Jonás 3:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Ca' ñi qota'a iuana dá'maq 'neetari' yi qomyipi quiyi Nínive quiyim ỹaxañiñi naua loico se no'viiñi. Ca' ñi'maxare se ipaguigui nqai'en da la'qaatec quiyim 'naac nopoxoỹaxajñi yi Nínive.

Jonás 3:10 Iomraidhean Croise

Jeremías 18:7

Quiyim 'ue ca na'xa'a ỹim so'uet quiyim ñapoc, se'guenaxajñi chaqai ñopoxoỹaxajñi ca qomyipi loqo'm ca loiquenatec ca nashi.

Jeremías 18:8

Qam cajo qomyipi, no'm ỹaxanñi da ỹo'ueetetac se no'uen, ca' se selata ca nouaxanaxaset sa'maxatetañi.

Jeremías 36:3

Sqoue ỹaxanñi dá'maq se no'uen ỹo'ueetetac ná'maq neetalec na Judá ma' ỹa'den ná'ogue ná'maq le'xoric sahotaque selata, ca' sapalaxat na se no'uen ỹo'ueetetac chaqai na lasauaxaset.

Jeremías 42:10

No'm qamiri viitaque sqai dahi quenajo 'laua, ca' ỹim so'uet quiyim 'ue nqaiyi caqamiri; se ñopoxoỹaxajñi qamiri, ta'ta'a quiyim sañiñi qamiri, ca se ñapogue' qamiri, ma' 'ue da ñitogotaxa quiyim ñila' da re'xoriguii.

Joel 2:13

¡Pilliu'a qamiri ñi qara'gaxala', ñí'maq qota'olec caqamiri, ỹaatqajam 'chiichiguiñi nqai'ñii ca netacochaxahi cañi re'taxanatahi, qam se nasectaxachiỹa'ahi naua qatoohi! Ma' ñi qara'gaxala' sotaxaraic da lo'ueenataxanaxac chaqai qouagaxanqachaqaic, hualaxauaic chaqai imaañi da le'xorenataxanaxa, 'eco' se nqo'ta quiyim 'ue ca ỹa'ue ca nouaxanaxaset.

Amós 7:3

Ca na'le, ca' ñi qara'gaxala' qaca'guit nqai'en dá'maq sham 'ne'tegue, ca 'naac: —¡'E', dajo sqai 'neeta ma'le!

Amós 7:6

Ca na'le, ca' ñi qara'gaxala' nallaa quedá'maq sham 'ne'tegue, ca 'naac: —¡Qai'neeta dajo sqai 'neeta ma'le!

Jonás 4:11

Ca huose'quet sqai paguec ca i'xorenataxanaxa quiyi na'ñi yi Nínive, yi chalego lecaic na'a', yí'maq ỹovi' ciento veinte mil na ñaaqaipioqui' neeta'ñi yi'maxare saqa'leca ca ỹa'den, chaqai 'xoic na iseripi nelo.

Jonás 4:2

Co'na'le, ca' nqouagaxainot ñi'maxare, 'naaco': —Ñaqa 'ajñi', qami' ỹa'gaxala', chaqaida dajo dá'maq shinac quen quiyim 'neeta ma'le na' ñaqai senta'gue da ỹa'a'. Vichiguiño' chaqa'ma' sham seet, saigue da Tarsis, ma' ỹim sa'den quiyim qami' 'xorenataxanaxai chaqai 'ñaaxaic qavilli'. Ca' 'xachi' da rouaxanaxanaxaqui', qam lotqai netogochi', ma' paguelec da re'xorenataxanaxa'e'.

Lucas 11:32

Ca' ná'maq neeta'ñi yi na'a' lodegaxat Nínive qai'neeta nachajñi ma'le quecajo pa'aatec na'xa'a, ma' ỹovita quiyim qanimit na qomyipi hueetauguilo nauajo na'xata', ca ichoxot quiyim 'ue ca lasauaxaset. Ma' ná'maq na'ñi yi Nínive ỹalate' naua no'ueenataxaco co'na' qara'qaataxanem queso Jonás queda la'qaatec ñi qota'olec, qam nagui hueetauguilo qamiri dá'maq ỹapacauec queso Jonás.

Lucas 15:20

Ca' quiyi, ca' eec, pila yi la'a' so leta'a. Ca co'na' ñaq qoỹoqo'chiguit, ca so leta'a ỹauañi'chiguit so'maxare. Ca' ỹaatqajam 'uo' da le'xorenataxanaxa. Ca' ne'guenta ca'guit. Ca co'na' ỹovichiguit, ca' qa'aalegue chaqai nqo'goq.