Joel 2:3 - La'qaatqa ñi qota'olec Qota'olec & Qota'olec Novita Na Qomyipi

³ Mashic 'nejem ca norec ná'ogue ỹavigaxat, saqa' quelec yi'maxare, qa' shi'gue ỹavigaxat, chaqai quena' shi'gue quelec. Yí'maq 'laua na' saqa' novi' ana piñai, yi'maxare chalego loyac, qam quena' mashic ỹoxogue, ca' qaica ca no'ueenañi. ¡Ná'ogue qo'queeta, qaica ca llitec!

Joel 2:3 Iomraidhean Croise

Génesis 13:10

Ca' so Lot ỹa'ajan sá'ogue so ca'megue quena lahi aso lachiugue leenaxat Jordán. Ca' iuana quiyim ỹovira'a yi na'aa'oqui' leenaxat Zoar. Ca' queso ca'megue ỹaatqajam 'xoic na huaxaỹaq 'nejem loyac cá'maq ỹaatqajam no'uen nanaxanqa', chaqai 'nejem na 'laua quiyi Egipto. (Ca chaqaida 'neeto' da loyac yi 'laua co'na' ñi qara'gaxala' saqa' nopoxoỹaxachiñi yaua na'aate' leta'al Sodoma chaqai yi Gomorra.)

Génesis 2:8

Ca na' ime, ca ñi qara'gaxala' qota'olec ỹo'ueeto' so lanaxanqa', illaalec yi 'laua leenaxat Edén, pa'ỹa'gue da lqodoigue. Ime, ca' ỹanalec só'maq lo'ueenatec qom.

Salmos 50:3

Ñi qota'olec anac, qam se i'maqata: 'aueta nqai'en so norec navicqataxanaq; chaqai quenaua lahil, ca 'ue na nonot lodegaxat.

Éxodo 10:15

Ma' mashic ỹapaguelec aso'maxare, ca' tot re'oq nqai'en na 'laua. Ca' ỹa'ic ná'ogue ana nanecse chaqai ná'ogue ana la ana qo'paq caná'maq no'ueenaxaỹo' na'le na' ime'uegue aso qalachi. Qaica ca no'ueenañi lo'ualaxa quiyá'ogue yi Egipto quena no'ueenaxa chaqai cana qo'paq.

Éxodo 10:5

Ca' ca'maxare ỹapolec ná'ogue ma'le. Ca' se re'xo'ña na 'laua, ca' ỹa'ic ma'le ná'maq no'ueenauec caso qalachi, chaqai qai'neeta ỹa'ic ná'ogue na lo'ualaxa ana qo'paq quena no'ueenaxa.

Isaías 14:17

ñí'maq co'tejlem nqai'en na 'laua qaica ca qom nqai'en, nomachichiguiñi quen na na'aateripi chaqai qaica ca ỹaxanec quena ncoñiitecseripi?

Amós 7:4

Dajo dá'maq ỹachaxañim ñi qara'gaxala': Seuana quiyim nela' so 'ec norec navicqataxanaq quiyim rouaxanaxana, ca rashivigui nqai'en aso qoỹoqochi'ñigui huaaxai late'ogue' chaqai sham nomachiñi qai'neete' naua no'ueenaxari.