Joel 2:22 - La'qaatqa ñi qota'olec Qota'olec & Qota'olec Novita Na Qomyipi

²² Qamiri iseripi neuec totaxan ro'chii, ma' na 'uaqapi liỹa no'ualauec ma'le, chaqai ana qo'paq lotqai 'ue ana la, chaqai ỹaatqajam 'xoic ma'le ana 'igo chaqai ana 'uva.

Joel 2:22 Iomraidhean Croise

Génesis 4:12

Ca 'eno'm 'viichi'sac na 'laua, qam tot qaca ma'le aca la. Ca chaqai huoxoñi'sac ma'le ana 'laua qaica ca ra'aachi', chaqai qaica ma' shichi' quet quiyim nco'machirec.

Salmos 36:6

Naua ra'qaataxahi' ipaquichiguilo 'ec ana quemaralec qa' ladocai; chaqai naua relaataxanaxagohi' 'nejme' aca huaaxai late'ogue' chaqai qoỹoqochi'ñigui. Qami' qara'gaxala', richillira'a na qomyipi chaqai na iseripi.

Salmos 67:6

Na nanecsec quena 'laua 'ue na la; ¡ñi qota'olec no'ueenaxate' qomi'!

Ezequiel 36:30

Chaqai qai'neeta so'uet quiyim ana qo'paq quena no'ueenaxa nqo'neuec ana la, qaiyi tot liỹa quiyim 'ue quet ca rayiloxohi quena liỹa qomyipi sauaxat da rqopaaxahi.

Jonás 4:11

Ca huose'quet sqai paguec ca i'xorenataxanaxa quiyi na'ñi yi Nínive, yi chalego lecaic na'a', yí'maq ỹovi' ciento veinte mil na ñaaqaipioqui' neeta'ñi yi'maxare saqa'leca ca ỹa'den, chaqai 'xoic na iseripi nelo.

Hageo 2:16

¿negue' cá'maq 'neeto' quen caqamiri? Ma' quena' 'ue ñi eec quepegue' ca lapoonec, 'neetapega quiyim ỹovi' veinte bolsas queca lanecsec ala, qam diesolli' bolsas caua no'xaguilo; chaqai quena' 'ue ñi quepegue' ca no'ueetqa' na lataxa, 'neetapega quiyim ỹovi' cincuenta aca nehoma no'xataxat, qam veintolli' caua no'xataxate'.

1 Corintios 3:7

Ca quecá'maq danaxan chaqai ca rocoraxantac qaica ca 'netegue. Qaiñiita ñí'maq qota'a maq 'ue ca 'negue, ma' ñi'maxare maq ỹo'uet da lañaqtaxac da no'ueenataxanaxac.