Josué 1:5 - La'qaatqa ñi qota'olec Qota'olec & Qota'olec Novita Na Qomyipi

⁵ Qaica ca ishit quiyim loxonec qami' quiyim ñaq rca'lli'sauec, ca ỹim iỹaatac qami' ma'le dá'maq shinta'gue na'le queso Moisés. Se salachi'sac chaqai qaica ma' shique'e quet qami'.

Josué 1:5 Iomraidhean Croise

Génesis 39:2

Qam ñi qara'gaxala' liỹaatac so José, ca' sqaica canchaqaica na' ñaqai hueeta'ñi yi la'a' so na'co' Egipto le'ec.

1 Reyes 1:37

Ca chaqaida dá'maq 'neetari' na'le ñi qara'gaxala' ro'ootaxanteguelec qami', ca' chaqaida 'neetari' quiñi Salomón, ca ỹo'uet quiyim paguec lecaic ma'le ca lo'ueenataxanaxac caqami', qami' qarashi David.

1 Reyes 11:38

Ca no'm na'xaỹaxañite' quená'ogue ná'maq selachiraxalec, chaqai 'maxachichiriñi cá'maq ro'ueenataxanaxaqui' caỹim, chaqai quiyim ipaquichigui nqai'ñi' na ỹaqataxaquipi, na ilaataxanaxaquipi, 'nejem nqai'ñi' dá'maq 'ne'tegue na'le so ilaatec David, ca' qami' iỹaatac, ca' qaica idaxan nqaishin quiyim nashi ma'le ca qachaalaxai'ipi, 'nejem dá'maq shi'ntegue na'le queso David, ca' saanem qami' ma'le quiyim loqoira'a ná'ogue na Israel.

1 Reyes 6:13

Ca' ỹim sentañigui ma'le na llaalqaipi so Israel, ca' sqaica ma' shique'e quet ma'le na ỹalamaxareteripi. (6.14-36 Dá'maq 'neeta da no'ueenataxac na lauel ñi no'ueenaxanaxaqui.)

1 Reyes 8:57

Ca' nagui ma' ñi qara'gaxala' qota'olec ỹalequetauguilo qomi', 'neetari' dá'maq 'neetari'o' na'le queso 'auaxaic qareta'allipi, ca' totqai ca'ahi qomi' chaqai se qaralat.

Salmos 46:11

¡Ñi qara'gaxala' ñí'maq qaica ca lqalanec ỹalequetauguilo qomi'! ¡Ñi qota'olec queso Jacob chaqaiñi ñi quepaqataxanteguelgoto qomi'!

Éxodo 3:12

Ca ñi qota'olec 'naaco' queso'maxare: —Ñauequeta'pegue' qami' ma'le. Ca' dajo dá'maq retanqui' quiyim chaqaỹim selachi': Ma' naqachira'a quiyi Egipto yi ỹalamaxareteripi, ca qamiá'ogue nqouagaxaiñiỹot aỹim ma'le canajo qa' ladocai.

Jeremías 1:8

Qaica ca ro'chiraque, ma' ỹim seuetau'e ma'le na rahi'i', squepaqataxanteguelec qami'. Ỹim ná'maq ỹim ra'gaxalachi', saanec da ỹa'qaatec.

Mateo 28:20

Chaqai paxaguiñigue quiyim huelec ná'ogue ná'maq sapaxaguinguelo qamiri. Chaqai 'yiiñita quiyim ỹim salequetauguilo qamiri quenaua'que naua na'xata', chi ỹovireta'a ca nqodoc. Ajá'a, ca' chaqaida 'neeta dajo.

Romanos 8:31

Ca ¿nega'ỹo' ca shinqac quedajo? No'm ñi qota'a ro'ootaxanlgoto qomi', ca ¿negue' queto' ca ishit quiyim npa'guenta'to qomi'?

Romanos 8:37

Qam quedá'ogue dajo senoxonaxatqauec quiyim qomi' quesaxanaxaqa, qam da qarquesaxanaxa chicqo'ot só'maq i'xorene' qomi'.

