Josué 2:14 - La'qaatqa ñi qota'olec Qota'olec & Qota'olec Novita Na Qomyipi

¹⁴ Ca saua'maxare 'neraco': —Saanaxauec dá'maq chi qanachaalataxac ma'le, qaiyi se qaỹalauate' qamiri, qam no'm sqaica ca 'xachim dajo. Ca ma' ñi qara'gaxala' ỹaanema qomi' najo 'laua, ca' qomi' sa'maxatqa'teguelo qamiri chaqai ipaquichigui nqaishinaq da qara'qaatec.

Josué 2:14 Iomraidhean Croise

Génesis 24:49

Ca' nagui 'ñiỹapiguiỹa' quiyim qamiri qamaxaraqa chaqai huagaxaraqa queca ña'co'. Ca no'm sqaida, ca' qai'neeta 'ñiỹapiguiỹa', qaiyi sa'deenta cá'maq so'uet ma'le.

Génesis 47:29

Ca 'uo' so na'xa'a so Israel nauata'guito' quiyim tot qaỹaloq ileu. Ca roỹaxane'oga so llaalec José, ma' ỹahotaque 'naapega: —No'm llic vi'saque qouaquiric, ca' shichitot na rqai'laxachi' na ỹoteleta'. Ca 'ỹaañitot ca ra'qaachiqui' ñi qota'olec, quiyim shichi' 'viichi' cá'maq sashiilaxanaque. ¡Qouaquiric, se yishiñiriño' ma'le quena Egipto!

2 Samuel 2:5

ca' so David ila'o' da la'qaatec, 'naaco': —Ñi qara'gaxala' no'ueenaxat ca qayicyaxaguii, ma' ỹaatqajam 'xoico' na'le da rqouagaxahi queso Saúl só'maq rashii na' shiñiñi.

2 Samuel 2:6

Chaqai ñi qara'gaxala' nqouagueque qamiri chaqai raqamaxachita. Chaqai ỹim sa'maxate'teguelo qamiri quedajo 'viichii nagui.

Mateo 5:7

Ỹaatqajam chalego la'maxa ma'le quecá'maq i'xoren ca liỹa, ma' ñi qota'olec i'xoren ma'le ca'maxare.

Hechos 23:22

Ca so nouaataxanaq lashi 'naapega so ne'nec quiyim eec, qam qaica ca ra'qaataxanem quiyim ỹa'xatetac dajo.

Josué 2:13

chaqai qaica ca 'ñiigue queda nachaalataxac ñi ita'a, añi ỹate'e chaqai naua ỹaqaỹa' ỹale' chaqai naua 'aalo, chaqai ná'ogue ná'maq chi lalamaxaret, ¡nca'leuec nqai'ñii!

Josué 2:15

Ca ma' asó'maq Rahab na'deeto ca lauo' queso lquepaxaset yi na'a' lodegaxat, ca' ỹahote'e so ñic na' inoxonaxaterec queda lahi queetouguilo nqai'ne' añi nqote ñi lauo'.

Josué 6:17

Najo na'a' chaqai ná'ogue ná'maq hueetaugui na'maxare, na'maxare qoỹaanec quiyim ná'ogue nomachiichiguiñi, ma' ñi qara'gaxala' chaqaida dá'maq ỹahotaque. Qañiita añi nanatqa lo'o' leenaxat Rahab qanca'laxatetauec chaqai ná'maq neeta'ñi yi la'a', ma' ñi'maxare ỹoxochiñi na'le saua na'ajnaxana' ñilataxai' na'le.

Josué 6:22

Ca' so Josué 'naaco' quesaua dos lelaatqa sauá'maq ra'ajnaxanto na'le yi 'laua: —Quiipegue' yi la'a' aca nanatqa lo'o', ca' naviguiuec chaqai cá'ogue ca lauo' laseripi, pacqajñichigui dá'ogue dá'maq ra'qaachiguio' na'le.

Josué 6:25

Ca' so Josué nca'laxatetauec aso Rahab chaqai sá'ogue so lauo' laseripi, ma' ỹoxochiñi na'le saua na'ajnaxana' ilate' na'le so Josué quiyi Jericó. Ca' chaqaiyi viichigui, ca' so llaalqaipi aso Rahab ỹalequetaugui na Israel llaalqaipi. (6.26—9.27 So nalliripi so llaalqaipi so Israel ỹa'queetalec so Josué ỹovita yi Canaán, noxonec yi na'a' lodegaxat Hai. Qaỹayin so qomyipi, ca na'deene'e' so na'ñi yi Gabaón.)

1 Samuel 20:8

Ca' vichiguiño' qouaquiric, ma' mashic ỹim relaachiqui', chaqai mashic saanaxauec da qara'qaatec quiñi qara'gaxala'. Ca' vichiguiño' nagui, no'm chaqaỹim ỹasauaxaset, ca' qami' yalauachi', se yipaquetaque yaviquira'a ca qataa'i'.