Jonás 1:5 - La'qaatqa ñi qota'olec Qota'olec & Qota'olec Novita Na Qomyipi

⁵ Ca' so lo'ollipi aso'maxare ỹaatqajam 'xoic da lqolonaxa, ca' quiñi 'óna nqouagaxainot cá'maq chi lashiilec lqolac. Chaqai mashic ỹovire'ta qainaxañigui aso huaaxai na li'ỹaac asó'maq lahite', ma' qaỹahotaque quiyim pa'aateta nqohin. Qam so Jonás ta'anquira aso neesañigui huaxaỹaqse, ca' ỹaatqajam laqatam.

Jonás 1:5 Iomraidhean Croise

1 Reyes 18:26

Ca' so qomyipi ỹacona'a só'maq huaqui llaalec qoỹaanem, ca ỹa'maxajñi. Ca' queso nete'eta, chi ỹovireta'a so na'xa'a lavinñi ỹaualqatacot ỹashiilatac so Baal, 'naaco' quen: —¡Baal, saachichiguita qomi'! Ca 'uo' quen na nenojshiguim, ỹaqaletentac aca lo'ueenata ncopatoxonaxalate, qam qaica ca qara'xaỹaque na'qaatec.

Job 2:4

Qam so na'ỹaapec 'naaco' quiñi qara'gaxala': —No'm ca 'óna saqa' qaiqueuocau'a na loshicmaxa, ca' ỹaqamqata quená'ogue. Ca qom qaica ca itena'a quená'ogue, ma' ỹahotaque nca'laxatec da chi nachaalataxac.

Salmos 107:25

Na' retaqa ñi qara'gaxala', ca' nanac so nonot lodegaxat, ca' 'ue na lo'paxa chalego lecaic.

Salmos 148:8

¡Na nqai'legaxa chaqai ana qalachi, loñi nacañi chaqai na neue'! ¡Na nonot quesaxanaxaic ná'maq ipacqajanchigui da nelaataxac!

Eclesiastés 3:6

'Ue yi laloqo' quiyim 'ue ca 'deenaxac, chaqai 'ue yi laloqo' quiyim 'ue ca qoyique'e. 'Ue yi laloqo' quiyim na'maqataxanaxac, chaqai 'ue yi laloqo' quiyim 'ue ca qainaxauec.

Isaías 45:20

Lapohiỹata', ca' nanaguii, nqo'ñiiuo ná'ogue ná'maq ca'laaxaic qomyipi. Qaica ca ỹa'den ná'maq co'ueetañi, ỹouoxontegueri' na lqolac chicqaugui na qo'paq chaqai nqouagaxainot cá'maq 'neetapega qota'olec, qam se ca'laqataxan.

Jonás 1:14

Co'na'le, ca' nqouagaxainsacot ñi qara'gaxala', 'neraco': —¡Qami' qara'gaxala', 'neeto' qaralauachi' sauaxat ñijo ỹale! Chaqai no'm sqaiñi, ca 'neeto' pataqairelgoto qomi' qarasauaxaset ca lelauaxa ñi'maxare. Ma' qami' qara'gaxala' 'viichi' cá'maq vi'saque.

Jonás 1:16

Ca' so qomyipi co'na' iuanchigui dajo, ca' ỹaatqajam chalego da lqolonaxa quiñi qara'gaxala'. Ca' qaỹo'ueeto' aso qaỹavigaxat nachitaxanataxanqate, chaqai qoỹaanot da na'qaatec quiyim cá'maq qohinac, ca' qaipacqajanchigui.

Jonás 1:6

Ca só'maq lo'o asó'maq qoyintañigui quepegue' so Jonás, ca 'naaco': —¿Negue' cá'maq 'ñi'sa'pegue qami' quenajo, qami' laxasoxoi? ¡Ne'laxachirishiguim, nqouagaxaiñitot ca qota'olec caqami'! Sha'apiguito' qare'xoren, ca' nca'laxaterec qomi'.

Mateo 25:5

Qam co'na' só'maq sham shilo qaua' novi', ca sá'ogue natacot da lelaxac, vire'ta ca' sá'ogue laq.

Mateo 26:43

Ime, ca' pil, ca lotqai iuanejlgoto laqatem' saua lapaxaguinatqa, ma' naua nqote' la'qaatecta', paguelec na lelaxac.

Mateo 26:45

Ca quepegue' yí'maq hueesa'ñi saua lapaxaguinatqa. Ca 'naaco' quesaua'maxare: —Nagui maqsa' laxahi chaqai nco'machiuec. Ma' mashic ỹovita yi laloqo' quiyim najo ỹale llaalec qoỹaaneu'a na qomyipi hualoxonyipi.

Hechos 27:38

Ca na' ime que'e quecá'maq taachi'ñi ca ỹa'ic, ca' qaỹocoriñigui aso huaaxai so trigo, ma' qaỹahotaque pa'aateta aso qarahi'.

Jueces 16:19

Ca' aso Dalila ilaqachit so Sansón hueetalgoto naua loteletari nqai'en so lqahic. Ca roỹaxana so ỹale quiyim nepeteguerec saua siete nepaqata so lqahic. Ime, ca' aso Dalila ỹaatqajam se ỹa'maxata'gue so'maxare.

1 Samuel 24:3

Ca co'na' quesó'maq queeta'gue nayic, ca ỹovito' yi hua'ñi ana qagreta lahi'ipi. Ca quiyi'maxare 'uo' na lauaquipi, ca' queso'maxare, ca hueetauquio' so David chaqai so nalliripi nqañoxotetañi. Ca so Saúl 'ue so taugui, ma' ỹa'ue noma'.