Joel 2:23 - La'qaatqa ñi qota'olec Qota'olec & Qota'olec Novita Na Qomyipi

²³ ¡Netooñitac qamiri ñiỹa'ñi na Sión, netooñita'gue ñi qara'gaxala' ñí'maq qota'olec caqamiri! Ma' chaqaiñi ñí'maq nela' na ỹaxat na' viñitac, naua ỹaaqate' quiyi no'oomaxa chaqai yi nosaxa, dá'maq chaqai'en 'neetari' quen quesom.

Joel 2:23 Iomraidhean Croise

Salmos 104:34

Saxanchi' nqo'talo naua ỹa'deenataxanaxaco ñi qara'gaxala', ma' qaiñiita ỹo'ueetetac da ñitoonaxac.

Salmos 32:11

Netooñigue ñi qara'gaxala', qamiri ỹale' huagaxaraqa chaqai 'maxataxaraqa; ¡netooñitac chaqai raualaxahi queda netoonaxaguii!

Salmos 84:6

Ca ma' ỹovita ca ca'megue leenaxat oỹenqa', ca' ñigui nqai'en ca huaxaỹaq ne'paxantashiguim, ca vire'ta na ỹaxat i'paxanlec nqai'en quena nqouagaxa;

Isaías 61:10

Chalego da la'maxa iuel chaqai 'xoic da ñitoonaxac quiñi qara'gaxala' qota'olec, ma' ñi'maxare 'xoic da lotaanaxanaxac caỹim, ¡ỹaatqajam ỹa'ue da ỹoxonaxanaxac! Shinta ca sham shilo quena' no'ueet ỹanñi aca no'uen nado'o, chaqai aca 'aalo sham shilo ỹañiñi naua no'ueetqate'.

Ezequiel 34:26

Ỹim silla'ñi ma'le naqaletenlec nqaishin ma'le ada ñaqa' co'teeta, ca ño'ueenaxat da llicyaxac, chaqai ñila' na ỹaxat no'ueenaxat dá'maq 'neetari', ma' ỹovita ca laloqo'.

Oseas 6:3

¡Ña'ñaxataq quiyim seuanaxa ñi qara'gaxala'! Ñi qara'gaxala' nacpegueto qomi' ỹaatqajam lliqueta 'ec quena' nenoxonshiguim añi ra'aasa, ỹaatqajam lliqueta 'ec quena' na ỹaxat ỹocorelec na 'laua quiyi cotap chaqai yi nosaxa.

Amós 4:7

Qai'neeta so'uet quiyim qaica ca ỹaxat na' saqa'lecaua tres shiriguiri quiyim qanaqat na nanecsec. 'Vii naua na'aate' 'ue nqaishin na ỹaxat, qam quena liỹa, ca' qaica nqaishin ca ỹaxat; 'ue na no'ueenaxa ta'ñi na ỹaxat, qam quena liỹa, ca' ỹaso, ma' qaica ca huaxaỹaq;

Zacarías 9:9

¡'Xoic ma'le ca netoonaxaqui', qami' na'a' lodegaxat Sión! ¡'Ueenaxañi' queda netoonaxaqui', qami' na'a' lodegaxat Jerusalén! Na nashi 'maxataxaraic chaqai huegaxanaxai naỹa'a qami', qam ne'xoresenta, neetalec na 'ashinoqui' ná'maq llaalec aca 'ashina.

Hechos 14:17

Qam ñaqaiyiita da nachaxanaxac ñi'maxare, quedá'maq no'uen lo'ueenataxanaxac, quena' ỹa'ue na ỹaxat, chaqai lo'yaxanec nqai'en na laỹaxac na nanecsec, chaqai sqoue nqai'en ca qonoq, ca' qomi' ñitoonqatac.

Filipenses 3:1

Ca' nagui qamiri ỹaqaỹarolqa, netooñita'gue so qara'gaxala'. Chaqai se se'miaqta'a quiyim liỹa shiriñi dá'maq shi'gue shiriñi, ma' 'xoic da lovic caqamiri.

Filipenses 3:3

Ma' ná'maq ỹaatqajam llic qaỹa'ue na netanec na loshicmaxa, ca chaqainaua nauá'maq qomi', ma' chicqochigui so Espíritu Santo quiyim ñqouagaxainqatacot ñi qota'a, chaqai ñitoonqata'gue quiyim qomi' lalamaxarete' so Cristo Jesús. Chaqai se spi'ỹaaqatapega na re'qoochigui qanetanec.

Filipenses 4:4

Naua'que naua na'xata' netooñita'gue so qara'gaxala'. Liỹa sopilalec shinac: ¡netooñitac!