Josué 1:8 - La'qaatqa ñi qota'olec Qota'olec & Qota'olec Novita Na Qomyipi

⁸ Pilaxachisa'gue dá'maq 'naac ana lere hueetalec na laqataxaquipi ñi qota'olec. 'Yiiñisapegalo quiyi na'xa'a chaqai quiyi pe, qaiyi se neme 'viichi'sac dá'maq 'neeta da naqataxac. Ca cá'ogue cá'maq 'viichi' ma'le cá'ogue ỹa'maqachiguiñi.

Josué 1:8 Iomraidhean Croise

Génesis 24:63

Ma' so'maxare tauco' ỹouoiguiri' lecocho'qui' na' sham napalñi. Ca co'na' namatashiguim, ca' iuañi'chiguit so nauaanaxanaxa late'ellipi qoyintalec ỹalamaxatetaho.

Salmos 19:14

'Maxariñite' naua ỹa'qaatqa chaqai naua ỹa'deenataxanaxaco, qami' qarashi, i'guenaxala' chaqai ica'laxaqui.

Salmos 40:10

Chaqai se yi'maqata, ta'ta'a quiyim sa'xat da no'uen ro'ueenataxanaxaqui'; sa'xatetac quiyim ipaquichiguilo naua ra'qaataxahi' chaqai da rca'laqataxanaxaqui'. Sqai soxojñi da re'xorenataxanaxa'e' chaqai quiyim lliqueta da ra'qaachiqui' quena 'xoic ralamaxarichi'ipi.

Mateo 12:35

Cá'maq no'uen ỹale, ca lo'yaxanqa naua la'qaatqa, ma' cá'maq no'uen hueetagui añi le'taxanata. Chaqai ca se no'uen ỹale, ca' se no'viiñi naua la'qaatqa, ma' cá'maq se no'uen hueetagui añi le'taxanata.

Mateo 28:20

Chaqai paxaguiñigue quiyim huelec ná'ogue ná'maq sapaxaguinguelo qamiri. Chaqai 'yiiñita quiyim ỹim salequetauguilo qamiri quenaua'que naua na'xata', chi ỹovireta'a ca nqodoc. Ajá'a, ca' chaqaida 'neeta dajo.

Mateo 7:21

Mesqai ná'ogue na qomyipi quená'maq 'naac: “Qami' qara'gaxala'”, sqai ná'ogue inoxono ma'le queca ñaqai naata lo'ueenataxanaxac ñi qota'a queda piguim. Chaqaicaata cá'maq ỹo'uet dá'maq ỹahotaque ñi ita'a neeta'gue da piguim.

Mateo 7:24

Ca' chaqaida 'neeta quecá'maq 'xaỹa aỹim, ca' ỹo'uet dá'maq ỹa'qaatec, ca 'nejem nqaishin ca qom 'deenaxanqachaqaic quiyim ỹanejlec ca qa' quiyim ỹa'yiñi ca lauo'.

Lucas 11:28

Qam so'maxare 'naaco': —¡Qam ỹaatqajam chalego loyac cá'maq 'xaỹa da la'qaatec ñi qota'olec chaqai ỹaatqajam ỹo'uet!

Juan 13:17

No'm qamiri 'yiiñii dajo, chaqai 'viichii, ca ra'maxaichiguiñi ma'le.

Juan 14:21

Cá'maq ỹa'deene' chaqai na'xaỹaxanalo naua ilaataxanaxaco, ca'maxare re'oq quiyim ỹaatqajam llic yi'xoren. Chaqai ñi ita'a i'xoren cá'maq yi'xoren, chaqai ỹim qai'neeta se'xoren, chaqai ñachaxana ma'le ca'maxare.

Efesios 4:29

Sqai 'xachii' naua se no'viiñi na'qaatqa, ta'ta'a quiyim no'ueenaxachii' naua ra'qaataxahi, qaiyi noquiicshiguim nqai'en chaqai ỹa'ue ca la'maxa cá'maq na'xaỹaxantapegalo qamiri.

Deuteronomio 30:14

Ma' dajo nelaataxanaxac ỹaatqajam sqoỹoqaque caqamiri; ỹaatqajam hueetaugui na qadapi' quiyim taxahi', chaqai da ra'deenataxanaxaqui' quiyim shichi' 'viichi'.

Colosenses 3:16

Chaqai da lapaxaguinataxanaxac so Cristo no'qaachiguilo nqai'ne' naua re'taxanatahi. Napaxaguiñita'ta' chaqai ỹaatqajam 'yiiñii quiyim na'ñaxachita'ta'. Chaqai no'm 'ueenaxañii, qam 'viiñii ná'ogue na ỹoreta'oguit no'ueenqaipi chicqo'ot so Espíritu Santo. Chaqai chicqochigui nqai'ñii añi re'taxanatahi quiyim 'ỹaañitacot da na'aachicyaxaguii ñi qota'a.

Josué 1:7

Qam chaqaidaata sahotaque quiyim na'ñaxachi' chaqai se illivigui na qavilli', chaqai ỹaatqajam pacqajñichiriguilo na ỹaqataxaco ỹaanema qami' na'le so ilaatec Moisés. Ỹaatqajam pacqajñichiriguilo naua'maxare, qaiyi 'ue ca 'negue cá'maq canchaqaica coñita.

Apocalipsis 22:14

Chalego la'maxa cá'maq quiỹo' caua loho, qaiyi ỹovirau'a ada qo'paq chicqaugui da nca'laxa, chaqai quiyim ishit inoxontougui ñi lasom yi na'a' lodegaxat.