Jonás 2:9 - La'qaatqa ñi qota'olec Qota'olec & Qota'olec Novita Na Qomyipi

⁹ Qam ỹim saantacot qami' da ña'aachicyaxac, chaqai queeta saanot qami' aca savigaxat ỹachitaxanataxanqate; chaqai somachichigui ma'le da ỹa'qaatec sepacqajanchigui. ¡Qami' na'gaxala', chaqaqamite' shichi' ca'laqataxañi'!

Jonás 2:9 Iomraidhean Croise

Génesis 35:3

Se ñaỹaloxonaq quiyim saxague da Betel, ma' queda ma'le, ca' so'uet aca icopatoxonaxalate quiyim ñqouagaxainot ñi qota'olec ñí'maq yotauan na' yiuocqotac chaqai ycoỹaretegueñi quecá'maq seueta'gue.

2 Samuel 15:7

Ca na' ỹovirerec saua cuatro ñaxari, ca' so Absalón 'naaco' queso leta'a nashi: —Qouaquiric qami', ma' qami' ita'a, quiyim yashiñiterec quiyim shicpegue' yi Hebrón, qaiyi sepacqajanchigui da ỹa'qaatec saanot na'le ñi qara'gaxala'.

Salmos 107:22

Ca 'viichii aca rachitaxanataxanqachii 'ỹaañitacot da na'aachicyaxaguii, chaqai 'xachitac netooñita'gue da lo'ueenataxanaxac.

Salmos 27:1

Ñi qara'gaxala' icoỹaraxanaxaqui chaqai ica'laxa, ca ¿negue' quet cá'maq yo'chiitaque? Ñi qara'gaxala' ro'ootaxanlec da ñachaalataxac, ca ¿negue' quet cá'maq ỹa'ue ca iqolonaxa?

Salmos 50:14

¡Da na'aachiqui' quet dá'maq 'ỹaañisacot ñi qota'olec; ipaquichigui nqai'ñi' ca ra'qaachiqui' quiñí'maq qaica ca lqalanec!

Salmos 50:23

cá'maq ỹaantacot aỹim ca na'aachicyaxac, ca' yimaqachin. ¡Ỹim ñca'laxatec cá'maq se neme queetalec da ñayicyaxac!

Salmos 95:2

Senoxonaxau'a, sachoqotaho da qana'aachic, chaqai so'ueenaq ca no'ueenec, semaqachinqatac.

Juan 4:22

Qamiri Samaria laseripi sqa 'yiiñii cá'maq nqouagaxaiñitacot. Qam qomi' sa'deenaq ñí'maq ñqouagaxainqatacot, ma' da nca'laxa chicqotougui na judioipi.

Hechos 4:12

Chaqai qaica ca liỹa chicqochigui ca nca'laxa. Ma' ñi qota'olec qaica ca liỹa neenaxat ỹaanema qomi' quiyim qarca'laxaqui, chaqaisoota so leenaxat so Jesús.

Romanos 12:1

Ca vichiguiño' ỹaqaỹarolqa, ñi'xoresentouguilo qamiri quedá'maq le'xorenataxanaxa ñi qota'a quiyim ỹaatqajam nomachiỹalta' nañaañiỹot ñi'maxare, 'ñiitari' aca nachitaxanataxanqate ỹaatqajam nca'leetauec, quiyim 'ueenataxañiỹot chaqai quiyim ỹa'maxarente' qamiri ñi'maxare. Ca' chaqaida 'ñiita'gue quiyim lliichigui añi re'taxanatahi ca remaqajnataxanaxahi.

Hebreos 13:15

Vichiguiño' se qareme quiyim semaqachinqatac ñi qota'a, chicqochigui nqaishinaq so Jesucristo. Ca' dajo quiyim semaqachinqatac ñi qota'a, ca chaqaida dá'maq 'ec qarachitaxanataxanqate saanqatacot ñi'maxare. ¡Semaqachinqatac ñi'maxare, sahoqota'ahi naua qara'qaatqa!

Apocalipsis 7:10

Sá'ogue netenegue da laualaxac, 'naacsa': Da qarca'laxa chicqo'ot ñi qota'olec, ñí'maq nqa'xantañigui añi nashi nqa'xanaxaqui, chaqai ñi qagreta llaalec.