Josué 10:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Ca' so amorreoipi co'na' mashic qui'ñigui so ca'megue quiyi Bet-horón co'na' 'eetapeguem so Israel llaalqaipi, ca' ñi qara'gaxala' ỹo'uet quiyim anac aso qalachi. Ca' ỹaatqajam 'xoic so ỹalauat nqai'en, paguelec so ỹalauat queso Israel llaalqaipi.

Josué 10:11 Iomraidhean Croise

Génesis 19:24

Ca' ñi qara'gaxala' chicqo'ot nqai'en na piguim so norec chaqai na 'eco' quiquiaxaic, ca taalec nqai'en yi Sodoma chaqai yi Gomorra.

2 Samuel 18:8

Ca' so lauataxac huaguelec na'le yi 'laua, qam queco'na'le, ca paguec só'maq lalauatec so 'oochi quesó'maq chaqai qom lalauatec.

Job 38:22

¿Mashic shi'co' vichitera'a yi ỹa'maqataxanqa' quena' sa'maxat ana loñi nacañi chaqai ana qalachi,

Job 38:23

ca sela' quena' ỹovitalo naua la'aaqa' naua na'xata' quecaua na'xata' lauataxaqui'?

Isaías 28:21

Ñi qara'gaxala' ma' ro'ueenataxan 'ec nqai'en na'le cada qa' ladocai Perazim, ma' pa'aauo reloqui 'ec nqai'en na'le quiyi ca'megue Gabaón, quiyim ỹo'uet da lo'ueenataxanaxac, 'eno'm 'ec ỹoqa'a, quiyim ỹomat dá'maq ỹo'ueetetac, 'eno'm 'ec se re'xogui.

Deuteronomio 20:4

Ma' ñi qara'gaxala' qota'olec neetauguilo qamiri. Ca ñi'maxare pa'a'guit quiyim reloguie'e' ca npa'guenaxauahi, ca ñi'maxare ỹo'uet quiyim qadoxoñiguii ma'le.

Apocalipsis 11:19

Ca na'le, ca qaỹauatougui ñi lo'ueenaxanaxaqui ñi qota'a neeta'gue da piguim. Ca' ỹaatqajam re'qoota aso lahite' saua diez laqataxaco ñi qota'a. Ca' 'ue so nqai'legaxa, nalataxa, soxonaxallipi, so le'loxolaxa na 'laua, chaqai aso late'ogue' qalachi.

Apocalipsis 16:21

Qai'neeta nac aso qalachi late'ogue', chicqo'ot na piguim, taalec na qom. Ỹovi' cuarenta kilos que'óna. Ca na qomyipi 'ue na ỹa'xat se no'uen quiñi qota'a quesojo nqa'viic caso qalachi, ma' mashic chalego lecaic dá'maq nouaxanaxaset.