Joel 2:27 - La'qaatqa ñi qota'olec Qota'olec & Qota'olec Novita Na Qomyipi

²⁷ Ca 'yiiñiỹa'a ỹim ma'le, qamiri llaalqaipi so Israel, quiyim ỹim na'gaxala' salequetauguilo qamiri, chaqai quiyim ỹim qota'olec caqamiri, ca' qaica ca liỹa. Ca' tot qaica ma' liỹa quet na ỹalamaxareteripi quiyim paguelec quet ca layiloxo.

Joel 2:27 Iomraidhean Croise

Salmos 46:5

Ñi qota'olec neetañigui lavinñi yi'maxare chaqai ro'ootaxanteguelec, ñi qota'olec ỹotauantac quena' sham richiguiñi.

Proverbios 1:23

Na'xaỹaxañiỹalo naua ỹaqataxaco, ca' ño'xataxachiguilo qamiri ma'le queda na'deenaxanaxa; ca' sa'deenaxanaxaneguelo qamiri ma'le naua ỹa'deenataxanaxaco.

Isaías 45:5

Ỹim ná'maq ỹim na'gaxala', ca' qaica liỹa; qaica ca liỹa qota'olec ỹoqa'oga caỹim. Ỹim sa'maxajñi qami' quiyim qami' loquiaxai, 'eno'm saqa' huañirapiguiỹa',

Isaías 45:6

qaiyi ná'ogue ỹa'den quiyim qaica ca liỹa ỹoqa'oga caỹim queda lqodoigue chaqai da lauashiguim. Ỹim ná'maq ỹim na'gaxala' qota'olec, ca' qaica ca liỹa.

Isaías 49:23

Naua nashillipi ra'ualaxahi' qata'alli' ma'le, chaqai nauá'maq llaallipi neloxoỹaxallipi caqami' ma'le. Chaqai nqa'paxanñi, ỹoviraxata'guit nqai'en na latap na 'laua, ca' neneequesenta, ỹachaxan dá'maq quiyim se napacalec aqami'. Ca 'yiiñira'a ma'le quiyim ỹim ná'maq ỹim na'gaxala', ca ná'maq pi'ỹa'a ỹim mese pe'taxantegueri'.

Isaías 53:6

Ca qomá'ogue so'maqac, 'ec qomi' qagretaipi, quiñi 'óna queeta'pegue' cá'maq chi la'deenataxanaxac, qam ñi qara'gaxala' illaalec so'maxare sá'ogue só'maq se no'uen hueetaguilo qomi'.

Ezequiel 37:6

Sa'ue ma'le aca ro'ootahi, ca' sosapaxanlec queca la'at, ca' sapolec quena loshicmaxa, ca' saanem ca lacat, qaiyi liỹa nca'leuec. Ca' ma'le, ca' 'yiiñiỹa'a qamiri quiyim ỹim na'gaxala'.

Joel 2:26

Ca' qamiri ma' qui'ii chi ỹoviretalec quiyim ỹaatqajam quemari, ca maqachiñitac ma'le ñi qara'gaxala' ñí'maq qota'olec caqamiri, ma' chalego lecaic dá'maq so'uet caqamiri ỹo'uet da ne'laxa. Qaica ma' liỹa quet 'neetari' na ỹalamaxareteripi quiyim paguelec ca layiloxo.

Números 23:21

Qaica ca iuana ca na'maachic chaqai ca se no'uen quena llaalqaipi so Israel, só'maq 'auaxaic leenaxat da Jacob. Ñi la'gaxala' qota'olec ỹalequetauguilo naua'maxare, chaqai na'maxare ỹaualqatalec ñi'maxare, 'neeta'gue meca lashi.

2 Corintios 6:16

¿Peeta'a ỹa'maqachiguiñi quiyim qoỹanaugui ca nashiilec nqolac ca 'imec qouagaxainaxaqui quiñi qota'a? 'E', ma' qomi' lauooto' ñi qota'a ñí'maq nca'leetauec. Ma' ñí'maq qota'a 'naac: Sentaugui chaqai salequetaugui na'maxare; ca' chaqaỹim ná'maq ỹim qota'olec quena'maxare, chaqai na'maxare, ca ỹalamqateripi.

Deuteronomio 23:14

Ma' ñi ra'gaxalari qota'olec ỹalequetauguilo qamiri quena nco'matqari, quepaqataxanteguelgoto qamiri, chaqai ỹo'uet quiyim qadoxoñiguii ca npa'guenaxauahi. Ca' vichiguiño' cá'maq nco'matqari ỹaatqajam co'teeta nqai'ñii, qaiyi ñi qota'olec qaica ca iuana se no'uen queca'maxare, ma' no'me', ca' noỹootec caqamiri.

1 Pedro 2:6

Vichiguiño' naua naneresañi la'qaatqa ñi qota'a qai'neeta 'nerac: Ỹim sellaañigui na Sión ñi 'óna ñí'maq 'ec qa' nollaañi ca 'imec; ñijo qa' ica'acsec chaqai 'xoic da lovic. Cá'maq huelec ñi'maxare, ca' se nayiloxontac.

Apocalipsis 21:3

Ca' sa'xaỹaque so na'qaatec ỹaatqajam lam, 'maqot na piguim, 'naac: —Ñaqa 'ajñi', nagui ñi qota'olec ỹalequetaugui na qomyipi, ỹaatqajam lauoraripi. Na'maxare ỹaatqajam lauo' laseripi, chaqai chaqaiñi ñi qota'olec ỹalequetaugui yi'maxare, ca' lalamaxaret ñi qota'olec yi'maxare.