Josué 2:3 - La'qaatqa ñi qota'olec Qota'olec & Qota'olec Novita Na Qomyipi

³ Ca' so nashi ilata da la'qaatec aso Rahab, 'naaco': —Nelachire'ogue najo caua ỹale' novirera'a na ra'aachi', ma' caua'maxare chi nelaatqa qara'ajne'.

Josué 2:3 Iomraidhean Croise

Génesis 38:24

Ca co'na' mashic ỹovirerec saua tres shiriguiri, ca 'uo' so la'xaỹaxac so Judá. Qohinaco': —Añi rachi'i' Tamar 'uo' ca lapaatapi'ñi' liỹa ỹale, ca' nagui 'manaxai. Ca' so Judá ỹaualaq, ca 'naaco': —Vigue'oguiyi, ca' copachiu'a.

Génesis 42:31

Qam qomi' shinqac, quiyim qomi' se ỹauanapega saataxa ca se no'uen, chaqai sqai qomi' na'ajnaxanqajanqa.

2 Samuel 17:20

Ca co'na' ỹovirero saua lelaatqa so Absalón, inate' aso 'aalo: —¿Negue' ca hueesa'gue ca Ahimaas chaqai ca Jonatán? —Naquetetquenajo, ca' ỹalamaxateraxaso'ma aso lachiugue —'naaco' aso 'aalo. Co'na'le, ca' saua lelaatqa so Absalón que' idaandaque, qam na' se ỹanajta, ca' pile' queda Jerusalén.

Juan 19:4

Ca' so Pilato lotqai liỹa inoxone'oga so qomyipi, ca 'naaco': —Ñaqa 'ajñii, nagui ñaueguec, qaiyi ỹaatqajam 'yiiñita quiyim aỹim qaica quet cá'maq sanata lasauaxaset.

Hechos 12:4

Ca co'na' ime quiyim qaiconlec so Pedro qaicoñi', ca' so Herodes relaataxanlec quiyim qoỹanaugui añi ncoñiitaxanaxaqui late'ogue'. Chaqai ỹa'uo' so lapoonta' dieciseis nouaataxanaq, ca ỹasectaqchigui cuatrotac nqai'en quenaua laloqote' quiyim ỹovirelec qareloxoỹa'a so'maxare. Ma' da la'deenataxanaxac so Herodes quiyim ma' ime so nemaqachic, ca' qanaqatec so Pedro quiyim qaichoxotem ná'ogue na qomyipi, ca qaỹalauat.

Hechos 12:6

Ca' queso pe pa'aata'guit so na'xa'a laloqojnec so Herodes quiyim qaỹaueguec so Pedro, qailoxoỹaxañiguit so qomyipi. Ca' laqatam so Pedro, hueetanguilo saua dos nouaataxanaq lase', qaicoñiretam quesaua dos caréna. Chaqai 'vii saua liỹa' nouaataxanaq lase' nauaansac ñi lasom reloqosa'a añi ncoñiitaxanaxaqui.

Josué 2:2

Qam 'uo' so quepegue' so lashi yi Jericó, ca ra'qaataxana, 'naaco': —'Vii saua Israel lase' novirero na' napalchiguiñi, na'ajnaxanda'a najo 'laua.

Josué 2:4

Qam aso'maxare ỹoxochiñi saua ỹale'. Ca 'naaco': —'Nesa ma' 'vii saua ỹale' hueesa'ñi na ỹa'a', qam se sa'den ca chicqora'gue.