Josué 2:4 - La'qaatqa ñi qota'olec Qota'olec & Qota'olec Novita Na Qomyipi

⁴ Qam aso'maxare ỹoxochiñi saua ỹale'. Ca 'naaco': —'Nesa ma' 'vii saua ỹale' hueesa'ñi na ỹa'a', qam se sa'den ca chicqora'gue.

Josué 2:4 Iomraidhean Croise

2 Reyes 6:19

Ca co'na'le, ca' so Eliseo 'naaco' queso qomyipi: —Najo mesqaina ná'maq nayic, chaqai mesqaina najo ná'maq na'a' michitaque. Oquiigue aỹim, ca' ỹim saviguiiỹa ma'le cá'maq ỹale michitaque. Ca' ỹauega yi Samaria.

Éxodo 1:19

—Ma' aná'maq 'aalo hebreo lase sqai 'nejem ana Egipto lase —'neraco' saua'maxare—. Ma' paguec da lquesaxanaxa. Ca quena' saqa' sovitaxa, qa' shi'co' quen ne'qaañi ñi llaalec.

Santiago 2:25

Ca' dá, 'neeto' na'le aso nanatqa lo'o', leenaxat Rahab; ñi qota'a ỹa'maxarenta, ca' 'naapega quiyim lo'yaxana 'aalo quedá'maq ỹo'uet. Ma' so'maxare la'qarañi nqai'ne' quiyi la'a' saua qaỹauaapigui na'ajnaxanqajanqa, chaqai ỹotauane' quiyim ỹoqa'a ca nayic queetere'uegue nqai'ne'.

Josué 2:3

Ca' so nashi ilata da la'qaatec aso Rahab, 'naaco': —Nelachire'ogue najo caua ỹale' novirera'a na ra'aachi', ma' caua'maxare chi nelaatqa qara'ajne'.

Josué 2:5

Qam mashic shi'gue que' na' napalchiguiñi na' sham qaỹapogui ñi lasom na na'a'. Qam qamiri no'm chaqa'ma' co'uaachilgoto, ca' viriỹalgoto ma'le.

Josué 6:17

Najo na'a' chaqai ná'ogue ná'maq hueetaugui na'maxare, na'maxare qoỹaanec quiyim ná'ogue nomachiichiguiñi, ma' ñi qara'gaxala' chaqaida dá'maq ỹahotaque. Qañiita añi nanatqa lo'o' leenaxat Rahab qanca'laxatetauec chaqai ná'maq neeta'ñi yi la'a', ma' ñi'maxare ỹoxochiñi na'le saua na'ajnaxana' ñilataxai' na'le.

Josué 6:25

Ca' so Josué nca'laxatetauec aso Rahab chaqai sá'ogue so lauo' laseripi, ma' ỹoxochiñi na'le saua na'ajnaxana' ilate' na'le so Josué quiyi Jericó. Ca' chaqaiyi viichigui, ca' so llaalqaipi aso Rahab ỹalequetaugui na Israel llaalqaipi. (6.26—9.27 So nalliripi so llaalqaipi so Israel ỹa'queetalec so Josué ỹovita yi Canaán, noxonec yi na'a' lodegaxat Hai. Qaỹayin so qomyipi, ca na'deene'e' so na'ñi yi Gabaón.)