Jonás 1:16 - La'qaatqa ñi qota'olec Qota'olec & Qota'olec Novita Na Qomyipi

¹⁶ Ca' so qomyipi co'na' iuanchigui dajo, ca' ỹaatqajam chalego da lqolonaxa quiñi qara'gaxala'. Ca' qaỹo'ueeto' aso qaỹavigaxat nachitaxanataxanqate, chaqai qoỹaanot da na'qaatec quiyim cá'maq qohinac, ca' qaipacqajanchigui.

Jonás 1:16 Iomraidhean Croise

Génesis 28:20

Ca' yí hua'ño' na' so Jacob 'uo' da ỹaanec la'qaatec, 'naaco': —No'm ñi qota'olec liỹaatac aỹim, chaqai cochiitapega aỹim queda ỹicyaxac queda saata'gue, chaqai ỹo'uet ca noq chaqai ca ỹooỹac,

Génesis 8:20

Ca co'na' ime, ca' so Noé ỹo'ueeto' aso lcopatoxonaxalate quiyim imaqachin ñi qara'gaxala'. Ca ỹacona'a quena iseripi chaqai quena ỹoipi quená'maq co'teeta, 'oonoqui' ñi ỹacona'a quená'maq ỹoreta'oguit iseripi. Ime, ca ỹavigaxat, ỹa'ue aca lachitaxanataxanqate quiyim ỹaanot ñi qara'gaxala'.

2 Reyes 5:17

Ca co'na'le, ca' so Naamán 'naaco': —Hua', qam qouaquiric quiyim sa'ue ca i'ỹaac 'laua quena Israel, sellaalgoto naua dos que'lahi, ma' ỹim tot liỹa savigaxat ca ỹachitaxanataxanaxat queca nqolac, qaiñiita ñi qara'gaxala'.

Salmos 107:22

Ca 'viichii aca rachitaxanataxanqachii 'ỹaañitacot da na'aachicyaxaguii, chaqai 'xachitac netooñita'gue da lo'ueenataxanaxac.

Salmos 50:14

¡Da na'aachiqui' quet dá'maq 'ỹaañisacot ñi qota'olec; ipaquichigui nqai'ñi' ca ra'qaachiqui' quiñí'maq qaica ca lqalanec!

Daniel 6:26

chaqai sa'ue da ỹaqataxac chaqai selaataxan quiyim ná'ogue na qomyipi quená'maq 'laua soiquentac quiyim se iualaxainari' ñí'maq qota'olec quiñi Daniel. Ma' chaqaiñi ñí'maq qota'olec nca'leetauec, chaqai se neme quiyim 'ue. Da lo'ueenataxanaxac quiyim ỹoiquentac ná'ogue najo qaica iuagaxatac, chaqai qaica lqodoc da lquesaxanaxa.

Jonás 1:10

Ca' so Jonás ra'qaataxano' queso lo'ollipi aso qom lahi' quiyim so'maxare 'eetetapeguem ñi la'gaxala' qota'olec. Ca saua'maxare co'na' 'xahita so'maxare, chaqai aso huaaxai nqo'neetauec da lquesaxanaxa, ca 'xoic da lqolonqa'. Ca' qainato' so Jonás: —¿Chi'neco' ma' 'ñitetco' dajo? ¿Negue' ca shinqata'co' qami', qaiyi inanguit da lquesaxanaxa ana huaaxai?

Jonás 1:14

Co'na'le, ca' nqouagaxainsacot ñi qara'gaxala', 'neraco': —¡Qami' qara'gaxala', 'neeto' qaralauachi' sauaxat ñijo ỹale! Chaqai no'm sqaiñi, ca 'neeto' pataqairelgoto qomi' qarasauaxaset ca lelauaxa ñi'maxare. Ma' qami' qara'gaxala' 'viichi' cá'maq vi'saque.

Marcos 4:31

Da'maxare 'nejem aca la ana mostaza quiyim qoỹanñi quena 'laua. Ana'maxare ỹaatqajam cocho'lli' ana ala, sqai 'nejem ná'ogue ana liỹa nanecse hueetalec ana 'laua.

Hechos 5:11

Ca sá'ogue só'maq mashic ỹacoñiguit da na'qaatec chaqai so liỹaripi co'na' ỹa'den dajo, ca ỹaatqajam 'xoic da lqolonaxa.