Jonás 3:8 - La'qaatqa ñi qota'olec Qota'olec & Qota'olec Novita Na Qomyipi

⁸ Ta'ta'a quiyim ñiiñi na nooỹac nachicoxoqui re'qoota nqai'ñii da rachicoxohi, chaqai ná'ogue nqouagaxainot ñi qota'olec machii'ot ná'ogue na rquesaxanaxahi, chaqai ná'ogue ỹaxanñi na loic se no'uen, chaqai quiyim se ra'maqataxan dá'maq ỹo'ueetetaco' quen chi ỹovireta'a nagui.

Jonás 3:8 Iomraidhean Croise

Isaías 58:6

Qam mesqaida. Ma' cá'maq qopaaqataxac yqo'ta 'neetasa': quiyim qaỹachipiaxate' daua lequeete' da se no'uen chaqai qaỹosoguilo naua motel naua nequeetenaxanaxat ỹauego; chaqai quiyim qoỹaxanec ná'maq 'xoic na le'xoric chaqai 'xañiriñi ná'ogue ná'maq chicqaugui da nqa'viic;

Isaías 59:6

Ca' queso palachiregaxa lala' se qaỹo'uet aca loxoqui; chaqai se no'viichigui ná'maq ỹaqaletentac. Qaidaata da nelauaxa ỹo'ueetetac, naua lqai'laqate' ỹo'ueetesac da nqa'viic,

Jeremías 18:11

Ca' 'ñirapega na qomyipi quena 'laua Judá chaqai na neeta'ñi na Jerusalén quiyim ỹim na'gaxala' shinac dajo: Sahotaque ca la'maqa' quiyim ñpa'guento qamiri; sahotaque so'uet ca nouaxanaxashichii. Chaqa'ma' 'xañiñi da se no'uen ra'deenataxanaxaguii; ca no'ueenaxachii da 'ñiitari' chaqai da ro'ueenataxanaxaguii.

Jeremías 26:3

Sqoue na'xaỹaxana qami', ca' ỹaxañiñi naua se no'viiñi, ca' ỹim se sepacqajñigui ca nouaxanaxaset dá'maq sahotaque so'uet, sauaxate' naua se no'viiñi lo'ueenataxanaxaco.

Jeremías 36:3

Sqoue ỹaxanñi dá'maq se no'uen ỹo'ueetetac ná'maq neetalec na Judá ma' ỹa'den ná'ogue ná'maq le'xoric sahotaque selata, ca' sapalaxat na se no'uen ỹo'ueetetac chaqai na lasauaxaset.

Joel 1:14

Taxaiỹougui na qomyipi chaqai 'ñiỹapega quiyim nqopaaqachit; lapooñiỹata' quiñi lo'ueenaxanaxaqui ñi qara'gaxala' ñí'maq qota'olec caqamiri ná'maq qo'xoiquipi chaqai ná'ogue na qomyipi neetalec na 'laua Judá, chaqai raualaxaiỹot shiilahi ñi qara'gaxala'.

Jonás 1:14

Co'na'le, ca' nqouagaxainsacot ñi qara'gaxala', 'neraco': —¡Qami' qara'gaxala', 'neeto' qaralauachi' sauaxat ñijo ỹale! Chaqai no'm sqaiñi, ca 'neeto' pataqairelgoto qomi' qarasauaxaset ca lelauaxa ñi'maxare. Ma' qami' qara'gaxala' 'viichi' cá'maq vi'saque.

Jonás 1:6

Ca só'maq lo'o asó'maq qoyintañigui quepegue' so Jonás, ca 'naaco': —¿Negue' cá'maq 'ñi'sa'pegue qami' quenajo, qami' laxasoxoi? ¡Ne'laxachirishiguim, nqouagaxaiñitot ca qota'olec caqami'! Sha'apiguito' qare'xoren, ca' nca'laxaterec qomi'.

Mateo 3:8

Na'maxachita, re'qoota nqai'ñii da no'ueenataxaguii quiyim mashic 'xañiñi naua ranataxahi se no'viiñi.

Hechos 26:20

Ta'ta'a quiyim sa'auaxanchiguiñi saanougui da na'qaatec yi na'ñi yi Damasco, ime, ca qalam yi na'ñi yi Jerusalén, chaqai yá'ogue yi 'laua Judea, chaqai qai'neeta na mesqai judioipi. Shintapega quiyim ỹalate' naua lanatqa, ca quelec ñi qota'a, ỹo'uet da lo'yaxanec no'ueenataxanaxac, qam re'qoota nqai'en ca nadalqataxac.

Hechos 3:19

Vichiguiño' nagui no'uen quiyim 'xañiñi naua no'ueenataxagohi, ca' nañaañiỹot ñi qota'olec, qaiyi ñi'maxare ỹapalaxate' naua rasauaxashichiri. Ca' ñi qara'gaxala' ishit quiyim nelatalo qamiri caua na'xata' quiyim ra'maxaichiguiñi,

Apocalipsis 11:3

Ca' ỹim selate' ma'le saua dos ỹa'qaataxanqajanqa quiyim ỹa'xatesac aỹim quecaua mil doscientos sesenta na'xata', ỹansañi caua noho ná'maq ỹañiñi ca qom quena' 'ue ca lasauaxanec.