Jonás 3:5 - La'qaatqa ñi qota'olec Qota'olec & Qota'olec Novita Na Qomyipi

⁵ Ca ná'maq na'ñi yijo na'a', na collo'olqaipioqui' chaqai na leta'allípi, ỹaatqajam huelec ñi qota'olec. Ca' nqopaaqachit chaqai ỹañiñi naua noho nachicoxoqui', ma' ỹaatqajam 'ue da lachicoxo.

Jonás 3:5 Iomraidhean Croise

2 Reyes 19:1

Ca co'na' 'ue da la'xaỹaxac so nashi Ezequías, ca' nasectaqta'ahi saua loho queda nqui'ic, ca ỹañiñi saua nachicoxoqui' noho. Ca' quepegue' ñi qouagaxainaxaqui quiñi qara'gaxala'.

Ester 4:1

Ca co'na' so Mardoqueo ỹa'den dá'ogue dajo, ca nasectaqta'ahi saua loho queda nqui'ic, ca ỹañiñi saua noho nachicoxoqui', ca' imiichigui na lqahic quena lo. Ca' eec queguelo naua nayico yi na'a' lodegaxat ỹaualqata'pegue'.

Jeremías 31:34

Ca ma'le, ca' se ipaquetaque quecaua qomi' nauochaxaua' loqo'm neuo' lase' se napaxaguintecta' quiyim na'deenta', ma' ná'ogue ya'den ma'le, chicqochi'ñi ca paguec lodegaxat, vire'ta ca paguec cocho'qui'. Ca' ỹim sapalaxat ca se no'uen ỹo'ueetetac chaqai tot so'leentapega na lasauaxaset. Ỹim na'gaxala', se'taxajñi da ỹa'qaatec. (31.35-40 Da lqouagaxa ñi qota'olec quiyi Israel, chaqai da naata la'maxa ma'le yi'maxare.) (32.1—35.19 So Jeremías ỹa'ue yi rishiujnaxana 'laua na' so Nabucodonosor nahiquinchiguiñi yi Jerusalén. Ca' dajo chi letanec quiyim 'ue da naquitaxac ma'le quesaua naasaho na'xata' quedá'maq la'qaatec ñi qara'gaxala', na' ỹa'xateta'guit quiyim noxonec yi Jerusalén, qam ma' ncopa, ca' so qomyipi liỹa qarapilaxat.)

Jeremías 36:9

Ca' quesaua cinco ñaxari chaqai nueve shiriguiri quiyim nashi quiyi Judá so llaalec so Josías, leenaxat Joacim, ca' quelec quiyim nqopaaqachit quiñi qara'gaxala' so neeta'ñi yi Jerusalén chaqai ná'maq chicqa'ogalo naua liỹa' na'aate' quiyi Judá.

Jeremías 42:1

Sá'ogue so lashillipi so nouaataxanaq chaqai ỹalequeto so Johanán, llaalec so Carea, chaqai so Azarías, llaalec so Osaías, chaqai sá'ogue so qomyipi, noctoqui' chaqai qo'xoic, nqo'neu'a

Jeremías 42:8

ca so'maxare roỹaxana so Johanán, só'maq llaalec so Carea, chaqai so nouaataxanaq lashillipi liỹaatac chaqai sá'ogue so qomyipi, chicqochi'ñi ná'maq paguec cocho'qui', chi ỹovireta'a na paguec lodegaxat.

Joel 1:14

Taxaiỹougui na qomyipi chaqai 'ñiỹapega quiyim nqopaaqachit; lapooñiỹata' quiñi lo'ueenaxanaxaqui ñi qara'gaxala' ñí'maq qota'olec caqamiri ná'maq qo'xoiquipi chaqai ná'ogue na qomyipi neetalec na 'laua Judá, chaqai raualaxaiỹot shiilahi ñi qara'gaxala'.

Jonás 3:7

Co'na' ime, ca' so nashi chaqai so lotauaripi ỹa'deenaxanaxantegue da laqataxague' quiyim ná'ogue na qomyipi neeta'ñi yi na'a' quiyim qaica que'e, chaqai se qaiqui'ỹaxan, chaqai se qane'taxan na iseripi nedaxaquiripi chaqai na qagretaipi.

Mateo 12:41

Ca' so qomyipi na'ño' na'le yi na'a' lodegaxat Nínive, so'maxare nachajñi ma'le quecajo na'xa'a ma' qaimit ná'ogue na qomyipi, ca ỹa'ue ma'le ca nouaxanaxaset na'maxare. Ma' só'maq na'ñi yi Nínive ỹaxañiñi naua lanatqa na' qaỹa'xatem da la'qaatec ñi qota'a quesó'maq la'qaataxanqajnec leenaxat Jonás. Ca' nagui hueetauguilo qamiri dá'maq paguec lecaic queso Jonás.

Lucas 11:32

Ca' ná'maq neeta'ñi yi na'a' lodegaxat Nínive qai'neeta nachajñi ma'le quecajo pa'aatec na'xa'a, ma' ỹovita quiyim qanimit na qomyipi hueetauguilo nauajo na'xata', ca ichoxot quiyim 'ue ca lasauaxaset. Ma' ná'maq na'ñi yi Nínive ỹalate' naua no'ueenataxaco co'na' qara'qaataxanem queso Jonás queda la'qaatec ñi qota'olec, qam nagui hueetauguilo qamiri dá'maq ỹapacauec queso Jonás.

Hechos 27:25

Vichiguiño' nagui, qamiri ỹalliripi, na'ñaxachiỹo'. Ma' ỹim ỹaatqajam spi'ỹa'a ñi qota'olec, chaqai se'taxajñi quiyim chaqaida dá'maq 'naapiguiỹa' so nelaatec chicqashiguim.

Hechos 8:10

Ca ỹaatqajam sá'ogue na'xaỹaxanta na cocho'qui' chaqai na paguec leta'allipi chaqai qohinaco' quen: —Najo ỹale ná'maq ỹaatqajam lodegaxat lquesaxanaxa ñi qota'olec.

Hebreos 11:1

Quiyim 'ue ca npi'ỹaxac, ca' chaqaida dá'maq ỹaatqajam 'chichiguiñi nqai'en quiyim seconaxaguit cá'maq ñauaanqataque, chaqai ỹaatqajam se'taxatqachiguiñi quiyim 'ue cá'maq se seuanaxa chaqaica cá'maq ỹaatqajam lliqueta.

Hebreos 11:7

Ma' 'uo' da lpi'ỹaxac so Noé, ca co'na' qaỹaqata quiñi qota'a so'maxare quiyim 'ue ma'le ca naatalec saqa' re'oq. Qam so'maxare ỹaatqajam huejlec, ca' ỹo'uet aso lahi' huaxaỹaqse, qaiyi nca'leuec so llaalqaipi. Ca ma' 'ue da lpi'ỹaxac so'maxare, ca re'oq nqai'en quiyim 'ue ca nouaxanaxaset ná'maq qaica ca lpi'ỹaxac hueetalec ana 'laua, chaqai ỹovireta'a quiyim ỹaatqajam qaỹa'maxarenta. Ma' ñi qota'a ỹaatqajam ỹa'maxarenta cá'maq 'ue ca lpi'ỹaxac.

Apocalipsis 11:3

Ca' ỹim selate' ma'le saua dos ỹa'qaataxanqajanqa quiyim ỹa'xatesac aỹim quecaua mil doscientos sesenta na'xata', ỹansañi caua noho ná'maq ỹañiñi ca qom quena' 'ue ca lasauaxanec.