Jonás 4:4 - La'qaatqa ñi qota'olec Qota'olec & Qota'olec Novita Na Qomyipi

⁴ Qam ñi qara'gaxala' 'naaco' queso'maxare: —¿'Ñiisapego' 'maxaraic quiyim 'ohi'?

Jonás 4:4 Iomraidhean Croise

Génesis 4:6

Co'na'le, ca 'naaco' ñi qara'gaxala' queso'maxare: ¿Chi'negue ma' 'ohi' chaqai ỹoqa'a na qashiiqui'?

1 Reyes 21:4

Ca' so Acab queuo queca la'a' rachicotam chaqai se ỹa'maxagui na lauel sauaxat dá'maq 'naac so Nabot, ma' so'maxare 'naac quiyim sqai ỹaan só'maq qano'ueenaqta'guit quesaua leta'al. Ca co'na' ỹoviro, ca' nenanñi, reloqoto'ot ca 'imec lahi, chaqai se que'e.

Jonás 4:1

Ca' so Jonás ỹaatqajam se nqo'ta da 'ne'teco' na'le ñi qota'olec, ca' ỹaatqajam 'xoic na lauel.

Jonás 4:3

Vichiguiño', qami' ỹa'gaxala', nagui ñi'xoresene'tot qami' quiyim coñita da ñachaalataxac. Ma' paguec la'maxa quiyim yileu, sqai 'nejem quiyim yca'leetauec.

Jonás 4:5

Ca' so Jonás ca'e yi na'a', ca taigue da lqodoigue quiyi'maxare. Ca' ỹo'ueeto' so laho'oqui' ỹa'daañi. Ca' nqa'xanñi queso la'al, ma' ỹahotaque quiyim ỹa'ajantac ma'le cá'maq 'neeta yi na'a' lodegaxat.

Jonás 4:9

Qam ñi qota'olec 'naaco' queso'maxare: —¿'Ñiisapego' ỹa'maqachiguiñi quiyim 'ohi', ma' ỹaso aso ropillichi'i' noueela? —¡Pacaco' ỹa'maqachiguiñi nqaishin! —'naaco' so Jonás—. ¡Ca ỹim sahotaque quiyim yileu paguelec na iuel!

Miqueas 6:3

'Neetasa' da la'qaatec ñi qara'gaxala': Vii ca 'ñiỹac, qamiri ỹalamaxarete', ¿negue' cá'maq se no'uen so'uet caqamiri, loqo'm negue' ca hua'co' na' sqai saxañiỹac?

Números 20:24

—Ñi Aarón mashic ỹovita yi lqodoc aca lqauaxaqui, ca se inoxona'a yí'maq 'laua saanem na Israel llaalqaipi, ma' hua'ñi na' ne'paxanec so huaxaỹaq quiyi Meriba, ca' qamiri sqai pacqajanchigui dá'maq shinac.

Mateo 20:15

Ca' ¿se ỹa'maxaño' quiyim soiquentac canchaqai shinta'gue aná'maq ỹam? ¿Loqo'm pa'guiñisa'a quiyim aỹim 'naxanaxaraic?”