Josué 10:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Ca' ñi qara'gaxala' ỹo'uet quiyim qano'daxatetec so Israel llaalqaipi. Ca' so Josué 'xoico' so ỹalauat quiyi Gabaón. Ime, ca' ỹocaneta queso nayic quiyi Bet-horón, ca' queeta da lalauataxanaxac quena amorreoipi, chi ỹovireta'a yi Azeca chaqai yi Maceda.

Josué 10:10 Iomraidhean Croise

Isaías 28:21

Ñi qara'gaxala' ma' ro'ueenataxan 'ec nqai'en na'le cada qa' ladocai Perazim, ma' pa'aauo reloqui 'ec nqai'en na'le quiyi ca'megue Gabaón, quiyim ỹo'uet da lo'ueenataxanaxac, 'eno'm 'ec ỹoqa'a, quiyim ỹomat dá'maq ỹo'ueetetac, 'eno'm 'ec se re'xogui.

Zacarías 14:3

Qam ma' ime, ca' ñi qara'gaxala' eec nalauate'e' sá'ogue so qomyipi, 'ec dá'maq quena' ỹovire'oga ca na'xa'a nalauataxaqui.

Josué 10:11

Ca' so amorreoipi co'na' mashic qui'ñigui so ca'megue quiyi Bet-horón co'na' 'eetapeguem so Israel llaalqaipi, ca' ñi qara'gaxala' ỹo'uet quiyim anac aso qalachi. Ca' ỹaatqajam 'xoic so ỹalauat nqai'en, paguelec so ỹalauat queso Israel llaalqaipi.

Josué 10:9

Ca' so Josué eec, chicqochi'ñi yi Gilgal, queetagui so pe. Ca' i'laxatejlec so amorreoipi.

Jueces 4:15

Ca' ñi qara'gaxala' ỹo'uet quiyim 'xoic da lqolonaxa so neetañigui na nahoglenaipi, chaqai sá'ogue so nalliripi so Sísara co'na' sham ỹovichiguit so lecat so Barac. Chaqai vire'to' so Sísara no'chi, ca' renotauec caso lahoglena, ca' 'eet, co'ueetañi.

Jueces 4:16

Ca' so Barac queetalec ỹocanta so Sísara nalliripi chaqai so nahoglenaipi, chi ỹovireta'a nqai'en yi Haroset-goim. Ca' quesojo na'xa'a ỹaatqajam qaica ca no'ueenashiguim ca'laaxaic queso nalliripi so Sísara, sá'ogue nimiichiguiñi. (4.11, 17-23 Dá'maq 'neeta da lelauaxa so Sísara.) (5.1-31 Lo'ueenec aso Débora chaqai so Barac.)

1 Samuel 17:1

Na filisteoipi lapoonta' na nalliripi, ỹahotaque quiyim nalauat. Ca lapooqo' yi Soco yí'maq na'a' lalamaxaret na llaalqaipi so Judá, nco'matqa' yi Efes-damim, viichiguiñiguilo yaua Soco chaqai yi Azeca.