Joel 2:32 - La'qaatqa ñi qota'olec Qota'olec & Qota'olec Novita Na Qomyipi

³² Qam ná'ogue ná'maq pi'ỹa'a chaqai ỹashiila ñi qara'gaxala', quiichigui nqai'en da leenaxat, ca' nca'leuec ma'le, qohit queca nelauaxa, ma' cada qa' ladocai Sión quiyi Jerusalén hueeta'ñi ma'le da nca'laxa, ma' chaqaida dá'maq 'naac na'le ñí'maq qara'gaxala'. Ná'maq lca'acseripi na'le ñi'maxare, ca nca'leuec ma'le. (3.1-21 Ñi qota'olec ỹa'ue da nouaxanaxaset na ỹoreta'oguit qomyipi. Ñi'maxare nqouaguegue ma'le so lalamaxareteripi.)

Joel 2:32 Iomraidhean Croise

Génesis 4:26

Ca' so Set 'uo' qai'neeta so llaalec, ca leenaxato' nqai'en Enós. Ca' queco'na'le, ca' na qomyipi imaqachintac da leenaxat ñi qara'gaxala' qota'olec.

Salmos 50:15

Ca ỹaxañita ỹim quiyim 'ue ca reuogoxo'e'; ca ỹim so'ootaxanlec qami', ca qami' yimaqachiñi' ma'le.

Jeremías 31:7

Ñi qara'gaxala' 'naac: 'Ueenaxañii queda netoonaxaguii chaqai da raỹaaguii qamiri lalamaxareteripi so Jacob, ná'maq ỹapacauec quená'ogue na ỹoreta'oguit qomyipi. 'Viichii quiyim qara'xaỹa ca ro'ueenaxanaxaguii chaqai 'ñiỹac: Ñi qara'gaxala' nca'laxatec na lalamaxareteripi, ná'maq no'ueenashiguim na'le queso Israel llaalqaipi.

Miqueas 5:3

Nagui, ca' ñi qara'gaxala' ỹaxantac na lalamaxareteripi, ỹovireta'a nqai'en ma' chi co'o añi 'aalo nauaantaque quiyim ne'qaañi ca llaalec. Ma'le, ca' qaigueme rapil na lauo' laseripi, quená'maq llaalqaipi so Israel hueetalec yi ỹoqa'a 'laua.

Juan 10:16

Qai'neeta 'ue ana liỹa ilo qagretaipi sqai neetaugui anajo ilo lahi'. Ana'maxare qai'neeta sahotaque ño'deho. Na'maxare qai'neeta na'xaỹaxañiua' ma'le, qaiyi 'oonoqui' ca lapooqo', chaqai 'oonoqui' ca neloxoỹaq.

Juan 4:22

Qamiri Samaria laseripi sqa 'yiiñii cá'maq nqouagaxaiñitacot. Qam qomi' sa'deenaq ñí'maq ñqouagaxainqatacot, ma' da nca'laxa chicqotougui na judioipi.

Hechos 15:17

qaiyi ná'ogue na liỹa qomyipi idaanapigui, ma' ỹim la'gaxala', chaqai ná'ogue na qom neetalec na 'laua, quená'maq sahotaque ỹalamqateripi.

Hechos 2:39

Ma' dajo qaỹachaxantac quiñi qota'olec ỹaatqajam taỹauguilo qamiri chaqai naua qachaalaxahi chaqai qai'neeta ná'ogue ná'maq qoỹoqo'ta, chaqai quená'ogue ná'maq ñi qara'gaxala' qota'olec roỹaxane'oga.

Romanos 11:26

Ca ma' ỹovirelec dá'ogue dajo, ca ná'ogue na Israel laseripi qanca'laxatec ma'le. Ma' naua naneresañi la'qaatqa ñi qota'a 'neracsa': Chicqochi'ñi ma'le yi Sión cá'maq ỹosouec ma'le na llaalqaipi so Jacob, chaqai nquiỹogoñi quena se no'uen.

Romanos 11:5

Ca' chaqaida 'neeta nagui quiyim ñaqa 'ue ná'maq no'ueenañi quená'maq qanca'au'a ma' qai'xoren quiñi qota'olec.

Romanos 11:7

Ca ¿negue' cá'maq 'neeto'? Quiyim ná'maq Israel laseripi se ỹanata cá'maq idaantaque, qam ná'maq lca'acseripi ñi qota'a, ca' ỹanata. Qam ná'maq liỹaripi no'ueena'guit quiyim se na'xaỹaxan.

Romanos 9:24

Ma' ñi qota'olec na' roỹaxanalo qomi', ca' 'ue na ỹachigoxotaugui na judioipi chaqai na liỹaripi ỹachigoxotaugui na mesqai judioipi.

Romanos 9:27

Qam quená'maq Israel llaalqaipi, ca' so Isaías 'naaco' na'le: “'Eno'm ỹaatqajam 'xoic na llaalqaipi so Israel, 'ec lecaata na lo'uaxanaxa cana huaaxai, qam sqo vito'olqai' ma'le caua no'ueendañi quiyim nca'lerec.

1 Corintios 1:2

Ca' nagui selatalo qamiri ana ỹerecse, qamiri ỹaqaỹaripi ma' mashic viilec ñi qota'a, ñiita'ñi na na'a' lodegaxat Corinto. Qamiri lalamaxarete' ñi qota'a, ma' na'yiitau'a so Cristo Jesús. Ñi'maxare roỹaxañiỹaxaua' ma' ỹahotaque quiyim co'taxat da nachaalataxaguii, 'nejem ná'ogue na 'neeta'ogalo naua liỹa' 'lauari ná'maq mashic nqouagaxaintacot so qara'gaxala' Jesucristo, só'maq la'gaxala' na'maxare, neete'm qomi'.

Hebreos 12:22

Qam qamiri mashic nqo'ñiu'a aso quemaralec ladocai leenaxat Sión, yí'maq na'a' lodegaxat ñi qota'a ñí'maq sqaica lqodoc nca'leetauec, yí'maq qohinac Jerusalén hueeta'gue da piguim, yí'maq hueete'e ná'maq ỹaatqajam 'xoic nelaatqaipi piguim laseripi,