat. Ca' chi ỹouootegueri', ca idaanto'o' aso 'aalo ỹaatqajam lo'yaxana nachiltac.

2 Samuel 17:19

Ca co'na' ime, ca asó'maq loua só'maq la'a' yi'maxare ỹa'ue so lapooque' aso ni'ỹa, ca' ỹocorelec queso trigo shi'gue nac lovi. Ca' dajo qaica ca ỹa'den.

1 Reyes 18:13

Ca' ¿peeta'a se qara'qaataxano' qami' na'le quedá'maq so'uet na' aso nashi Jezabel ỹahotaque nalauajñi so letaxaỹaxaquiripi ñi qara'gaxala' qota'olec? Ca' ỹim na'le soxojñi so cien qomyipi, dos saua nqañoqotqate' nqaishin, cincuenta so sellaugui quiñi 'óna lauac, ca' saante'em na loq.

1 Reyes 18:4

Chaqai co'na' aso nashi Jezabel relaataxanlec quiyim qaỹalauat na lca'acsec letaxaỹaxaquiripi ñi qota'olec, ca so'maxare ỹoxojñi so cien qomyipi, ca ỹasectaxajñigui na lavinñi, ca' dos nqai'ne' naua lapooqote', nañoxotouguilo nqai'en saua dos lauaco. Ime, ca' ỹaante'em na loq.

Éxodo 2:2

Ca 'mano' na'le aso'maxare, ca 'uo' so llaalec. Ca aso'maxare co'na' iuana so llaalec quiyim lo'yaxanec, ca ỹoxojño' quesaua tres shiriguiri.

Jeremías 36:26

Ta'ta'a quiyim ỹilen so Jerameel só'maq 'auaxaic nashi llaalec chaqai so Seraías, llaalec so Azriel, chaqai so Selemías, llaalec so Abdeel, quiyim qaiconlec so Jeremías chaqai so leraxanqajnec Baruc. Qam ñi qara'gaxala' ỹoxochiñi.

Mateo 24:17

Chaqai cá'maq hueetalec ca lauo' lelaq, se renotec quiyim 'ue ca queu'a pa'aataho.

Colosenses 3:3

Ma' qamiri mashic relauaxauahi so Cristo, ca' nagui, ca dá'maq ỹaatqajam rca'laxahi queso'maxare nañoxoteso'ot ñi qota'a.

Hebreos 11:23

Qai'neeta queda lpi'ỹaxague' saua leta'al so Moisés co'na' ne'qaañi, ca qoỹoxojño' na'le quecaua tres shiriguiri; ma' iuanta quiyim ỹaatqajam lo'yaxanec so noctoqui', ca se no'chita da la'qaatec so nashi quiyim qaỹalauat na ñaaqaipioqui'.

Santiago 2:25

Ca' dá, 'neeto' na'le aso nanatqa lo'o', leenaxat Rahab; ñi qota'a ỹa'maxarenta, ca' 'naapega quiyim lo'yaxana 'aalo quedá'maq ỹo'uet. Ma' so'maxare la'qarañi nqai'ne' quiyi la'a' saua qaỹauaapigui na'ajnaxanqajanqa, chaqai ỹotauane' quiyim ỹoqa'a ca nayic queetere'uegue nqai'ne'.

Josué 2:5

Qam mashic shi'gue que' na' napalchiguiñi na' sham qaỹapogui ñi lasom na na'a'. Qam qamiri no'm chaqa'ma' co'uaachilgoto, ca' viriỹalgoto ma'le.

Josué 2:7

Ca' so nalliripi so nashi co'uajlgoto taatere'uegue da pa'a'gue aso lachiugue Jordán, chi qaỹoviretaxaso'ma so napacqajnatec. Ca co'na' chi inoxonec so ỹalliripi, ca' qaỹapogui ñi lasom yi na'a'.

Josué 2:8

Ca co'na' saqa' laxe' saua na'ajnaxanqajanqa, ca' aso Rahab quishiguim quena lelaq ca lauo', ca 'naaco' quesaua'maxare:

Josué 6:25

Ca' so Josué nca'laxatetauec aso Rahab chaqai sá'ogue so lauo' laseripi, ma' ỹoxochiñi na'le saua na'ajnaxana' ilate' na'le so Josué quiyi Jericó. Ca' chaqaiyi viichigui, ca' so llaalqaipi aso Rahab ỹalequetaugui na Israel llaalqaipi. (6.26—9.27 So nalliripi so llaalqaipi so Israel ỹa'queetalec so Josué ỹovita yi Canaán, noxonec yi na'a' lodegaxat Hai. Qaỹayin so qomyipi, ca na'deene'e' so na'ñi yi Gabaón.)