Josué 10:4 - La'qaatqa ñi qota'olec Qota'olec & Qota'olec Novita Na Qomyipi

⁴ —Naiquena, yotauañii ñalauataxa'e' yi Gabaón, ma' na'deene'e' so Josué chaqai so Israel llaalqaipi.

Josué 10:4 Iomraidhean Croise

Mateo 16:24

Co'na'le, ca' so Jesús 'naaco' quesaua lapaxaguinatqa: —No'm 'ue ca ỹahotaque quegue aỹim, ca' ncouaalta', ca' quegue aỹim, 'eno'm na'laxatañi dá'maq chi nachaalataxac.

Juan 15:19

Quetqai qamiri 'laua lase', ca ná'maq qomyipi hueetalec na 'laua nqo'talo qamiri, 'ne'tegue da lqo'iichi quená'maq lalamqateripi. Qam ỹim ñca'au'alo qamiri quená'maq qomyipi hueetalec na 'laua. Vichiguiño' na'maxare noquii'alo qamiri, ma' totqai qamiri lase' na 'laua.

Hechos 21:28

ca ỹaualaxalec, 'naaco': —Qamiri ỹalliripi Israel laseripi, qarotauañii. Ma' najo ỹale chaqaina na ỹomate' naua 'lauari quiyim ỹapaxaguinta'pegue na qomyipi quiyim npa'guena'e' na qouo', chaqai na naqataxaquipi chicqo'ot nqohin so Moisés, chaqai qai'neeta najo qaro'ueenaxanaxaqui. Chaqai nagui inoxondougui nqai'ne' ana qaro'ueenaxanaxaqui saua sqai judío lase', chi i'nerari' napio'xote' najo co'teeta qalapooqo'.

2 Timoteo 3:12

Qam ỹaatqajam lliqueta quená'maq quejlec so Cristo Jesús, qai'neeta ỹovirau'a da le'xoric queda nocanaxac.

Santiago 4:4

¡Qam qamiri sqa pacqajñiỹauec ñi qota'a! ¿Sqa 'yiiñio' da queca qom no'm que'uegue da lqo'itaxanqachic quená'maq huelec na 'laua, ca 'ec npa'guenaxaua ñi qota'a? Ma' canchaqaica qom no'm pile'oga da lqo'itaxanqachic quena huelec na 'laua, ca npa'guenaxaua ñi qota'a.

Josué 10:1

So Adonisedec, só'maq lashi yi na'a' lodegaxat Jerusalén, ỹaatqajam chalego lqolonaxa na' ỹa'den quiyim so Josué loxonec so Hai chaqai dá'maq 'ne'teco' na'le so'maxare chaqai quesó'maq lashi, ca chaqaido' dá'maq 'ne'teco' na'le yi Jericó chaqai so lashi, chaqai queso Gabaón laseripi huaqui'chiguit so Israel llaalqaipi, ca' nagui, ca' ỹalequeta'guita saua'maxare. Ca' queso'maxare, ca' ỹo'uet quiyim 'xoic da lqolonaxa, ma' yi Gabaón ỹaatqajam lodegaxat yi na'a', paguec lecaic quiyi Hai, chaqai ná'maq na'ñi yi'maxare ỹaatqajam 'ñaaxaiquipi.

Josué 10:5

Ca' notauanta' saua cinco nashil amorreo lase': 'óna so na'ñi yi Jerusalén, chaqai saua liỹa' nera'ñi yi Hebrón, Jarmut, Laquis chaqai yi Eglón. Ca sá'ogue so nalliripi saua'maxare quepegue' nosoralec yi Gabaón quiyim nalauate'e'.

1 Pedro 4:4

Ca na'maxare la'loxon, ma' tot naviguiỹa'pegue' quená'maq ỹo'ueetetac se no'uen. Vichiguiño' 'ue na ỹa'xat se no'uen taalgoto nqai'ne' qamiri.

Apocalipsis 16:14

Ca' sauajo sauá'maq lelaatqa so na'ỹaapec sauá'maq ỹo'ueetesac ná'maq chalego lecaic netanqaipi. Chaqai que', lapoondeta' ná'ogue na nashillipi quena 'laua, ỹa'maxatetañi queca chalego lecaic na'xa'a quiyim nalauate'e' ñí'maq qota'a sqaica lqalanec.