Josué 2:12 - La'qaatqa ñi qota'olec Qota'olec & Qota'olec Novita Na Qomyipi

¹² Vichiguiño' sashiilahi quiyim nallichiỹalta' quiñi ra'gaxalari quiyim 'maxachii'tegue aỹim chaqai na iuo' laseripi pacqajñichigui dá'maq shi'nteguelo qamiri. Vii ca itanec quiyim 'chiichiguiñi nqai'ñii dajo,

Josué 2:12 Iomraidhean Croise

Génesis 21:23

Vichiguiño' nagui saanqot da qara'qaatec ñi qota'olec quena seuqate'e quiyim sqo 'viichi' ca se ỹa'maxañi caỹim, chaqai quena ỹaalqaipi, chaqai na iuaripi. 'Ỹaañirec nagui ca ra'qaachiqui' quiyim 'maxachiteteguelo qomi', 'ñitetegue dá'maq qara'maqataxanaxac caqami', chaqai quiyim chaqaida 'ñitetegue ná'ogue na qomyipi quená'maq 'laua ñi'sa'ñi nagui.

Génesis 24:3

Ca' 'ỹaañitem ca ra'qaachiqui' ñi qara'gaxala', ñí'maq qota'olec quena piguim chaqai quena 'laua, quiyim sqai ỹaxanegue ñi ỹaalec Isaac ỹa'ue aca loua na'ñi najo 'laua Canaán.

Génesis 24:9

Co'na'le, ca' so lelaatec illo'ot da lqai'laxat na loteleta' so na'co' Abraham. Ca' ỹaanec da la'qaatec quiyim ỹo'uet dá'maq qaỹahotaque.

Génesis 40:14

Ca ma' ỹovita ca na'xa'a quiyim ipaquichigui dajo, ca' qouaquiric no'viñisa'co' aỹim, 'qaataxañitemo' ma'le ca Faraón caỹim, qaiyi naqata'a aỹim quena sentaugui. ¡Nañaañi'o' ca rqouagaxa'e' lodegaxat!

Ester 8:6

Ma' ¿negue' quet cá'maq shinta'gue quiyim chi ña'ñaxateta'piguit dá'maq se no'uen qaỹahotaque qohine'tegue na iuo' laseripi, chaqai quiyim qaỹahotaque qanalauajñi ná'maq ỹalamaxat ỹaqaỹaripi?

Éxodo 12:13

Ca' so neuoripi, ca' chi netanegue' qamiri quiyim tañii' naua ra'aachiri, qaiyi ma' ñalauajñi na llaalec na Egipto laseripi, qam caqamiri, ca' qaica ca ileu. Ca ma' seuana ca leuoripi queca 'imec, ca' sa'iitalec.

Marcos 14:44

Ca' so Judas só'maq remeenaxan, so'maxare ỹo'ueeto' so letanec, 'naaco': —Cá'maq ñqo'goq, ca' chaqaica ca'maxare. Coñilec, ca ỹaatqajam coñirita, ca' 'xachii.

Romanos 1:31

ỹaatqajam se na'xaỹaxan, se ipacqajñigui quena' 'ue da ỹa'xat, se neneequesen, ná'ogue caapeguem, qaica ca i'xoren.

1 Timoteo 5:8

Ma' ca qom quiyim se idaanlec cá'maq chi lauo' laseripi chaqai paguec quená'maq lalamaxaret llaalqaipi, ca' ỹit dá'maq ỹaatqajam npi'ỹaxac. Ca dá'maq 'neetari' paguec la'aaxa quecá'maq saqa' icoñiguit da na'qaatec.

Santiago 2:13

Ma' cá'maq se i'xoren ca liỹa, ca' chaqaida qohine'tegue. Ma' qaimit, ca' se qai'xoren. Qam cá'maq 'ue ca le'xorenataxanaxa, ca' qaica ca qohinegue, ma' ỹovita ca na'xa'a quiyim qaimit.

Josué 2:13

chaqai qaica ca 'ñiigue queda nachaalataxac ñi ita'a, añi ỹate'e chaqai naua ỹaqaỹa' ỹale' chaqai naua 'aalo, chaqai ná'ogue ná'maq chi lalamaxaret, ¡nca'leuec nqai'ñii!

Josué 2:18

Qam ma' qomi' ñinoxonaxau'a najo 'laua, ca' qami' coñichiro najo ñic toc cañi nqote na qauochi' cañí'maq queetouguilo nqai'ñi' qomi'. Ca ma' ime, ca lapooñirata' quena ra'aachi' ca qataa'i', qachii'i', caua rqaỹachi', chaqai ná'ogue na lauoyac ca qataa'i'.

Josué 2:19

Ca no'm 'ue ca inoxonec queca ra'aachi', ca ca'maxare chi nasauaxatalta', no'm ileu se qarasauaxaset. Qam no'm 'ue ca i'guentau'a ca hueeta'ñi ca ra'aachi', ca' qomi' qarasauaxaset.

Josué 6:22

Ca' so Josué 'naaco' quesaua dos lelaatqa sauá'maq ra'ajnaxanto na'le yi 'laua: —Quiipegue' yi la'a' aca nanatqa lo'o', ca' naviguiuec chaqai cá'ogue ca lauo' laseripi, pacqajñichigui dá'ogue dá'maq ra'qaachiguio' na'le.