Joel 2:20 - La'qaatqa ñi qota'olec Qota'olec & Qota'olec Novita Na Qomyipi

²⁰ Soỹoote'oga ma'le caqamiri ana piñai chicqa'gue da rapiguim, chaqai semaxalec yi 'laua sqaica qom. Ná'maq na'aueta homac nqaishin caso huaaxai qaỹamata'gue huaaxai leuaxai, chaqai cá'maq co'uaataxanta, ca taañigui nqaishin aso huaaxai qaỹamata'gue huaaxai hueetañiguilo naua 'lauari, ca' na loshicmaxa nichiga', ca' se no'uen na lahita. ¡Ca 'xoic lecaic ma'le cá'maq so'uet!

Joel 2:20 Iomraidhean Croise

Salmos 126:3

Ajá'a, ñi qara'gaxala' ỹaatqajam chalego lecaic da ỹo'uet coqomi', ca' 'ue da qanetoonaxac.

Éxodo 10:19

Co'na'le, ca ñi qara'gaxala' ỹoỹoota'a nqai'en da taigue ca nonot, ca' ñigui nqai'en so nonot quesaxanaxaic, chicqa'gue da lauashiguim. Ca i'xat sá'ogue aso piñai, ca taañigui nqai'en aso huaaxai, leenaxat huaaxai toc. Ca' quiyá'ogue yi Egipto qaca aca piñai no'ueenañi.

Éxodo 8:14

Ca na qomyipi lapoon ana piyiloxoloxo leuaxai, ỹahota'ahi naua lapoonqa, ỹomaxata' na lahita se no'uen.

Amós 4:10

Selata na'le so ne'ne' qamiri 'ec cá'maq selata na'le yi Egipto; so'uet quiyim ileu so ne'naqaipi caqamiri quiyi no'ueenaxa lauatqa', chaqai so'uet quiyim so npa'guenaxauaripi rouootaxana'gue so laloipi shipiguiripi chaqai ñcoỹaxanaxaneguelo qamiri na lahita so leuaxaiquipi quiyi nco'matqari, ¡qam qamiri se rapilliua'! Ñi qara'gaxala' i'taxajñi da la'qaatec.

Zacarías 14:8

Ca' ma'le, ca' nac ca huaxaỹaq 'oom chicqota'a yi Jerusalén, ca ná'maq huaxaỹaq naquetac quiyi no'oomaxa chaqai yi nosaxa. So lavinñi taatapegaqso'ma aso huaaxai qaỹamata'gue leuaxai, chaqai so liỹa lavinñi taatapegaqso'ma aso huaaxai hueetegueñigui ana delec.

Malaquías 3:11

Ca' mesqai saxanegue quiyim na nichigaxanaq nichiguiñi na qadañicshiguii ala chaqai naua qadanaxahi 'uva lomaate'.