Jonás 2:2 - La'qaatqa ñi qota'olec Qota'olec & Qota'olec Novita Na Qomyipi

² 'Naaco' na' nqouagaxain: Nagui ỹaatqajam seuetaugui na i'xoric, ca soỹaxanot qami', qami' ỹa'gaxala', ca' saachichiguit aỹim. Mashic ypa'xantañi da nelauaxa, ca' soỹaxanot qami', ca' qami' na'xaỹaxañiriua'.

Jonás 2:2 Iomraidhean Croise

Salmos 16:10

ma' qami' se no'ueenaxachira'ñigui aỹim aca napal lahi', ¡sqa lachira'ñigui aca lahi' ná'maq ỹaatqajam qamaxaraic nauochaxaua'e'!

Salmos 22:24

Ma' qaica quet cá'maq imaqa'guit ñi'maxare chaqai qaica ca napacalec quena leuogoxo ca 'xoraic, chaqai se nañoxotapeguem. ¡Quena' rashiilaxan quiyim qaỹotauan, ca na'xaỹaxanta!

Isaías 14:9

Queda pa'ỹaañi quena 'laua ỹaatqajam 'xoic na naỹaac chaqai nenoxonshiguim ca'guit qami'. Na la'al na leuaxaiquipi nelouec, ná'ogue na nashillipi quena 'laua na'le ca'guit qami'; ná'ogue na lashi na ỹoreta'oguit qomyipi na'le ne'laxashiguim quiyi nqa'xanqa'.

Ezequiel 31:14

Chaqai tot qaca aca liỹa qo'paq, 'eno'm hueeto'ot ca huaxaỹaq, tot nqo'in da llaxataxa 'nejem aso'maxare. 'Eno'm ỹaatqajam ỹaquiteto'ot, qam se ỹovijshi'ma na naueguelec, chaqai tot ladoc. Ná'ogue taỹa'a quiyim ileu, ca ta'ña yi pa'aañi quena 'laua, ca lapooguit ná'maq mashic hueetañigui ana lahi'.

Mateo 12:40

Ma' dá'maq 'neeto' na'le so Jonás co'na' hueetagui na lauel so nallin lodegaxat tres na'xata' chaqai tres piri, ca' chaqaida 'neeta ma'le najo ỹale llaalec hueetaugui ma'le na lauel na 'laua tres na'xata' chaqai tres piri.

Lucas 11:10

Ma' ca rashiilaxan, icoñiguit ca rashiilaxantaque. Chaqai ca remiitaxan, ca' ỹanata ca imitetaque. Chaqai ca ỹotogoxouo ca lasom, ca qaỹauate'oga.

Lucas 22:44

Ca co'na' paguec da le'xoric, ca lotqai noquigaxatec da lquesaxanaxa da nqouagaxainaxac, chaqai na nenoxoỹaxa naquetac, 'ec naua leuo' ñitetañi quena 'laua.

Hechos 2:27

Ma' qami' qota'olec, se no'ueenaqchira'ñi ca ỹa'al ca hua'ñi na leuaxaiquipi, chaqai sqa 'maxariñi' quiyim ỹovirau'a quiyim tot no'uen na loshicmaxa na relaachiqui' rauochaxachi'.

Hebreos 5:7

Co'na' so Cristo hueetalec najo 'laua ỹaatqajam nelamaxaren nqouagaxaintac, chaqai rashiilaxantac, noỹento'ot ñí'maq 'ue da lquesaxanaxa quiyim se ỹovira'a nqai'en da nelauaxa. Ca ñi qota'a na'xaỹaxana so'maxare, ma' so'maxare ỹaatqajam nomatalta' nañaanot ñi'maxare.

1 Samuel 1:16

'Neeto' quiyim 'neetapigui qavilli' quiyim aỹim 'aalo mogola. Ma' ỹim ñqouagaxaintacot ñi qara'gaxala' naua'que naua na'xata', ma' 'xoic da shinta chaqai da nqui'ic.