Jonás 1:6 - La'qaatqa ñi qota'olec Qota'olec & Qota'olec Novita Na Qomyipi

⁶ Ca só'maq lo'o asó'maq qoyintañigui quepegue' so Jonás, ca 'naaco': —¿Negue' cá'maq 'ñi'sa'pegue qami' quenajo, qami' laxasoxoi? ¡Ne'laxachirishiguim, nqouagaxaiñitot ca qota'olec caqami'! Sha'apiguito' qare'xoren, ca' nca'laxaterec qomi'.

Jonás 1:6 Iomraidhean Croise

2 Samuel 12:22

Ca' so David 'naaco': —Na' ñaqa 'ue so noctoqui', ca ñqopaaqachit chaqai ñoỹentac, ma' sahotaque quiyim ñi qara'gaxala' yi'xoren, ca' nca'laxatec yi noctoqui'.

Ester 4:16

—Mo'e', lapooñireta' ná'ogue na judioipi quena Susa, qaiyi nqopaaqachit caỹim. Ca' qaica ca ỹa'ic chaqai ca ni'chigui quenaua tres na'xata'. Naua ilaata chaqai ỹim qai'neeta shinqa'tegue. Ca ma' ime, ca' shicpegue' ya'ỹau'a ñi nashi, 'eno'm dajo se nachiñiguit da naqataxac. Ca no'm qayalauat, qam 'eno'chaqai.

Salmos 107:6

Qam na' neuocqotac, ca ỹaualqot ñi qara'gaxala', ca ñi'maxare naqata'a queda leuogoxo.

Ezequiel 18:2

¿Chi'negue ma' quena Israel sqai ỹaxanñi da lliguec na la'qaatec quena' 'naac: Na neta'allipi ỹa'ic ana 'uva lochiviaxai, ca' na llaalqaipi ỹa'que'teguelo naua loue?

Joel 2:11

Ñi qara'gaxala' 'auetauec queso nalliripi, qara'xaỹaque nqai'en da lauel 'ec soxonaxa. Ỹaatqajam 'xoic so nalliripi; tot qaica ca naloqochin só'maq ilaretac. ¡Chalego lecaic chaqai da lichic só'maq na'xa'a loviraxaqui ñi qara'gaxala'! Ỹaatqajam qaica ca ishit quepaxata'guit.

Amós 5:15

¡Se rqo'chiỹa na se no'uen! ¡Ca rqo'chiỹa ná'maq no'uen! 'Chiichiguiñi nqai'ñii quiyim ỹo'uet na ỹa'maqachiguiñi ná'maq leraxanaxaqui na nimiitaxanaq quena nasauaxaset; ca' sqoue quiyim ñi qara'gaxala' ñí'maq qota'olec sqaica lqalanec 'ue ca lqouagaxa quená'maq ca'laaxaiquipi quena Israel. (16-20 So Amós rashiilaxantac quiyim netogot so qomyipi.)

Jonás 3:8

Ta'ta'a quiyim ñiiñi na nooỹac nachicoxoqui re'qoota nqai'ñii da rachicoxohi, chaqai ná'ogue nqouagaxainot ñi qota'olec machii'ot ná'ogue na rquesaxanaxahi, chaqai ná'ogue ỹaxanñi na loic se no'uen, chaqai quiyim se ra'maqataxan dá'maq ỹo'ueetetaco' quen chi ỹovireta'a nagui.

Jonás 3:9

Sha'apiguito' ñi qota'olec nemanñi da lauel coqomi'. Ca' se qaralauat.

Hechos 21:13

Qam so Pablo 'naaco': —¿Chi'negue ma' nohiñitac chaqai viitaque na ỹachicoxo? Ma' ỹim mashic ñomatalta' quiyim sqaidaata quiyim qaycoñi', qai'neeta quiyim yileua'ñi yi Jerusalén, sasoualec so qara'gaxala' Jesús.

Romanos 13:11

Qam quedá'ogue da sa'xatetac, ñaqai 'ajñii' naua na'xata' seuqatauguilo, chaqai ỹovita yi laloqo', ca nalootañi quiyim ñiloxouec. Ma' dá'maq qarca'laxa tot qoỹoqaque, mesqai 'nejem na' ñaqai chita'gue seconaxaguit da na'qaatec.

Efesios 5:14

Vichiguiño' da na'qaatec 'naacsa': Ma' qami' ñaqai laqaite', ca' nelo'irec; ne'laxachirishiguim quena leuaxaiquipi, ca' coỹarelec qami' ma'le so Cristo.