Josué 10:12 - La'qaatqa ñi qota'olec Qota'olec & Qota'olec Novita Na Qomyipi

¹² Ca co'na' ñi qara'gaxala' ỹaanec quiyim noxonec so amorreoipi queso Israel llaalqaipi. Ca' so Josué 'qaachigui nqai'en so qomyipi co'na' 'naac quiñi qara'gaxala': “Qami' ra'aasa, vire'e ma' ralo'irelec yi Gabaón; vire'e qami' shiraigo, ma' ralo'irelec yi ca'megue quiyi Ajalón.”

Josué 10:12 Iomraidhean Croise

2 Reyes 20:10

Ca' so Ezequías 'naaco' queso'maxare: —Quiyim nqo'in na la'al, ca' qaica ca lqalaic, qam dá'maq 'xoic lqalaic quiyim pil na la'al.

2 Reyes 20:11

Ca' so qota'olec letaxaỹaxaqui Isaías nqouagaxainot ñi qara'gaxala', ca' ñi qara'gaxala' ỹo'uet quiyim pil diez lqo'naqate' na la'al caso ra'aasa lo'o looỹac so Acaz.

2 Reyes 20:9

Ca' so Isaías 'naaco' queso'maxare: —Dajo dá'maq retanqui' quiyim ñi qara'gaxala' imigui nqai'en da la'qaatec: ¿Peeta'a vi'saque quiyim nqo'in diez na la'al añi netana cañi ra'aasa, loqo'm pil na la'al?

Salmos 148:3

¡Maqachiñii qamiri, ra'aasa chaqai shiraigo! ¡Maqachiñii qamiri, vigaxarai nete'ese!

Salmos 19:4

qam da'maxare imaalec ná'ogue na 'laua, chi ỹovireta'a ca lqodoc na 'laua, chi ỹovireta'a ca na'ñi añi ra'aasa.

Salmos 74:16

Qatooỹaqui' yi na'xa'a chaqai yi pe; qami' 'viichi' na'le ñi shiraigo chaqai añi ra'aasa;

Isaías 28:21

Ñi qara'gaxala' ma' ro'ueenataxan 'ec nqai'en na'le cada qa' ladocai Perazim, ma' pa'aauo reloqui 'ec nqai'en na'le quiyi ca'megue Gabaón, quiyim ỹo'uet da lo'ueenataxanaxac, 'eno'm 'ec ỹoqa'a, quiyim ỹomat dá'maq ỹo'ueetetac, 'eno'm 'ec se re'xogui.

Isaías 60:20

Ca' totqai polec añi ra'aasa caqami' chaqai ñi shiraigo tot na'laañi da lauaq, ma' ỹim, ỹim na'gaxala', ỹim rcoỹeraxanaxagui'i' ma'le sqaica lqodoc; chaqai qaicaua ma'le naua na'xata' rachicoxoquichi'.

Jeremías 28:1

Ca' chaqaisoota so ñaaxa na' ime' saua tres ñaxari chaqai mashic hueetauguilo saua cinco shiriguiri quiyim neetaho nashi so Sedequías quiyi 'laua Judá, ca' so netaxaỹaxaqui Hananías, so leta'a leenaxat Azur na'ñi yi na'a' Gabaón, ca' 'naapega so Jeremías quiñi no'ueenaxanaxaqui, 'qaata'pe saua netaxaỹaxanqajanqa chaqai sá'ogue so qomyipi, ca 'naac:

Amós 2:9

Qam ná'maq ỹim ma' sahotaque sa'ue ca qayiguii qamiri, ca ñopoxoỹaxajñi so amorreoipi; ỹaatqajam sá'ogue ñomachichiguiñi, 'eno'm ladocaiquipi 'ec ana qo'paq cedro, chaqai ra'ñii 'ec ana qo'paq roble.

Amós 8:9

Ñi qara'gaxala' i'taxajñi da la'qaatec quiyim quecajo na'xa'a, ca' polec nqai'en añi ra'aasa queca na'xa'a lavinñi, ca' quecajo ma'le, ca' ỹaatqajam na'xa'a, qam 'xoic ca napalaxa ma'le quena 'laua.

Josué 10:13

Ca' ñi ra'aasa chaqai ñi shiraigo huere'e, chi ỹovireta'a na' so Israel llaalqaipi nomajñi so npa'guenaxauaripi. Ca' chaqaida 'neeta da la'qaataxanaxac aso lere lomalate na 'maxaraic da no'ueenataxac. Aso ra'aasa hua'e na'le quena lavinñi na piguim. Peeta'a ỹovi' ca 'óna na'xa'a se reda.