Jonás 1:3 - La'qaatqa ñi qota'olec Qota'olec & Qota'olec Novita Na Qomyipi

³ Qam so Jonás se na'xaỹaxan, ta'ta'a quiyim ỹahotaque 'eetapeguem ñi qara'gaxala' qota'olec. Ca' quepegue' yi ñigaxasom leenaxat Jope. Ca' quiyi, ca' natenejlec aso qom lahi' huaxaỹaqse mashic sham taigue da na'a' lodegaxat Tarsis. Ca so'maxare ishiueten aso renotaxaqui, ca' renoto, huotaque taigue da Tarsis.

Jonás 1:3 Iomraidhean Croise

Génesis 3:8

Ca' so ỹale chaqai aso loua 'xairaque ñi qara'gaxala' qota'olec ỹouoxontac yi lanaxanqa' hueetaugui so nonot 'oom queso avit. Ca' saua'maxare nqañoxoterapeguem, tarougui yi qo'paxasat quiyi nanaxanqa'.

Génesis 4:16

Ca' so Caín eeco', ca'e yí'maq hua'ño' na' retaqata'pegue' ñi qara'gaxala'. Ca naalco' yi 'laua leenaxat la'a' na se ỹo'viijñi. Yi'maxare pa'a'gue da lqodoigue quiyi Edén.

1 Reyes 19:3

Ca' so Elías retan quiyim chalego lecaic dá'maq hueetalec. Chaqai quiyim nca'laxatec dá'maq chi nachaalataxac, ca' eec taigue da Beerseba yí'maq huaugui yi 'laua Judá. Ca' quiyi, ca' po'an so lelaatec.

1 Reyes 19:9

Ca co'na' ỹovita, ca taho'gue so lauac, ca hueetaho'gue 'óna pe. Qam ñi qara'gaxala' ỹovira'a so'maxare, ca 'naaco': —Elías, ¿negue' cá'maq 'ñi'sa'pegue quenajo?

Esdras 3:7

Ime, ca' qaishiueten so 'imec lo'ollipi chaqai so qomyipi ichaqapigui na qo'paq, chaqai qaỹa'ue na loq, ne'taxat, chaqai ne'aceite so qomyipi na'gue da Tiro chaqai da Sidón, qaiyi ỹachigoxota'ñi yi Líbano na qo'paq cedro, quiñigui nqai'en aso huaaxai, ca' taita'a nqai'en yi na'a' Jope, ma' chaqaido' dá'maq 'naaco' na'le so nashi quiyi Persia.

Job 1:12

Ca' ñi qara'gaxala' 'naaco' queso na'ỹaapec só'maq viraqataxanaxai: —Ỹa'maqachiguiñi. Cha'regue, 'viiquiñi'sac quecá'maq 'ñi'sa'gue ná'ogue ná'maq louenqaipi ñi Job. Qam ñi'maxare, ca' 'xañisac, se qa'vi'ra'gue. Ca co'na'le, ca' so na'ỹaapec ca'e ñi qara'gaxala'.

Job 2:7

Ca' só'maq viraqataxanaxai ca'e ñi qara'gaxala', ca ilata so Job so nalolaxa chalego la'aaxa, quelec na loshicmaxa, chicqochi'ñiguilo naua lapiaate', ỹoviragui na lqahic.

Salmos 107:23

Ro'ueenataxan quiyim nemeenaxaiquipi caso huaaxai, 'vii naua llico ana lahi' huaxaỹaqse,

Isaías 2:16

ma' reloqoguit ná'ogue ná'maq 'neetapigui lauel 'ec aca qom lahi' quiñigui na huaxaỹaq quiyi Tarsis loqo'm aca qom lahi' huaxaỹaqse lo'yaxana.

Isaías 60:9

Najo qom lahiripi quiñigui na huaxaỹaq nauequetecta', ca' na qom lahiripi looỹac yi Tarsis na'aaueta, qoỹoqo'tegue da ỹachigoxota'gue na qachaalaxai'ipi, ne'xateta na ne'óro chaqai na nepláta, ỹahotaque imaqachin ñi qara'gaxala', ñí'maq co'teeta qota'olec quena Israel, ñí'maq ỹo'uet quiyim 'ue da rauaqe'.

