Josué 10:1 - La'qaatqa ñi qota'olec Qota'olec & Qota'olec Novita Na Qomyipi

^1-2 So Adonisedec, só'maq lashi yi na'a' lodegaxat Jerusalén, ỹaatqajam chalego lqolonaxa na' ỹa'den quiyim so Josué loxonec so Hai chaqai dá'maq 'ne'teco' na'le so'maxare chaqai quesó'maq lashi, ca chaqaido' dá'maq 'ne'teco' na'le yi Jericó chaqai so lashi, chaqai queso Gabaón laseripi huaqui'chiguit so Israel llaalqaipi, ca' nagui, ca' ỹalequeta'guita saua'maxare. Ca' queso'maxare, ca' ỹo'uet quiyim 'xoic da lqolonaxa, ma' yi Gabaón ỹaatqajam lodegaxat yi na'a', paguec lecaic quiyi Hai, chaqai ná'maq na'ñi yi'maxare ỹaatqajam 'ñaaxaiquipi.

Josué 10:1 Iomraidhean Croise

Génesis 14:18

Qai'neeta so Melquisedec, so'maxare nashi quiyi Salem chaqai letaxaỹaxanqajnec na qomyipi quena' qaretaxaỹa'pegue' ñí'maq qaica 'nejem qota'olec, so'maxare naueguec so pan chaqai so lataxa.

Hebreos 7:1

So Melquisedec nasho' na'le quiyi Salem chaqai letaxaỹaxanqajnec na qomyipi quena' qaretaxaỹa'pegue' ñi qota'a ñí'maq ỹapacauec. Co'na' so Abraham rapil queso lauataq só'maq huaugui na' ỹalauat so nashillipi, ca' so Melquisedec ỹanaxachi'chiguit so Abraham, ca' ỹaanem da nqouagaxa.

Josué 10:3

Ca' vichiguiño' so Adonisedec ỹa'ue so ila' la'qaatec quesaua nashil, Hohan na'ñi yi Hebrón, Piream na'ñi yi Jarmut, Jafía na'ñi yi Laquis, chaqai so Debir na'ñi yi Eglón, 'naaco':

Josué 6:21

Ime, ca qanalauajñi, qaỹahote'e na lecat, na ỹalliripi chaqai na 'aallipi, ne'naqaipi, chaqai na qo'xoiquipi, vire'ta na ñii'lolaipi, na qagretaipi, na 'ashinyipi, ná'ogue qanomachichiguiñi.