Deuteronomio 20:1

No'm qamiri quiiguit quiyim nalauachii'e' ca npa'guenaxauahi quiyim daañiỹa'guit ca'maxare neetalec na laloipi shipiguiripi chaqai ana nahoglena lauataxaqui chaqai paguec 'xoic ca nalliripi caqamiri, qam totaxan ro'chiỹa, ma' qamiri ỹalequetauguilo ñi qara'gaxala' qota'olec caqamiri, ñí'maq naqata'alo qamiri na'le quiyi Egipto.

Deuteronomio 20:4

Ma' ñi qara'gaxala' qota'olec neetauguilo qamiri. Ca ñi'maxare pa'a'guit quiyim reloguie'e' ca npa'guenaxauahi, ca ñi'maxare ỹo'uet quiyim qadoxoñiguii ma'le.

2 Timoteo 4:17

Qalaxam ñi qara'gaxala' Jesús yotauan, ca ỹo'uet ca ỹa'ñaxac quiyim yipaquejlec quiyim sa'xat da na'qaatec chicqaugui da nca'laxa, qaiyi 'xaỹa dajo ná'ogue ná'maq sqai judioipi. Ca' chaqaida 'neeta quiyim so qara'gaxala' nca'laxatec aỹim quesó'maq toxonaxai.

Hebreos 13:5

Chaqai 'neeto' pacqajñiỹauec aca plata; ta'ta'a quiyim netooñita'gue cá'maq 'ue caqamiri. Ma' ñi qota'a 'naaco' quen: “Se iuanapega quiyim ñoỹootec caqami', chaqai se salachi'sac.”

Josué 1:9

Ỹim ná'maq selachi' quiyim na'ñaxachi' chaqai se ileuapigui qavilli'. Se ro'chi'i' chaqai se reualliriñi, ma' ỹim ra'gaxalachi' qota'olec caqami', ca ỹim ñauequeta'pegue' qami' quecanchaqa 'itegue.

Josué 10:8

Ca' ñi qara'gaxala' 'naaco' queso'maxare: —Totaxan ro'chita na'maxare, ma' ỹim saanec quiyim ná'ogue qadoxonqui', ca' qaica ca ishit nachaata'guit qami'.

Josué 21:44

Ca' ñi qara'gaxala' ỹaatqajam ipacqajanchigui da la'qaatec, ca' ỹaanem da leuagaxa sá'ogue so neetalec so 'laua. So npa'guenaxauaripi se ishit quiyim reloqoguit, ma' ñi qara'gaxala' ỹo'uet quiyim qaica lovi' nqai'en so'maxare.

Josué 3:7

Ca co'na'le, ca' ñi qara'gaxala' 'naaco' queso Josué: —Taachi'ñi quenajo na'xa'a, ca' so'uet quiyim naua'que na'xata' nqo'neetauec paguec qaremaqachiñi' quena Israel llaalqaipi, qaiyi na'maxare iuana ma'le quiyim qami' iỹaatac, 'nejem dá'maq shintari' na'le queso Moisés.

Jueces 2:18

Ca co'quena' ñi qara'gaxala' ỹanashiguim ca nashi, ca' ỹaatqajam ỹotauan. Ca co'quena' ñaq nca'leetauec ca nashi, ca' ỹotauan so Israel llaalqaipi quena npa'guenaxauaripi, ma' i'xoreno' quen quena' 'xaỹa da nqui'ic queso'maxare.

Jueces 6:16

Ca' ñi qara'gaxala' 'naaco' queso'maxare: —Qami' shichi' 'viichi' dajo, ma' qami' iỹaatac ma'le. Ca' qadoxonqui' ma'le na Madián llaalqaipi 'ec ca 'oonoqui' qom nqai'ñi'.

1 Samuel 10:7

Ca ma' 'ue dajo caqami', ca 'viichi' cá'maq piichira'a 'maxaraic. Ca' ñi qota'olec rotauañi' ma'le.