Ezequiel 2:8

Ỹaatqajam pacqajñichirigui da ỹa'qaatec, 'neeto' lotqai se na'xaỹaxañi' 'ñiite' yi qomyipi. Huachirigui na qadapi', ca 'qui' ná'maq saanem qami'.

Ezequiel 3:14

Ca' da lquesaxanaxa ñi qota'olec naqata'a ỹim quiyi'maxare, ca' ỹim shic, qam se ỹa'maxagui na iuel chaqai sachicota, qam ñi qara'gaxala' lo'qoota'a da iqai'laxat ỹovicqochigui.

Jonás 1:10

Ca' so Jonás ra'qaataxano' queso lo'ollipi aso qom lahi' quiyim so'maxare 'eetetapeguem ñi la'gaxala' qota'olec. Ca saua'maxare co'na' 'xahita so'maxare, chaqai aso huaaxai nqo'neetauec da lquesaxanaxa, ca 'xoic da lqolonqa'. Ca' qainato' so Jonás: —¿Chi'neco' ma' 'ñitetco' dajo? ¿Negue' ca shinqata'co' qami', qaiyi inanguit da lquesaxanaxa ana huaaxai?

Jonás 4:2

Co'na'le, ca' nqouagaxainot ñi'maxare, 'naaco': —Ñaqa 'ajñi', qami' ỹa'gaxala', chaqaida dajo dá'maq shinac quen quiyim 'neeta ma'le na' ñaqai senta'gue da ỹa'a'. Vichiguiño' chaqa'ma' sham seet, saigue da Tarsis, ma' ỹim sa'den quiyim qami' 'xorenataxanaxai chaqai 'ñaaxaic qavilli'. Ca' 'xachi' da rouaxanaxanaxaqui', qam lotqai netogochi', ma' paguelec da re'xorenataxanaxa'e'.

Lucas 9:62

Qam so Jesús 'naaco': —Ca qom quiyim mashic ỹashil-lec ca lasaugaxanaxat, ca nqovilca, ca' sqa taiguit da lo'ueenataxanaxac ñi qota'olec quiyim ỹoiquentac ná'ogue najo.

Hechos 15:38

Qam so Pablo se ỹa'maxaren quiyim ỹauec, ma' so'maxare no'ueenaqteraño' na'le quiyi Panfilia, ca pil, ỹalate' saua liỹa', se ipaguelec da lo'ueenataxanaxac.

Hechos 26:19

Ca' qami' ỹashi Agripa, chaqaida nqaishin ma' chaqa'ma' ña'xaỹaxana so iuanaxanaxac chicqo'ot na piguim.

Hechos 9:36

Ca' quesaua na'xata' 'uo' aso mashic shi'gom ỹacoñiguit da na'qaatec na'ñi yi Jope, leenaxat Tabita. Dajo neenaxat quenaua griego la'qaatqa 'naac: Dorcas (dajo 'naac: qagreta neuec). Aso 'aalo co'na' ñaqa 'ue 'xoic da lotaanaxanaxac, ỹotauantac ná'maq 'ue na louenaxanaxa.

Hechos 9:38

Yi Jope sqoỹaqaque quiyi Lida yí'maq neeta'ño' so Pedro. Ca co'na' so qomyipi ỹa'den so'maxare quiyim neeta'ñi yi Lida, ca' qailate' saua dos ỹale' quiyim 'nerapega chaqa'ma' eec, quepegue' yi Jope.

Hechos 9:42

Ca' ỹa'den dajo yá'ogue yi na'ñi yi na'a' Jope, ca 'xoic na huelec so qara'gaxala' Jesús.

Hechos 9:43

Ca' so Pedro ỹa'vii na'xata' neeta'ñi yi na'a', neeta'ñi yi la'a' so loshicmaxa lo'o, leenaxat Simón.

1 Corintios 9:16

Caỹim mesqai 'ec ñimaqajan quiyim sa'xatetac da na'qaatec chicqaugui da nca'laxa, ma' chaqai qaỹamaxailec quiyim so'uet. Ma' ¡'xoraicolec aỹim no'm se sa'xat da'maxare!

2 Tesalonicenses 1:9

Na'maxare ỹaatqajam chalego lecaic da nouaxanaxaset chaqai sqaica lqodoc. Qaỹo'daauec ỹaatqajam qoỹoqote'oga nqohin, qaiyi se iuana ca lauaq chaqai da lquesaxanaxa so qara'gaxala',