Jonás 2:4 - La'qaatqa ñi qota'olec Qota'olec & Qota'olec Novita Na Qomyipi

⁴ Ca' ñauate'e quiyim 'ec yo'yirauec, ca 'neetapigui iuel quiyim tot seuana ca ra'aachi' co'teeta.

Jonás 2:4 Iomraidhean Croise

Salmos 31:22

Na' tot qaica ca ỹa'maqa', ca' shintapega quiyim shi'gue yo'yirauec; qam na' sashiila'e' quiyim yotauañi', ca' 'qa'ita ca ỹaualaxac.

Salmos 42:8

Quiyi na'xa'a noviriua' da le'xorenataxanaxa ñi qara'gaxala', chaqai quiyi pe, ca' se neme da ỹo'ueenaxanaxac chaqai da ñqouagaxainaxac quiñi qota'olec, ñí'maq chicqo'ot da ica'laxa.

Salmos 88:6

Yinaqairi'ñigui aca paguec qoỹoqochi'ñigui tema, quecá'maq paguec lapalqa' chaqai qoỹoqochi'ñigui.

Salmos 88:7

Ca' ỹaatqajam machirailec da ronogoxonaxaqui', ca' ¡ỹaatqajam iyinñi nqai'ñi' aỹim quena lo'paxa!

Isaías 49:14

Ca' yi na'a' Sión 'naac: Ñi qara'gaxala' qota'olec yalat, chaqai coua'e aỹim.

Jeremías 7:15

So'yiiỹauec qamiri ma'le 'nejem quesom na' so'daauec so rqaỹairipi so chigoxougui so Efraín. (7.16—8.17 Se na'xaỹaxan so qomyipi. Qanqouagaxainot na ỹoqa'a quiyi Jerusalén. Qaỹa'ue da nouaxanaxaset yi Israel.)

Ezequiel 37:11

Ca na'le, ca' ñi qara'gaxala' 'naac caỹim: Na qomyipi quena Israel 'nejem najo pi'naqaipi. Ma' na'maxare 'naiquen: Na qarpi'naqaipi rashivita; qaica ca ñaquitqataque, ỹaatqajam qara'laañi.

Daniel 6:10

Ca co'na' ỹa'den so Daniel quiyim qai'taxajñi so 'deenaxac queso nashi, ca' queuo quiyi la'a', ca' ỹauachigui añi nqote ñi lelaxasoxoqui, añí'maq pa'aata'gue yi Jerusalén, ca' ỹa'chi'iñi naua le'cootal, ca' nqouagaxainot chaqai imaqachin ñi qota'olec. Ca' chaqaida 'neeta'gue ỹovi' tres nqai'en quiyi na'xa'a.

Jonás 2:7

Na' ñauata'uegue mashic eec dá'ogue da iquesaxanaxa, ca' so'leente'e qami', qami' ỹa'gaxala'; ca' da ñqouagaxainaxac ỹoviro'ot qami' quiyí'maq ñi'sa'ñi ra'aachi' co'teeta.