Jonás 4:9 - La'qaatqa ñi qota'olec Qota'olec & Qota'olec Novita Na Qomyipi

⁹ Qam ñi qota'olec 'naaco' queso'maxare: —¿'Ñiisapego' ỹa'maqachiguiñi quiyim 'ohi', ma' ỹaso aso ropillichi'i' noueela? —¡Pacaco' ỹa'maqachiguiñi nqaishin! —'naaco' so Jonás—. ¡Ca ỹim sahotaque quiyim yileu paguelec na iuel!

Jonás 4:9 Iomraidhean Croise

1 Reyes 21:4

Ca' so Acab queuo queca la'a' rachicotam chaqai se ỹa'maxagui na lauel sauaxat dá'maq 'naac so Nabot, ma' so'maxare 'naac quiyim sqai ỹaan só'maq qano'ueenaqta'guit quesaua leta'al. Ca co'na' ỹoviro, ca' nenanñi, reloqoto'ot ca 'imec lahi, chaqai se que'e.

Job 5:2

Nañaañichiguit da nqui'ic loqo'm da ne'xoric, da'maxare ỹaatqajam qaica ca 'negue, qam ỹaueca'a qami' da nelauaxa.

Jonás 4:1

Ca' so Jonás ỹaatqajam se nqo'ta da 'ne'teco' na'le ñi qota'olec, ca' ỹaatqajam 'xoic na lauel.

Jonás 4:10

Co'na'le, ca' ñi qara'gaxala' 'naaco' queso'maxare: —Qami' sqai ñi'riñi aso noueela loỹo, chaqai se noquiic da llaxataxa nqai'ñi'; ñaxat queso 'óna pe, ca' queso liỹa na'xa'a, ca' ileu. Qam 'xoriñi'sac.

Jonás 4:8

Ca co'na' nenoxonshiguim aso ra'aasa, ca' ñi qota'olec nac nqai'en so nonot pa'e chicqa'gue da lqodoigue. Ca so'maxare tajlec so npa'ỹaaxa, ca' chita'co' quen ileueta, ca' ỹahotaco' quiyim ileu. Ca 'naaco': —Paguec la'maxa queta' yileu, mesqai 'nejem quiyim yca'leetauec.

Mateo 26:38

Ca 'naaco' quesaua'maxare: —Ñauata'guit queda ñachaalataxac 'ec sham yalauat na ỹachicoxo. Qovii'e quenajo, qam sqai laxaiỹo'.

2 Corintios 7:10

Ma' cá'maq nachicoxo quiyim qana'ñaxachiguit quiyim nqo'ta ñi qota'a, ca chicqaugui ca togotaxa, ca' re'oq nqai'en ca nca'laxa. Ca' sqai qanetogoteta'pegue. Qam da nachicoxo hueetalec na 'laua, ca chicqaugui da nelauaxa.

Apocalipsis 9:6

Ca' quecauajo na'xata' na qom idaantaque ma'le ca lelauaxa, qam se ỹanata. Chaqai 'eno'm ỹahotaque ileu, qam da nelauaxa 'eetapeguem ma'le na qomyipi.

Jueces 16:16

Qam ma' ỹaatqajam 'ue da lepagaxallic aso Dalila, naua'que naua na'xata' piltalec da renataxanta'pegue, chi ỹovireta'a quiyim so Sansón ỹaatqajam nco'te'guesop aso'maxare. Ca' ỹahotaque quiyim ileu.