Jonás 1:2 - La'qaatqa ñi qota'olec Qota'olec & Qota'olec Novita Na Qomyipi

² —Mo'e', quirepegue' yi chalego lecaic na'a' Nínive. Ca' 'ñirapega quiyim sqaỹaloq sopoxoỹaxachigui, ma' ỹaatqajam ỹoviraỹot quiyim sa'den da se no'uen ỹo'ueetetac.

Jonás 1:2 Iomraidhean Croise

Génesis 10:11

Ca' chaqaiyi yijo 'laua chicqochi'ñi so Asur, ca' no'xoñishiguim yaua na'aate' quiyi Nínive, Rehobot-Ir, Cala,

2 Reyes 19:36

Ca co'na'le, ca' so Senaquerib, nashi quiyi Asiria, ca'e yi nco'matqa', ca' pilegue da Nínive.

Esdras 9:6

Ca' shinac: —Qami' ỹa'gaxala' qota'olec, qami' ỹa'gaxala' qota'olec, ỹaatqajam chalego da ỹayiloxo, chaqai tot sa'den ca shine'tegue quiyim ñqouagaxainot qami'. Ma' na se no'uen mashic ỹapacshiguim coqomi', chaqai na qarasauaxaset mashic ỹovitot na piguim.

Isaías 58:1

Ñi qara'gaxala' qota'olec 'naac caỹim: Se ro'chi'i', taxahi' nelamaxariñi', 'ec npe'te nqai'ñi' ca qavillaxaqui'; relaqaita na ỹalamaxareteripi llaalqaipi so Jacob quedá'maq se no'uen ỹo'ueetetac chaqai queda lasauaxaset.

Jeremías 20:9

No'm shinac: “Tot sa'deenapega ñi qara'gaxala', chaqai tot sa'xat da leenaxat,” ca' naua ra'qaataxahi' quena iuel 'ec ca norec ravicqataxan queete'ueguelo naua ipi'naqa. Sahotaque se sa'xate', qam se seshit.

Ezequiel 2:7

Qami' 'ñirapega dá'maq shinac, no'm na'xaỹaxan loqo'm se na'xaỹaxan, ma' ỹaatqajam npa'guenaxairipi yi'maxare.

Jonás 3:2

—Mo'e', quirepegue' yi chalego lecaic na'a' Nínive, ca' 'xachi'o' dá'maq shinapega ma'le qami'.

Jonás 3:3

Ca' so Jonás eec, quepegue' yi Nínive, ma' chi qailata quiñi qara'gaxala'. Yi na'a' Nínive chalego lecaguiñi. Ca' quiyim qoyigougui, ca ỹovi' tres na'xata', ca' qaigueme qaỹoviraxatec. Ca' so Jonás queugui yi'maxare quesá'ogue so 'óna na'xa'a, ra'qaataxanta'pegue', neteneguelo naua la'qaatqa. 'Naaco' quen: —¡Quenauajo cuarenta na'xata', ca' qanopoxoỹaxajñi na Nínive!

Jonás 4:11

Ca huose'quet sqai paguec ca i'xorenataxanaxa quiyi na'ñi yi Nínive, yi chalego lecaic na'a', yí'maq ỹovi' ciento veinte mil na ñaaqaipioqui' neeta'ñi yi'maxare saqa'leca ca ỹa'den, chaqai 'xoic na iseripi nelo.

Miqueas 3:8

Qam quená'maq ỹim quiñi ne'Espíritu ñi qara'gaxala' no'xataxachigui aỹim queda lquesaxanaxa, queda ỹa'maqachiguiñi chaqai da la'ñaxac iuel, ca' soviraqta'a yi Israel quiyim se na'xaỹaxan chaqai queda lasauaxaset.

Mateo 10:18

Ca vire'to' ma' viriỹau'a ná'maq reloqota'alo naua 'lauari chaqai ná'maq lashillipi na'maxare, ma' qamiri ỹalamaxarete', qaiyi shichii ya'xachitac quena'maxare chaqai quena sqai judioipi.

Mateo 12:41

Ca' so qomyipi na'ño' na'le yi na'a' lodegaxat Nínive, so'maxare nachajñi ma'le quecajo na'xa'a ma' qaimit ná'ogue na qomyipi, ca ỹa'ue ma'le ca nouaxanaxaset na'maxare. Ma' só'maq na'ñi yi Nínive ỹaxañiñi naua lanatqa na' qaỹa'xatem da la'qaatec ñi qota'a quesó'maq la'qaataxanqajnec leenaxat Jonás. Ca' nagui hueetauguilo qamiri dá'maq paguec lecaic queso Jonás.

Santiago 5:4

Añí'maq rishiuetenaxanqachii se ipaguigui nqai'ñii quena qomyipi quená'maq ro'ueenataxantac naqatetac na la na qadañicshiguii, chaqañi añí'maq ro'laxanta'pegue' caqamiri. Ca' ñi qota'a ma' la'gaxala' ná'ogue na piguim laseripi, ca ñi'maxare 'qaatapega da laualaxac na 'ueenataxanaxairipi.

Apocalipsis 18:5

Ma' lapootañi na lasauaxaset ỹovirashiguim quena piguim. Ca ñi qota'a ỹo'leenta'a ná'maq se no'uen ỹo'ueetetac yi'maxare.