Josué 2:1 - La'qaatqa ñi qota'olec Qota'olec & Qota'olec Novita Na Qomyipi

¹ Quiyi Sitim, ca' so Josué ỹa'vii saua ilate' nemootaxanterec dos ỹale', ca 'naapegalo': —'Ajnaxañiỹa yi 'laua yí'maq neetalec yi na'a' lodegaxat Jericó. Ca saua'maxare que', ca ỹovirera'o' yi la'a' aca 'aalo nanatqa lo'o' quiyi Jericó, leenaxat Rahab. Ca huera'ño' lelaxasqote' queca pe.

Josué 2:1 Iomraidhean Croise

Génesis 42:16

Ca 'óna cá'maq eec caqamiri i'guena'a ca'maxare. Ca' na liỹaripi, ca' qaicoñi', qaiyi sa'deenaq quiyim ỹaatqajam llic dá'maq ra'qaachiguii. Ca no'm sqai llic, ca' qamiri na'ajnaxanqajanqa. ¡Ca' ñi Faraón ỹo'uet ca nouaxanaxashichii!

Génesis 42:9

Co'na'le, ca' so José no'uenco' so le'guemataxac taỹauguilo saua'maxare. Ca 'naaco': —Qamiri chaqaiqamiri na'ajnaxanqajanqa, ca chi na'ajnaxañiỹa najo 'laua negue' cá'maq paguec hua'ñi quiyim qaica ca lquesaxanaxa.

Miqueas 6:5

Qamiri ỹalamaxarete', ñaq no'viñigue nagui dá'maq na'deenaxac na'le so nashi quiyi Moab leenaxat Balac quecá'maq sham 'neeta'guelo qamiri, chaqai dá'maq la'qaatec na'le só'maq llaalec so Beor leenaxat Balaam. No'viñigue na' chigoxoichi'ñi yi Sitim, ca 'iỹa'gue da Gilgal, chaqai 'yiiñira'a quiyim so'ootaxanteguelgoto qamiri na'le.

Números 13:1

Ca' ñi qara'gaxala' ỹalamaxachichigui so Moisés, ca 'naaco':

Números 13:2

—Vite caua relaataxahi' ỹale' quiyim ra'ajnaxanta yi 'laua Canaán yí'maq saanem ma'le na Israel llaalqaipi quiyim la'a'. Vite ca coñira'a 'oonoqui' quena ne'qaipi quesaua doce llaalqa so Israel, ca' lachi' cá'maq ỹaatqajam na'gaxala'.

Mateo 1:5

Ca' so Salmón chaqai aso Rahab llaalegue' so Booz, chaqai so Booz chaqai aso Rut, ca' llaalegue' so Obed, só'maq leta'a so Isaí.

Mateo 10:16

¡Ñaqai 'ajñii! Ỹim selate' qamiri, 'nejme' aqamiri aca qagreta, quiichicñigui nqohin na lavinñi ca iseripi toxonaxairipi. Qam na'deenaxanqachiñii, 'ñiitari' ca nanaic, qam sqa vii ca rovirii, 'ñiitari' ca coviguiñic.

Efesios 5:5

Ma' cá'maq ñaqai nocachita'guit aca se loua, loqo'm cá'maq ñaq ỹo'ueetetac cá'maq rapio'qotaxan, loqo'm cá'maq ñaqai queetalec quiyim ipiteta'a ca liỹa (ma' 'nejem cá'maq ñaqai nqouagaxaintacot ca nashiilec nqolac), ca' mashic 'yiiñii qamiri quiyim ca'maxare se inoxona'a ma'le da lo'ueenataxanaxac ma' ỹoiquentac ná'ogue najo ñi Cristo chaqai ñi qota'a.

Hebreos 11:31

Qai'neeta 'uo' da lpi'ỹaxac aso Rahab só'maq nanatqa lo'o', ca' se ileu, sqai queeta'ñi' só'maq se na'xaỹaxan. Ma' aso'maxare ỹaatqajam quelolalo' na'le saua la'ajnaxanqajanqa so llaalqaipi so Israel.

Santiago 2:25

Ca' dá, 'neeto' na'le aso nanatqa lo'o', leenaxat Rahab; ñi qota'a ỹa'maxarenta, ca' 'naapega quiyim lo'yaxana 'aalo quedá'maq ỹo'uet. Ma' so'maxare la'qarañi nqai'ne' quiyi la'a' saua qaỹauaapigui na'ajnaxanqajanqa, chaqai ỹotauane' quiyim ỹoqa'a ca nayic queetere'uegue nqai'ne'.

Josué 2:2

Qam 'uo' so quepegue' so lashi yi Jericó, ca ra'qaataxana, 'naaco': —'Vii saua Israel lase' novirero na' napalchiguiñi, na'ajnaxanda'a najo 'laua.

Josué 3:1

Ca' queso liỹa nete'e na' nete'etam, ca' so Josué chaqai sá'ogue so Israel llaalqaipi eec ca'e yi Sitim, ca' ỹovita aso lachiugue Jordán. Qam na' saqa' ỹapacta, ca' nco'matec.