Joel 2:26 - La'qaatqa ñi qota'olec Qota'olec & Qota'olec Novita Na Qomyipi

²⁶ Ca' qamiri ma' qui'ii chi ỹoviretalec quiyim ỹaatqajam quemari, ca maqachiñitac ma'le ñi qara'gaxala' ñí'maq qota'olec caqamiri, ma' chalego lecaic dá'maq so'uet caqamiri ỹo'uet da ne'laxa. Qaica ma' liỹa quet 'neetari' na ỹalamaxareteripi quiyim paguelec ca layiloxo.

Joel 2:26 Iomraidhean Croise

Génesis 33:11

Vichiguiño' 'ue da ipagaxallic quiyim coñichiguit ná'maq ỹame ñoda'a qami', ma' ñi qota'olec chicqo'ot da quiyim ỹim nesallaxanec, ca' qaica ca souentaque. Ca' so Jacob ỹaatqajam 'ue da lepagaxallic, vire'ta na' so Esaú icoñiguit so neme.

Salmos 103:5

ñí'maq ỹomataỹot ná'ogue ná'maq paguec na loyac chaqai yadalaxateta 'ec nqai'en aỹim ca o'ic.

Salmos 22:26

Qui'ii, qamiri 'xoraiquipi, chi ỹovireta'a quiyim rquemarii; qamiri ma' daañitaque ñi qara'gaxala', ca' maqachiñii, ca 'xoic ca ñaxaripi rca'lliitauec.

Salmos 67:5

Qami' qota'olec, imaqachin qami' na ỹoreta'oguit qomyipi; ¡quiyim ná'ogue na ỹoreta'oguit qomyipi imaqachin qami'!

Cantares 5:1

Mashic shi'gue seuetaugui na ỹanaxanqa', qami' ñapiitaxauo'lli'. Mashic secona ana ñimirra chaqai na ño'daxaraic lahita, shi'gue se'guentac na rapic li'i hueetagui ana lapa, shi'gue ñi'teetapigui na lataxa chaqai naua lo'i'. Qamiri qarqo'itqate' qanauochaxaua', qui'ii chaqai ni'chii, ¡canchi lecaata cá'maq ni'chiigui!

Isaías 49:23

Naua nashillipi ra'ualaxahi' qata'alli' ma'le, chaqai nauá'maq llaallipi neloxoỹaxallipi caqami' ma'le. Chaqai nqa'paxanñi, ỹoviraxata'guit nqai'en na latap na 'laua, ca' neneequesenta, ỹachaxan dá'maq quiyim se napacalec aqami'. Ca 'yiiñira'a ma'le quiyim ỹim ná'maq ỹim na'gaxala', ca ná'maq pi'ỹa'a ỹim mese pe'taxantegueri'.

Isaías 54:4

Totaxan ro'chi'i', sqaica huapigui qavilli'; totqai qoyiga'a qami' chaqai qaica ca nayiloxoñisaque ma'le. Coua'ire'e da nayiloxonaxaqui' na' ñaqai qami' nogot, ca totqai o'lliinchite na' tot qaimaqachin da npa'ỹeshiqui',

Isaías 55:2

¿Chi'negue ma' 'ỹaañitapegueu'a na qadamii cá'maq se na'ic? ¿Chi'negue ma' 'ỹaañitapegueu'a aca raviguii cá'maq se nquemategue? Na'xaỹaxañii'ta aỹim, ca a'guii ma'le ca no'uen na'ic, 'guii ma'le ná'maq 'ue na lo'daxa.

Romanos 10:11

Naua naneresañi la'qaatqa ñi qota'a 'nerac: “Quená'maq mashic huelec ñi'maxare, ca' se nayiloxontac nqai'en.”

Romanos 5:5

Ca' dajo qanaquitaxac se ỹo'uet ca qarayiloxo, ma' ñi qota'a no'xataxachiguilo naua qare'taxanata queda le'xorenataxanaxa, chicqochigui nqai'en so Espíritu Santo ma' mashic ỹaanema qomi'.

Romanos 9:33

só'maq qaỹa'xatetac quenaua naneresañi la'qaatqa ñi qota'a, ma' 'nerac: Aỹim sanañigui na lavinñi yi Sión ñi ỹale quiyim 'ec ca qa' nepoxolaxanaxala' chaqai qa' quiyim 'ue ca huaañi nqai'en; qam cá'maq huelec ñi'maxare, ca se nayiloxontac nqai'en.

Deuteronomio 12:12

Ca ma'le, ca' 'viichii ca rqui'ỹaxaguii, iuanchiguilo qamiri ñi qara'gaxala'. Rqui'ỹaxauahi na qachaalaxahipi chaqai naua relaataxahi chaqai naua lotauaripi na netaxaỹaxanqajanqaipi quiyim qaretaxaỹa'pegue' ñi qota'a neetauguilo qamiri, ma' na'maxare se qoỹaanem cá'maq ỹaatqajam lalamaxaret la'a'.

Deuteronomio 12:7

Ca' cá, hua'ñi, ca qui'ii, qaiyi ỹauanchiguilo qamiri ñi qara'gaxala' ñí'maq qota'olec caqamiri, rqui'ỹaxauahi ca qachaalaxahipi, netooñigue cá'maq chicqaugui ca ro'ueenataxanaxaguii quedá'maq lqouagaxa ñi qara'gaxala' ñí'maq qota'olec caqamiri.

1 Timoteo 6:17

Chaqai ná'maq mashic ỹovita quiyim mashic nesallaxanec, ca' 'ñirapega quiyim se nemaqajnaxai, chaqai sqai hueetagui nqai'en ca naquitaxac da lesallaxa, ma' da'maxare sqai 'neetari'. Ta'ta'a quiyim illo'ot da naquitaxac ñi qota'a, ma' nca'leetauec ñi'maxare, chaqai ỹaanema qomi' ná'ogue ná'maq qarouenec, qam ỹapacauec nqai'en, ca lotqai ñitoonqata'pegue.

1 Juan 2:28

Ca' nagui qamiri ỹaalqolqa, quiitalec quiyim na'yiitau'a so Cristo, qaiyi 'ue ca qarpe'e ma' ỹovita quiyim nachaxan, chaqai qaica ca qarayiloxo ma' novi' so'maxare.