Jonás 4:8 - La'qaatqa ñi qota'olec Qota'olec & Qota'olec Novita Na Qomyipi

⁸ Ca co'na' nenoxonshiguim aso ra'aasa, ca' ñi qota'olec nac nqai'en so nonot pa'e chicqa'gue da lqodoigue. Ca so'maxare tajlec so npa'ỹaaxa, ca' chita'co' quen ileueta, ca' ỹahotaco' quiyim ileu. Ca 'naaco': —Paguec la'maxa queta' yileu, mesqai 'nejem quiyim yca'leetauec.

Jonás 4:8 Iomraidhean Croise

Génesis 41:6

Ca lotqai co'uaataxansashiguim saua liỹa' siete nasoolqa roỹapitem' chaqai qaỹashiviaxate' quena nonot lqodoiguesec.

1 Reyes 19:4

Ime, ca' eec queetalec yi 'laua qaica qom. Ca queeto' 'óna na'xa'a, vire'to' na' nqa'xanñi ne'tot aca qo'paqo'lli'. Ca chalego' da lishoxo quiyim ileu. Ca 'naaco': —¡Liyi dajo, qami' ỹa'gaxala'! ¡Lqodoc nqai'ñi' ana ỹaqauaxaqui, ma' sqai paguec ỹim 'maxaraic quesaua ita'al!

1 Reyes 21:4

Ca' so Acab queuo queca la'a' rachicotam chaqai se ỹa'maxagui na lauel sauaxat dá'maq 'naac so Nabot, ma' so'maxare 'naac quiyim sqai ỹaan só'maq qano'ueenaqta'guit quesaua leta'al. Ca co'na' ỹoviro, ca' nenanñi, reloqoto'ot ca 'imec lahi, chaqai se que'e.

Job 2:10

Ca' so Job 'naaco' caso'maxare: —¡'Aalo'e', se ỹa'maxañi quiyim se no'uen ca 'xachi'! Ma' qomi' seconaxaguit ná'maq lo'yaxanec nelatalo qomi' ñi qota'olec, ca ¿negue' quet cá'maq 'neeta quiyim se seconaxaguit ca se no'uen? Ca' quedá'ogue dajo so Job qaica ca lasauaxaset, chaqai vire'ta qaica ca ỹo'maauec la'qaatec.

Job 7:15

Paguec la'maxa queta' vicqoitot na ỹoqosot; paguec la'maxa queta' yileu, ca' se yca'leetauec.

Salmos 121:6

Añi ra'aasa se na'axat qami' quiyi na'xa'a, chaqai ñi shiraigo quiyi pe.

Cantares 1:6

Totaxan ra'iigui dá'maq quiyim ỹim huerai, ma' yavigaxat añi ra'aasa. Na iqaỹaripi ro'iiua', ca' yilarelec quiyim seloqota'a yi 'uva loma', ¡ca' se squelola yí'maq ỹaatqajam ỹanaxanqa'!

Isaías 49:10

Ca' se rqopachii chaqai se ralauachii raquipii, chaqai sqai taalec qamiri ca ra'aasa lauaq, ma' ỹim se'xoriñii chaqai sashaxanta'pe qamiri, chaqai sauequeta'alo qamiri ca hua'ñi ca ne'paxantashiguim huaxaỹaq.

Jonás 1:17

Qam ñi qara'gaxala' shi'co' ỹaqatqajantari' so nallin lodegaxat quiyim ỹomatañi so Jonás. Ca' so Jonás hueetaquio' na lauel so nallin lodegaxat tres na'xata' chaqai tres piri.

Jonás 1:4

Qam ñi qara'gaxala' ỹo'ueeto' quiyim npe'taxanshiguim so nonot quesaxanaxaic. Ca co'na' mashic qoyiuetañigui aso huaaxai, ca' novi' so chalego lquesaxanaxa nonot, ca' mashic 'ec sham conaqta'gue aso huaxaỹaqse.

Jonás 4:3

Vichiguiño', qami' ỹa'gaxala', nagui ñi'xoresene'tot qami' quiyim coñita da ñachaalataxac. Ma' paguec la'maxa quiyim yileu, sqai 'nejem quiyim yca'leetauec.

Jonás 4:9

Qam ñi qota'olec 'naaco' queso'maxare: —¿'Ñiisapego' ỹa'maqachiguiñi quiyim 'ohi', ma' ỹaso aso ropillichi'i' noueela? —¡Pacaco' ỹa'maqachiguiñi nqaishin! —'naaco' so Jonás—. ¡Ca ỹim sahotaque quiyim yileu paguelec na iuel!

Mateo 20:12

Ca 'neraco': “Só'maq co'uaataxantam chaqai cocho'qui' ro'ueenataxan, qam qami' 'nejem nqai'ñi' aná'maq qanishiuete, quiyim qomi' ñalauatqata'piguit so npa'ỹaaxa queso na'xa'alom so'ueenataxanqatac.”

Apocalipsis 3:19

Ma' ỹim setaxaỹa'a chaqai salamaxat ca no'ueenataxac cá'maq yqo'ta. Ca' na'ñaxachi'o' chaqai netacocha'e'.

Apocalipsis 7:16

Ca tot ỹoviro'ot ma'le ca nqopaaxa chaqai ca laquip. Chaqai tot qaỹavigaxat cañi ra'aasa, chaqai tot nauata'guit ca npa'ỹaaxa.

1 Samuel 3:18

Ca' so Samuel ỹaatqajam ỹa'xate'tem sá'ogue so na'qaatqaipi so Elí qaica ca ỹoxojñi. Ca' so Elí 'naaco': —¡Ỹaatqajam chaqaiñi ñi qara'gaxala'! ¡Ca' chaqaiñi ñi'maxare ỹo'uet cá'maq ỹaatqajam ỹa'maqachiguiñi!