Jonás 2:6 - La'qaatqa ñi qota'olec Qota'olec & Qota'olec Novita Na Qomyipi

⁶ Ỹaatqajam seyinñi sovira'ña na lqodoc na qaica 'nejem lishigui'ña; ỹaatqajam 'ec mashic polec aỹim quena 'laua. Qalaxam qami' ỹa'gaxala' qota'olec caỹim, yca'laxachirec queso nelauaxa.

Jonás 2:6 Iomraidhean Croise

Salmos 104:6

Na lishiguiñi ana huaaxai ỹapootalec na 'laua, 'ec aca neloxoqui. Na huaxaỹaq ỹapolec ana quemaralec qa' ladocai.

Salmos 104:8

Quelgoto naua quemaralgoto qa' ladocahi, chaqai qui'ñiguilo naua ca'meguelo, ca quepegue' ná'maq loma' 'ñirapega quiyim hua'ñi,

Salmos 16:10

ma' qami' se no'ueenaxachira'ñigui aỹim aca napal lahi', ¡sqa lachira'ñigui aca lahi' ná'maq ỹaatqajam qamaxaraic nauochaxaua'e'!

Isaías 40:12

¿Negue' ca naloqochin ana huaaxai, ỹahote'e ana napoquena, loqo'm ỹa'ue ca lepeetec, ỹahota'ahi naua lenachi' ca lecaachiguiñi na piguim? ¿Negue' ca ỹo'ueeto' aca laloqojnaxaqui ná'ogue na lamoxoỹaxa na 'laua, loqo'm isallaxat ana quemaralec chaqai ana qa' ỹahote'e lesallaqataxanaxaqui?

Ezequiel 31:14

Chaqai tot qaca aca liỹa qo'paq, 'eno'm hueeto'ot ca huaxaỹaq, tot nqo'in da llaxataxa 'nejem aso'maxare. 'Eno'm ỹaatqajam ỹaquiteto'ot, qam se ỹovijshi'ma na naueguelec, chaqai tot ladoc. Ná'ogue taỹa'a quiyim ileu, ca ta'ña yi pa'aañi quena 'laua, ca lapooguit ná'maq mashic hueetañigui ana lahi'.

Mateo 16:18

Ca' ỹim shinac caqami' Pedro ma' qami' qa'. Ca' quenajo qa' so'xonejlec ma'le aca ỹo'ueenaxanaxaqui. Ca' vire'ta da nelauaxa se ishit ỹosogui ma'le aca'maxare.