Josué 2:18 - La'qaatqa ñi qota'olec Qota'olec & Qota'olec Novita Na Qomyipi

¹⁸ Qam ma' qomi' ñinoxonaxau'a najo 'laua, ca' qami' coñichiro najo ñic toc cañi nqote na qauochi' cañí'maq queetouguilo nqai'ñi' qomi'. Ca ma' ime, ca lapooñirata' quena ra'aachi' ca qataa'i', qachii'i', caua rqaỹachi', chaqai ná'ogue na lauoyac ca qataa'i'.

Josué 2:18 Iomraidhean Croise

Génesis 12:2

Ca' queca qachaalaxai'pi, ca' sachigoxochichigui ca ni'ic lodegaxat; chaqai saanem qami' da iqouagaxa, chaqai so'uet quiyim qami' choxoraic ma'le, chaqai chicqochigui qami' ma'le ca la'maxa na liỹaripi.

Génesis 7:1

Ca co'na' ime, ca ñi qara'gaxala' 'naaco' queso Noé: —Quená'ogue na qomyipi quená'maq hueetauguilo nauajo ñaxari ỹaatqajam qaqamite' 'viichi'sac dá'maq sahotaque. Ca vichiguiño' noxoñirougui añi rahichi' naỹoxontashiguim riỹa'isaho naua qachaalaxahi'.

Ester 8:6

Ma' ¿negue' quet cá'maq shinta'gue quiyim chi ña'ñaxateta'piguit dá'maq se no'uen qaỹahotaque qohine'tegue na iuo' laseripi, chaqai quiyim qaỹahotaque qanalauajñi ná'maq ỹalamaxat ỹaqaỹaripi?

Éxodo 12:13

Ca' so neuoripi, ca' chi netanegue' qamiri quiyim tañii' naua ra'aachiri, qaiyi ma' ñalauajñi na llaalec na Egipto laseripi, qam caqamiri, ca' qaica ca ileu. Ca ma' seuana ca leuoripi queca 'imec, ca' sa'iitalec.

Cantares 4:3

Naua qadapchi' togue' 'ec ca qo'laaxaic toc chaqai lo'daxaraqa naua ra'qaataxahi'. Naua rashilqui' 'ec caua granada lahil richiitau'alo quena napoxogui'i'.

Lucas 19:9

Ca' so Jesús 'naaco': —Nagui quena na'xa'a, ca novira'o' da nca'laxa najo na'a', ma' dajo ỹale qai'neeta llaalec so Abraham.

Hechos 10:27

Ca co'na' so Pedro ñaq retaqata'pegue' so Cornelio, ca inoxono queca 'imec, ca iuanejlec so 'xoic qomyipi lapoota'ta'.

Hechos 10:33

Ca vichiguiño' chaqa'ma' selaataxane quiyim qoyique qami'. Ca' nagui chalego la'maxa quiyim nanaqui'o'. Ca' nagui qomá'ogue seuqate'e najo reloqota'ñi ñi qota'olec. Ma' qomi' sahoqotaque quiyim ña'xaỹaxanaxa qami' quecá'maq ỹaanem qami' ñi'maxare quiyim 'qaataxañitema qomi'.

Hechos 11:14

Ca' ca'maxare ma'le 'ñirapegaxaua' quecá'maq 'ñitetegue quiyim rca'llirec qami' chaqai ná'ogue na qachaalaxai'pi.”

2 Timoteo 1:16

Ca' ñi qara'gaxala' taalec nqai'en ca le'xorenataxanaxa na lauo' laseripi so Onesíforo, ma' so'maxare 'xoic la'ñaaqataxanaxac caỹim, chaqai se npocoxolec aỹim ma' ỹim ncoñiiteguesec.

Hebreos 9:19

So Moisés co'na' ime ỹa'xatem so qomyipi dá'ogue da laqataxaquipi ñi qota'a, ca icono' so qagreta laue toc chaqai aso lasote aso peue leenaxat hisopo. Ca illijñi quesaua leuo' na huaqui llaalec chaqai na quetaq llaalec ỹalequeta'guit na huaxaỹaq. Ime, ca' iñitaxajlec aso lere hueetalgoto saua laqataxaco ñi qota'a, chaqai sá'ogue so qomyipi.

Josué 2:21

—Ajá'a, chaqaida nqaishinaq —'naaco' aso'maxare. Ime, ca' niquinto saua'maxare, ca saua'maxare que'. Ca na' ime, ca aso'maxare coñiro so ñic toc cañi nqote ñi lauo'.

Josué 6:23

Ca saua'maxare quera'a, ca' naueguerec aso Rahab, chaqai so leta'a, aso late'e, so lqaỹaripi, chaqai sá'ogue so lauo' laseripi. Ca' qaỹa'ue ca qoỹana'ñi qaỹa'maxachichiguiñi ỹoqota'oga nqohin queso lanatqa' so Israel llaalqaipi.

Josué 6:25

Ca' so Josué nca'laxatetauec aso Rahab chaqai sá'ogue so lauo' laseripi, ma' ỹoxochiñi na'le saua na'ajnaxana' ilate' na'le so Josué quiyi Jericó. Ca' chaqaiyi viichigui, ca' so llaalqaipi aso Rahab ỹalequetaugui na Israel llaalqaipi. (6.26—9.27 So nalliripi so llaalqaipi so Israel ỹa'queetalec so Josué ỹovita yi Canaán, noxonec yi na'a' lodegaxat Hai. Qaỹayin so qomyipi, ca na'deene'e' so na'ñi yi Gabaón.)