Josué 1:6 - La'qaatqa ñi qota'olec Qota'olec & Qota'olec Novita Na Qomyipi

⁶ Qam ỹaatqajam na'ñaxachi', se ileuapigui qavilli', ma' qami' naloqojñirec ma'le yi 'laua, 'ỹaañitem na qomyipi, ma' yi'maxare sachaxantapeguem na'le so 'auaxaic leta'allipi quiyim saanem.

Josué 1:6 Iomraidhean Croise

Génesis 12:7

Ca' quiyi, ca' ñi qara'gaxala' nachaxano' so'maxare. Ca 'naaco': Najo 'laua ná'maq saanem ma'le na qachaalaxai'pi. Co'na'le, ca' so Abram no'xonshiguim aso ncopatoxonaxalate, ca nqouagaxainot ñi qara'gaxala', ma' chaqaiyi hua'ño' co'na' qanachaxana.

Génesis 26:3

Qam nagui ñaqai ñi'salec najo 'laua. Ca' ỹim iỹaatac qami' chaqai yqouaquiraxaric, ma' qami' chaqai na qachaalaxai'pi saanem ma'le najo 'laua. Ca' sepacqajanchigui dá'maq ỹa'qaatec na'le queso qataa'i' Abraham.

1 Reyes 2:2

—Ỹim mashic tot qoỹoqaque ca lqodoc añi ỹaqauaxaqui. Ca' shinta ma'le ná'ogue ná'maq ca'e na 'laua. Ca qami', ma' qami' ỹale, ỹaatqajam na'ñaxachi' ma'le.

Salmos 27:14

¡Pi'i'ta ñi qara'gaxala'! ¡Na'ñaxachi', totaxan reualliriñi! ¡Ajá'a, ỹaatqajam pi'i'ra'a ñi qara'gaxala'!

Hageo 2:4

¡Qam na'ñaxachi', qami' Zorobabel! Chaqai ¡na'ñaxachi', qami' Josué, ma' qami' lashi na netaxaỹaxanqajanqaipi! Chaqai na'ñaxachii qamiá'ogue qamiri qomyipi ñiitalec najo 'laua. 'Ueenataxañii, ma' ỹim salequetauguilo qamiri. Ỹim na'gaxala' sqaica lqalanec, se'taxajñi da ỹa'qaatec.

1 Corintios 16:13

Ỹaatqajam nelohitec, chaqai na'ñaxachii'tegue da rpi'ỹaxaguii. Na'maxachita, 'ñiitari' ca ỹale quesaxanaxaic.

Efesios 6:10

Ca' nagui qamiri ỹaqaỹa', na'ñaxachiỹo', ma' mashic na'yiitau'a so qara'gaxala' quiyim chicqochigui da rquesaxanaxahi dá'maq chalego lquesaxanaxa so'maxare.

2 Timoteo 2:1

Qam qami' ỹaalec, coñichiguit da rquesaxanaxa'e' queda qanqouagaxa dá'maq qomi' qoỹaanema ma' ña'daqatau'a so Cristo Jesús.

Josué 1:7

Qam chaqaidaata sahotaque quiyim na'ñaxachi' chaqai se illivigui na qavilli', chaqai ỹaatqajam pacqajñichiriguilo na ỹaqataxaco ỹaanema qami' na'le so ilaatec Moisés. Ỹaatqajam pacqajñichiriguilo naua'maxare, qaiyi 'ue ca 'negue cá'maq canchaqaica coñita.

Josué 1:9

Ỹim ná'maq selachi' quiyim na'ñaxachi' chaqai se ileuapigui qavilli'. Se ro'chi'i' chaqai se reualliriñi, ma' ỹim ra'gaxalachi' qota'olec caqami', ca ỹim ñauequeta'pegue' qami' quecanchaqa 'itegue.

Josué 21:43

Ca' chaqaida dá'maq 'neeta quiyim ñi qara'gaxala' ỹaanem so Israel llaalqaipi sá'ogue so 'laua só'maq ỹachaxantac queso 'auaxaic leta'allipi. Ca' so qomyipi naalec sojo 'laua.

1 Samuel 4:9

¡Ca' nosaachiigui na ro'goxonaxachii, totaxan ro'chii qamiri filisteoipi, ỹaatqajam na'ñaxachii, nalauachii, qaiyi sqai qomi' la'aqa na hebreoipi, qaiyi sqai shinqata na'maxare quiyim chi qarelaatqaipi!