Josué 2:19 - La'qaatqa ñi qota'olec Qota'olec & Qota'olec Novita Na Qomyipi

¹⁹ Ca no'm 'ue ca inoxonec queca ra'aachi', ca ca'maxare chi nasauaxatalta', no'm ileu se qarasauaxaset. Qam no'm 'ue ca i'guentau'a ca hueeta'ñi ca ra'aachi', ca' qomi' qarasauaxaset.

Josué 2:19 Iomraidhean Croise

2 Samuel 1:16

ca' so David 'naaco': —Qami' taalec nagui cá'maq chi relauaxa'e', ma' chaqaiqami' ná'maq 'ñirac quiyim lauachi' so nashi lca'acsec ñi qara'gaxala'.

Éxodo 12:13

Ca' so neuoripi, ca' chi netanegue' qamiri quiyim tañii' naua ra'aachiri, qaiyi ma' ñalauajñi na llaalec na Egipto laseripi, qam caqamiri, ca' qaica ca ileu. Ca ma' seuana ca leuoripi queca 'imec, ca' sa'iitalec.

Éxodo 12:22

Ca' ca leuoripi hueetañigui nqohin ca quiỹoxoqui. Ime, ca' coñiỹa ana peue leenaxat hisopo, coñiriỹata'. Ca' qaillijñigui ca leuoripi, ca' qaỹa'meene' naua'que naua lahise' ca lasom ca qauori. Ca' qaica ca nenoxonec queca 'imec quiyim saqa' richiguiñi.

Éxodo 12:23

Ca ma' ñi qara'gaxala' ma' quelec quiyim nalauajñi na llaalec ỹi na Egipto laseripi, ca iuane'ta ma'le ca leuoripi queca lasom, ca' ỹa'iitalec cajo 'imec. Ca' ñi qara'gaxala' se inoxono nqai'en ma'le ca nalauataxanaq queca qauori.

Mateo 24:17

Chaqai cá'maq hueetalec ca lauo' lelaq, se renotec quiyim 'ue ca queu'a pa'aataho.

Hechos 18:6

Qam so judioipi lama'xa retaqata'guit so Pablo, se ichira'pe naua la'qaatqa. Ca so Pablo ỹochigoxoi' saua loho, ca' dajo tai'a quiyim so Pablo ca'e so qomyipi. Qam 'naapego': —Qamiri chi nasauaxachiỹalta' ma' novi' ca relauaxahi, ma' ỹim totqa saỹapegueu'a. Ca' nagui shic, shicpegue' na mesqai judioipi.

Hechos 20:26

Vichiguiño' sahotaque shiñiỹapegaxaua' quiyim nagui taachi'ñi quiyim qaica ca ỹasauaxaset queda 'ñiita.

Hechos 27:31

Qam so Pablo ỹa'ue la'xaỹaxac so nouaataxanaq lashi chaqai so nalliripi, 'naaco': —No'm dauajo quere'e ana qarahi', ca' qamiri qaica ca naquichitaque quiyim rca'lliuec.

Filipenses 3:9

chaqai quiyim ña'deeta'guit so'maxare. Qam mesqai chicqaugui cá'maq chi ña'maqataxac quiyim shiquichi'nguilo naua laqataxaco so Moisés; ta'ta'a quiyim dá'maq 'maqataxac qoỹaanem quiñi qota'a cá'maq huelec so Cristo. Qam dajo no'uen qano'ueenataxac chicqochigui da qarpi'ỹaxac.

Hebreos 10:29

Ca ¡huose'quet sqai hueetapigui qavillii quiyim paguec lecaic ca nouaxanaxaset cá'maq 'eco' co'ueetapigui so llaalec ñi qota'a, chaqai liỹoqa'piguita saua leuo', chaqai quiyim ishiuentac so ne'Espíritu ñi qota'a ñí'maq re'xorenataxantac! Sauajo neuo' chaqaisaua sauá'maq i'taxachiriñi da 'maqataxac, chaqai chicqochiguilo quiyim co'teete' nqohine' saua'maxare.

Josué 2:12

Vichiguiño' sashiilahi quiyim nallichiỹalta' quiñi ra'gaxalari quiyim 'maxachii'tegue aỹim chaqai na iuo' laseripi pacqajñichigui dá'maq shi'nteguelo qamiri. Vii ca itanec quiyim 'chiichiguiñi nqai'ñii dajo,

Josué 2:14

Ca saua'maxare 'neraco': —Saanaxauec dá'maq chi qanachaalataxac ma'le, qaiyi se qaỹalauate' qamiri, qam no'm sqaica ca 'xachim dajo. Ca ma' ñi qara'gaxala' ỹaanema qomi' najo 'laua, ca' qomi' sa'maxatqa'teguelo qamiri chaqai ipaquichigui nqaishinaq da qara'qaatec.

Josué 2:20

Chaqai no'm 'ue ca 'xachi' ma'le quedajo, ca' qomi' soorec quiyim se sepagaxalec da qara'qaatec dá'maq saanqaem qami' quiyim sepacqajanqachigui.