Jonás 1:4 - La'qaatqa ñi qota'olec Qota'olec & Qota'olec Novita Na Qomyipi

⁴ Qam ñi qara'gaxala' ỹo'ueeto' quiyim npe'taxanshiguim so nonot quesaxanaxaic. Ca co'na' mashic qoyiuetañigui aso huaaxai, ca' novi' so chalego lquesaxanaxa nonot, ca' mashic 'ec sham conaqta'gue aso huaxaỹaqse.

Jonás 1:4 Iomraidhean Croise

Salmos 148:8

¡Na nqai'legaxa chaqai ana qalachi, loñi nacañi chaqai na neue'! ¡Na nonot quesaxanaxaic ná'maq ipacqajanchigui da nelaataxac!

Éxodo 10:13

Ca' so Moisés ỹachaxanshiguim da lqai'laxat, quelec nqai'en yi Egipto. Ca' ñi qara'gaxala' ỹo'uet quiyim nanac so nonot chicqo'tegue da lqodoigue, ca' quelec nqai'en yi 'laua Egipto sá'ogue so na'xa'a chaqai sá'ogue so pe. Ca' queso liỹa nete'e, ca' so nonot lqodoiguesec noviraxato' aso piñai.

Éxodo 10:19

Co'na'le, ca ñi qara'gaxala' ỹoỹoota'a nqai'en da taigue ca nonot, ca' ñigui nqai'en so nonot quesaxanaxaic, chicqa'gue da lauashiguim. Ca i'xat sá'ogue aso piñai, ca taañigui nqai'en aso huaaxai, leenaxat huaaxai toc. Ca' quiyá'ogue yi Egipto qaca aca piñai no'ueenañi.

Éxodo 14:21

Ca' so Moisés ỹachaxanshiguim so lqai'laxat nalojlec nqai'en aso huaaxai, ca' ñi qara'gaxala' nela' so quesaxan nonot chicqa'gue da lqodoigue, naquetac quesá'ogue so pe. Ca' shicchigui nqai'en aso huaaxai, ca' chaqaido' da 'neeta na'le, ca' ñi qara'gaxala' ñigui nqai'en aso huaaxai 'laua rashivijlec.

Éxodo 15:10

Qam npi'chirec so racachi', ca' aso huaaxai ỹaqan so'maxare; 'ec na quiguiñi na' iyinñi queso huaxaỹaq chalego lquesaxanaxa.

Amós 4:13

Ñi qara'gaxala' ñí'maq ỹo'uet ana qa' ladocai chaqai na nonot, ñi'maxare ỹa'deenaxanaxaneguelo naua na'deenaxaco na qom, ñí'maq ñigui pe nqai'en yi na'xa'a, ñí'maq quelgoto nauá'maq paguec qoỹoqoshi'meguelo quena 'laua, ñi qara'gaxala', ñi'maxare qota'olec sqaica lqalanec, ca' chaqaida dá'maq dajo leenaxat.